"ALYSSA."
Napatigil si Alyssa mula sa paglalakad nang may pamilyar na boses na tumawag sa pangalan niya.
At nang lumingon siya sa kanyang likod ay nakita niya ang pinsan ng kaibigang si Krissa na si Jared, na nanligaw sa kanya noon.
"Jared," wika naman niya dito nang magtama ang mga mata nila.
Nakangiting humakbang naman ang lalaki pakapit sa kanya. "Akala ko namamalikmata lang ako nang makita ka dito. Ikaw nga talaga," wika nito ng tuluyang nakalapit. "Kailan ka pa nakauwi?" mayamaya ay tanong ni Jared sa kanya.
"Noong nakaraang linggo pa," sagot naman niya sa lalaki.
Napansin naman niya ang bahagyang pagkunot ng noo nito sa narinig na sagot niya. "Hindi ko nabalitaan ang pag-uwi mo?"
"Baka busy ka lang kaya hindi mo nabalitaan," wika na lang ni Alyssa sa lalaki. Pero naisip n
