KAAGAD akong napatayo ng makita ang asawa. Niyakap ko ito at hinagkan naman nito ang labi ko.
"Napaaga ka?" nakangiting tanong ko sa asawa.
Laking pasalamat ko at umalis din 'agad ang kakambal ko. Ipinulupot naman nito ang braso sa baywang ko.
"Wala na rin naman kasi akong gagawin sa opisina. Kaysa naman tumunganga ako ro'n, naisipan ko ng umuwi at ng maibigay ko naman sa mahal kong asawa ang oras ko."
Matamis naman akong napangiti. Hinalikan pa nito ang gilid ng ulo ko.
Natigilan ako ng mapansin kong napahinto ito.
"Umuwi na si Sofia?" kaswal lang ang pagkakabigkas nito.
Pinakatitigan ko naman ang mga mata ng asawa. Wala naman akong kakaibang nakikita bukod sa pagmamahal na nakikita ko sa mga mata nito.
Tumango ako.
"Umalis din kaagad. May pupuntahan pa raw pala kasi siya."
Tum
