Chapter 12
*Rachel*
Maraming bisita sa engrandeng selebrasyon. Ang iba ay nagkakamustahan at ang iba naman ay karadating lang din katulad ko. Humawak ako sa braso ni Trojan nang makababa na sa sasakyan.
Ang kanilang malaking bahay ay humihiyaw sa karangyaan. Mansion na sa laki at maraming sasakyan na mamahalin. Kilala ang pamilya nila dahil kabilang sila sa pinakamayayaman dito sa Pilipinas. Ang kanilang malalaking negosyo sa ibang bansa ay hindi biro ang kinikita nilang pera kada buwan. At itong nag-iisang anak nilang si Trojan ay may sarili ring negosyo. Successful sila sa larangan ng negosyo kaya hindi na ako magtataka kung bakit ayaw pang mag-asawa ni Trojan. Hindi siya magkaroon ng girlfriend dahil sa ina niya. Mapili sa babae at gusto ay siya ang masunod pagdating sa buhay pag-ibi
