Alaala ng Detective

Kabanata 4: Isip pa more

Sa loob ng canteen ay biglang napansin ni Joem na bumagal ang paligid at tuluyang huminto. Tumayo siya na naguguluhan. Ginala nya ang kanyang paningin sa paligid at nakita hindi na gumagalaw ang mga kasama nya.

Lumingon siya sa kanyang likuran. Bigla siyang natumba dahil sa kanyang nakita.

Nakita nya ang kanyang sarili katabi ni Carlos.

"Anong bang nangyari?! Patay na ba ako at nakikita ko ang katawan ko sa aking harapan?"

Ilang beses naglakad ng paulit ulit si Joem ng bigla nyang napansin ang magandang dilag na nasa gilid niya.

Pumwesto sa harapan at tinitigan ang dalaga.

Napahinga na lang sya na may pagkadismaya. Kung kailan pa siya nakakilala ng gusto niya. Saka pa nangyari ito.

Habang pinagmamasdan ni Joem ang mukha ng magandang dilag na nasa kanyang harapan.

Bigla may panel na lumabas sa harapan niya. Medyo transparent ito na maaninag parin kung ano ang nasa likod ng panel.

May nakasulat na "Nais mo bang Mag-save ang imaheng ito?" sa parteng ibaba nito ay may dalawang hugis na makikita. Ang una ay hugis O na kulay berde at ang pangalawang hugis ay X na pula naman ang kulay. Sa pinakailalim naman ay may Lv. 1 na nakasulat.

Dahil nalilito pa rin siya sa nangyayari. Pinag-isipan niya itong mabuti. kung pipindutin ko ang ekis na pula ay parang pinili ko na hindi isave ang imahe na ito. kaya ang pipiliin ko ay ang hugis O para masave ito.

May nabuo na naman katanungan. Ano mangyayari kung pindutin ko. Mabubuhay pa kaya ako?

Wala na akong pagpipilian pa. Pinagmasdan uli ni Joem ang muka ni Kaera bago niya siya pumindot.

Ngunit nagulat siya dahil sa huling sandali na. Ang napindot niya ay ang Ekis na pula.

May boses syang narinig na nagsabing "hindi naisave ang moment"

Biglang bumalik sa normal ang lahat at gumagalaw na uli. Hindi na talaga maintindihan ni Joem ang nangyari at nakita na lang nya na parang walang nangyari sa mga kasama nya. Nagpatuloy sa pinakilala ni Nica si Joem kay Kaera.

"Ano bang nangyari?" ngunit sa isip lang nya ito sinabi.

Maraming katanungan ang lumabas sa isipan niya at muling bumagal at huminto ang lahat na nasa paligid niya.