YANNA’S POV
Pagkapasok ko sa kwarto, parang biglang bumalik lahat ng tensyon na pinilit kong kalimutan kanina. Huminga ako nang malalim at naupo sa kama, hawak-hawak ang cellphone ko na parang hinihintay kong may mag-text… o tumawag.
Tumingin ako sa screen. Walang bagong mensahe.
“Yanna…” mahina kong sambit, parang kinakausap ang sarili ko.
Bago pa ako tuluyang makapag-isip ng malalim, nag-vibrate ang phone ko. Tumatawag si Irish.
Napakunot ang noo ko. Ngayon lang ulit siya tumawag ng ganito ka-late. Kaya agad ko ‘tong sinagot.
“Hello, Irish?” mahina kong bati.
“Girl, kumusta ka?!” bungad niya, may excitement sa boses niya. “Tumawag si Kuya Couz sa’kin kanina. Pero wala lang daw. Tapos natahimik na. Kaya eto ako ngayon—nakikibalita!”
Napangiti ako kahit pakiramdam ko, pagod na pago
