“Anak, nandiyan na ang taxi na ipinatawag mo,” tawag sa kanya ng nanay niya. Naghahanda kasi sila ng anak niya na magpunta sa mall at mamili ng mga kakailanganin nila sa company outing nina Clint.
“Opo, ‘Nay, ‘andiyan na po.” Mabilis ang bawat kilos niya dahil nakakahiya kung maghihintay nang matagal ang taxi driver. “’Nak, bilisan mo riyan.”
“Tapos na po ako, Mama.”
“O, sige tara na,” yaya niya rito at agad na lumabas ng bahay. “’Nay, ‘Tay, alis na po kami,” paalam niya sa mga magulang niya.
“Sige, anak. Ingat kayo. Siyanga pala, ‘wag mo kalilimutan ‘yong pinabili ko, ha?” pahabol na habilin ng tatay niya.
“Opo, ‘Tay. Alis na po kami.” Sumakay na sila ng anak niya sa taxi.
“Manong, sa mall po tayo,” aniya sa driver.
“Sige po, Ma’am,” sagot ng driver.
“’Ma, maganda po ba ang Bat
