DAHIL SA NAGING tagumpay ang presentation ng Design Department sa Manager at CEO ng La Fashionista, napagkasunduan ng kaopisina ni Zenna na mag-celebrate on Saturday night. Sa isang bar sa BGC ang napag-usapan nilang magkakatrabaho. Ayaw sana ng dalaga ngunit napilit din siya sa huli ni Arianne at iba pang mga kaopisina nila. Kaya at heto siya ngayon, kasama ang mga nagkakasiyahang sina Gabriella, Maverick, Marceline, Jersey, JC, at siyempre si Yvette.
“ Maraming mga mayayamang guwapo ang nagpupunta rito. Sana may maiuwi ako mamaya,” desperadong ani Maverick.
“ Balita ko nga rin, dito ang hangout ng Ricaforte cousins, ” segunda naman ni Gabriella. Makahulugang tingin ang ibinigay nito kay Zenna, na muntik niyang ikasamid sa iniinom na Margarita.
Nahatak tuloy ang atensyon nina Jersey
