“Okay,” kapagkuwan ay sagot nito. “Sagot mo ako kay Nanay, ha?” Tinanguan niya ito saka nag-thumbs up.
“Oo naman.”
Kinuha nito sa kamay niya ang hawak niyang pinamili nila at inilagay sa basket nito. “May bibilhin pa ba kayo?”
“Oo meron pa. Bibili ako ng sun block. Alam mo na iwas sunog ng balat,” aniya na hinaplos pa ang kanyang balat. Natawa ito sa ginawa niya.
“You don’t need to,” anito.
“Hmm…Nambola ka pa,” aniya na nilingon ito. Nang walang anu-ano’y may nahagip ang mga mata niya. Nakita niya iyong dalawang sales lady na nagtsitsismisan kanina.
“Ano ba ‘yan! Siya pala ang syota!” Narinig niyang maktol nito sa kasama habang nakatingin sa kanila, partikular na kay Clint. Eksaktong madadaanan nila ito kaya narinig niya ang sinabi ng babaeng umirap sa kanya kanina. Hindi niya maw
