NAPAPITLAG ako ng may pumitik sa harapan ko. Napakurap-kurap ang mga mata ko.
"Anong nangyari sa'yo at mukha kang naengkanto? Pagpasok na pagpasok mo, nakatulala ka?" tanong ni Nikka.
Napalunok ako sabay upo sa swivel chair ko.
"May kababalaghan bang nangyari? Ano, kumusta itsura ng matandang si Fellar?" Si Jayjay.
Muntik na akong masamid.
"Sigurado, di ka nagkakamali na matandang panot, malaki ang tiyan, balbas sarado, nakakatakot tumingin--"
Napahinto ito ng bumuntong-hininga ako ng may kalakasan.
"Bakit ganiyan ang mukha mo? Kanina pa kami daldal nang daldal, ayaw mong magsalita? Ano bang nangyari sa loob ng opisina ni Mr. President?"
Mahina akong umiling. Hindi pa rin kasi ako makapaniwala.
"Nagulat lang ako."
"Nang makita mo ang matandang panot na 'yon?" Si Jayjay.
Mariin
