SINFULLY YOURS (Scandals and Seduction Series Book 1)

Ako si Daphne Vega. Kung gaano ako kaganda at kaperpekto sa labas ay isa namang sugatang kaluluwa ang nasa loob. Ang maging kabiyak ng anak ng pinakamakapangyarihang lalaki sa aming lalawigan ay sapat na upang umani ako ng mga papuri. Ngunit lingid sa kaalaman ng marami ay ang kalungkutang pinagdaraanan ko sa mga sandaling hindi kayang tugunan ng aking kabiyak ang aking mga paghahangad bilang babae.

Hanggang dumating sa buhay ko si Stefano Franco Mondego Estillore. Punong-puno siya ng init at pagmamahal. Gusto kong iwasan ang tukso ngunit mahirap lalo na at pinagbubuklod kami ng aming mga pangangailangan. Hanggang kapwa kami natupok sa naglalagablab na apoy sa aming pagitan.

Sa isang kisap-mata ay niyakap namin ang kasalanan. Tinikman namin ang bawal at lubusang sumuko sa ilalim ng kapangyarihan ng pag-ibig at pagnanasa. Hanggang matuklasan ko ang isang bahagi ng kaniyang pagkatao na naghatid sa akin sa impiyerno…