MALAKI ang opisinang tinutukoy ni Riza. Impressive ang interior at alam din naman niyang prestihiyosong law firm iyon. Pero wala siyang panahon para lubusang humanga. Ipinarada lang niya ang dalang sasakyan at hinanap sa guwardiya si Ethel.
“Maupo lang muna kayo diyan, sir. Naka-break ho iyong hinahanap ninyo. Nagkasalisi kayo. Kalalabas lang niya papuntang 7-eleven.”
“Malayo ba iyon dito?”
“Sa bandang likuran ng building.” Nakita marahil ng guwardiya ang pagkabagot sa mukha niya kaya inagapan siya nito. “Maghintay na lang kayo, sir. Baka sa likuran na rin iyon dumaan pabalik dito.”
Walang kibong tumango siya. Nakatitig siya sa relo. Hindi niya binilang kung ilang minuto ang lumipas pero nakatitiyak siyang ilang minuto rin ang nagdaan. At
