"Sonny, tell us about the second artifact," sabi ni Jules.
Nagtungo sila sa den matapos na ma-welding ang crucifix. At mula sa bookcase ay may kinuha si Mayor Arteza na file case.
"Remember 'yung ikinuwento ko na nagpunta sina Father Vitores at Pedro Calungsod sa Guam para mag-baptize ng mga lokal na Chamarros?" paalala ng alkalde.
Nagtanguan sina Jules, Hannah at Father Deng, at ipinakita ni Mayor ang isang polaroid picture ng isang maliit na antique na bote.
"This bottle contains about 30 millilitres of the actual baptismal water used by Pedro Calungsod," aniya.
Namangha sila. Isang kulay amber na bilog na bote na kasya lamang sa kamay ng tao. Naluluma na ang polaroid kaya't hindi na malinaw ang image ng bote.
"Ironically, the holy water was also responsible for their deaths," sabi
