“P— NA’Y DANA!” mariing mura ng Tiya Dolor niya.
Bagaman natatakot ay ipinagtapat na rin niya ang kalagayan niya dito. Ang naging reaksyon nito ngayon ay inaasahan na niya. Napaghandaan na niya iyon subalit hindi pa rin matatawaran ang naging takot niya lalo at nagsimula na siyang paliguan ng mura.
“Malandi kang babae ka! Manang-mana ka sa ina mo. Daig ninyo pa ang mga pakawala! Hindi na ninyo binigyan ng kahihiyan ang mga Abad Santos!”
Wala siyang magawa kundi ang mapapikit nang mariin. Kung hindi lang siguro malaki ang bahay ang malayo din naman sila sa kapitbahay, hindi na nakapagtataka kung sa sandali ring iyon ay kumalat sa buong Macabebe ang kalagayan niya.
“Patawarin ninyo ako, Tiya,” impit na wika niya.
“Patawad?” tal
