THISA IRENE
“Sinisigawan mo ako?” tanong ko sa kanya.
“I–Ikaw kasi eh, sinasabunutan mo na naman ako. Sabunutan mo ako sa susunod pero hindi ganito,” sabi niya sa akin at kalmado na agad ang mukha niya.
Mukhang ginulat lang talaga niya ako. Mukhang hindi naman talaga siya galit na sinasabunutan ko siya.
“May iba pa bang sabunot?”
“Meron,” nakangisi na sagot niya sa akin.
“Ano naman?”
“Nagsisimula dito,” sagot niya sa akin at bigla na lang niya akong hinila at mabilis na hinalikan ang labi ko.
Ako naman itong nagulat sa ginawa niya sa akin. Hindi ako makakilos at nakadilat lang ang mga mata ko. Hindi ako makapaniwala na hinahalikan na naman niya ako ngayon. Namumuro na talaga ang lalaking ito. Sinusubukan ko siyang itulak pero niyakap niya ako. Dahil sa malaki ang katawan niya ay
