Nakamaang na napatingin si Vera sa matanda habang sapo-sapo ang kanyang pisngi. Sa lakas ng sampal nito ay halos umugong ang tenga niya. Hindi siya makapaniwala habang palipat-lipat ang tingin dito at kay Kaiden na halatang gulat na gulat din sa ginawa nito.
“Are you alright, Kaiden? Tell me, what did she do to you? Did she hurt you?” sunod-sunod na tanong ng matanda habang tila puno ng pag-aalalang sinusuri nito ang katawan ng bata.
Nakakunot naman ang noo na umiling si Kaiden na pilit nagpupumiglas sa hawak nito. “What are you doing here, Lola?”
Napatigil si Lucille at gulat na napatingin sa mukha ng bata. Tila hindi nito nagustuhan ang tanong nito.
“What am I doing here?... You don’t know how worried I am as soon as I heard that you were not home. I haven’t seen you for a month,
