Naging abala si Thea sa pagpapatakbo ng hardware business nila katuwang ng pinsan niyang si Jeff. Medyo naninibago pa siya noong una. Never naman kasi niyang nahawakan ang negosyo nilang ‘yon. Hindi kasi siya interesado ro’n kasi para sa kanya panlalaki lang ang negosyong ‘yon. Kung tutuusin wala siyang alam sa pagpapatakbo ng hardware business nilang ‘yon. Pero dahil pursigido siyang matuto at very hands on sa kanya si Jeff. Unti-unti niya namang nagagamay ang negosyo nila.
Patang-pata ang katawan niya nang makauwi siya sa bahay. Inisa-isa kasing ituro sa kanya ni Jeff ang hardware store nila na nakakalat pala, hindi lang sa NCR kung hindi pati na rin sa karatig probinsiya. Hindi niya akalain na umabot na pala sa thirty branches ang T&T Hardware store nila. At lahat nang iyon ay dah
