KAGAT-kagat ni Alyssa ang kuko habang nakatitig siya sa cellphone niya. Nagdadalawang isip kasi siya kung tatawagan ba niya si Franco o hindi. Gusto kasi sana niyang magpasama dito na magpunta ng Mall, hindi pa kasi niya kabisado ang pasikot-sikot sa Manila, baka mawala pa siya.
Hindi nga siya lumalabas ng condo ni Audrey kung hindi siya tinatawagan ni Franco kung may pupuntahan sila. Wala din naman siyang ibang pupuntahan doon dahil wala naman siyang kilala sa Manila. Si Franco at pamilya lang nito ang kilala niya doon. At ang kakambal naman niya ay missing in action pa din, hindi nagpaparamdam. Hindi nga niya ito ma-contact nang subukan muli niya itong tawagan para sabihin din ang tungkol sa pagtawag sa kanya ng nangangalang Timothy. Sa totoo lang ay hindi niya ito kilala, kung hindi l
