SI RAFAEL ang dumating na bisita at katulad ng mga kaibigan ko ay hindi rin nila iyon inaasahan. Ngayon lang ulit kami nagkita matapos ang birthday niya.
"Rafael," pagtawag ko sa kaniya.
At hindi na niya ako hinintay na makapagtanong pa na para bang alam na niya ang tumatakbo sa isipan ko. "Jeerah, pasensya ka na kung binigla kita. Nagpunta ako rito para sana magpasama sa'yo." Sandali pa akong napalingon sa mga kaibigan ko at nanatili lang silang nakatingin sa amin. Muli kong naisip na kailangan nga pala ako ngayon ni Rafael bilang isang kaibigan.
"Ah, pero mamaya pa namang hapon ang out ko, willing ka bang maghintay?" Sandali siyang napakamot sa batok at kalauna'y napangiti.
"Sige, may pasok din naman ako, e. Balikan na lang kita mamaya." At bago pa man ako tuluyang makatalikod ay mu
