Chapter 8
*Rachel*
Habang nasa biyahe ay hindi pa rin ako makakalma. Hindi ko siya magawang lingunin. Nakikita ko lang siya kapag ililiko ko ang sasakyan. Hindi naman siya sa akin nakatingin pero kasi… iniisip ko pa rin ‘yong ginawa niya kanina. May kung anong kaba sa dibdib ko tuwing maaalala ko ‘yon.
Pagkauwi ay nakita ko agad ang sasakyan ni Melissa. She’s here! Ipinarada ko ang sasakyan at agad na bumaba. Nakita ko siyang lumabas mula sa bahay.
Nakita ko siyang may hawak na juice at naka-straw pa. Kumaway siya sa akin habang nakangiti. Pero mas lumapad ang ngiti niya nang makita si Robert na bumaba mula sa sasakyan. Tinitigan niya akong tila may malalim na kahulugan. Heto na naman siya.
“Melissa,” nakangiting tawag ko sa kaniya. Nakipagbeso-beso naman siya sa akin. Nang sa kaliwan
