Chapter 64.02
Hailey Sophia Medrano
SUMULYAP ako sa relo ko. 6:00 PM.
Napahinga ako nang malalim at pinilit pinapakalma ang sarili ko. Today is our third wedding anniversary. Kahit ilang beses ko ulitin sa isip ko, parang hindi pa rin ako makapaniwala na umabot kami dito. O baka ako lang ang umabot.
Sana kahit ngayong gabi lang, maging maayos. Sana kahit ngayon lang, maramdaman ko na may halaga ako sa kanya.
Pagkatapos kong magsuot ng simpleng dress, walang engrande. Pero inayos ko pa rin ang sarili ko. Maayos ang buhok, malinis ang itsura. Hindi para sa iba kundi para sa kanya. Kahit minsan lang, gusto kong mapansin niya ako. Hindi bilang istorbo. Hindi bilang responsibilidad. Kundi bilang ako, ang babaeng nagmahal sa kanya nang totoo.
Huminto ako sa harap ng salamin at pinagmasdan
