البارت السادس عشر

1640 Words

البارت السادس عشر عشك الزغيرونه السلام عليكم احبتي يسعدني ويشرفني ان التقي بكم مجددا اختكم الكاتبه حواء البغداديه الوفه مامات بعده صاحبينه ومثل ماصاح بيكم صاحبينه شكثر بالدنيه وادم صاحبينه اعز منكم ابد مامر عليه عشق صعدت الصينيه وجاي اخليها كدامه ماحسيت اله الصينيه طارت بلهوى دفره برجله وخله المواعين تتناثر ماحسيت اله بنفسي مسحوبه من زندي وصرخ بوجهي تخابرين منو بعدني مافاتحه حلكي اله حسيت الراشدي فرني فر. اني من خوفي ومن هبطتي اصطكيت ومانطقت ولاكلمه هو سكوتي بلنسبه اله نرفزه وخلاه يزيد عليه ميقل لزمني بثنين اديه وكال احجي لاتخليني اكلب الدنيا احجي بوقتها اني كلبي وعقلي اتفقن ماكول لان ادري بي اذا عرف نجاة يمكن يموتها هذا ماكان يدور بعقلي ماحسيت اله واني طايره بلهوى وراكعني بلكاع ودفرات تجيني من كول جانب وهو يصيح بعالي صوته ولج عبالي ادميه طلعت ملفيلي كحبه الصراخ الي صرخته يمكن كان هو بس الي كنت اعبر بي عن دفاعي عن نفسي خنكني وعصرني بلحايط واني اشوف بعيونه ملك الموت حسيت نفسي انكطع الهوى بريتي وروحي طارت وديه سبلت بعد ماكنت لازمه اديه بكول قوتي ماحسيت بنفسي الا واني واكعه بلكاع وسجاد ونجاة والحجيه وفاطمه كلهم مجلبين بي واني اكح واريد الهوى سجاد هاي شنو ابو مسلم شكو شصار الحجيه يمه الله يستر شجانه عقيل وهو يتجه للمجر ويسحب مسدسه ويسحب طلقه ويكول كلكم اطلعو لا والله ليحميها مني اخلي فوكها سجاد اي اض*بني انت صدك اتخبلت شنو تريد تفضحنه عقيل بصرخه ولك فضحتني وخلت راسي بلكاع الحجيه يمه احجي شمسويه كول عقيل ولكم تخابر من وراي وانه الغشيم مادري ثقيت بيه ولج زعطوطه تضحك عليه....... عشق اني فاصله مادري شيحجي لو شيكول ماحسيت اله وهو ساحبني من بينهم وبو**يات بكول انحاء جسمي اخر بو**ي الي هو حسيت بي القاضية من ض*بني على خشمي ماحسيت اله وانه بلمشفى نجاة من سمعنه صرخة عشك بعد ماجنه ملتمين يم امي الحجيه وسجاد يكوي بملابسه الكول ركض على الدرج واولنه سجاد يركض واحنه نركض وراه دخلنه ولكينه عقيل وهو مكلوب وحش مانعرف شنو القضيه او شنو الموضوع لكيناه خانكها بيده وعاصرها على الحايط وهيه كل مكان بجسمها مزورك وصايرة خلقه بعد ماسألنه ليش يض*بها وشنو السبب اتضح بان هو متهمها بمخابرت ياسر اني بوقتها اصطكيت ومااعرف شكول وشحجي صرت مثل بلاع الموس لايكدر يبلعه ولايكدر يتفله بس بنفس الوكت اتخبلت عليها من شفتها جاي تدفع ثمن تصرفي او غلطي لوجانت اختي بنت امي وابوي ماتتحمل الي صار وياها جان اعترفت من اول راشدي بس مع الاسف اتضح انه اجبن من الجبن نفسه اكتفيت بسكوت وماعرفت ادافع عنها وكله عوفها ولغلطها غلطتي بقيت ساكته بس ياسكوت واني كلبي يرجف وخايفه من ضعفها خاف دكول عليه ويصير بيه مثل ماصار بيها بعد ماض*بها الض*به الي شفناها بيه وكعت ميته صرخت ونمت فوكها وكتله بروح ابوي ارحمها صرخت كتله سجاد ولك هاي ماتت اجه سجاد خله ايده على ركبتها وشاف نبضها ركض كال جيبي عبايتها نوديه للمشفى عقيل وهو يلهث كال لاعوفها لاتاخذها للمشفى ختولي انه اريدها تموت الحجيه يمه انت وين عكلك صار صدك تحجي اتريد تشهرنه الشيخ كتل مرته وتخلي الوادم كلها تسولف ياصخام وجوهنه طلكها يمه وعوفها نجاة قنعته امي بحكمتها وهدت من روعه وعصبيته عافنه وطلع واني اصرخ واون على هاي المسكينه الي ما الها ذنب والذنب ذنبي شالها سجاد وهيه لاتحرك ايد ولارجل وخلاها بسيارة ورحت وانه الطريق كله ادعي ياربي بجاه من عندة جاه لاتموتها والله اذا ماتت ماسامح نفسي وصلنه المشفى ودخلوها للطوارى وكالو هذي عدها **ر بخشمها ولازم تخضع عمليه الدكتور هذي متعرضه لتعنيف ولازم نخبر مركز الشرطه بوضعها سجاد دكتور وكعت من الدرج محد ضاربها الدكتور هاي ياهو اليجي وكال وكعت من الدرج شوف خلقتها مال وكعه هاي مال تعنيف نجاة بقى الدكتور مصر اله يسوي دعوة اخر شي سجاد خابر الشيخ وكله هيج وهيج السالفه عقيل هواي مر عليه عسر ومشاكل ومواقف جنت اواجها بحكمه وتريض وهداوة وما احب اسرع بقرار بس اليوم من شفت خيانتها اليه هذا العقل ولرجاحة طارت وما الها مكان شفت روحي مغبون وكرن ومضحوك عليه ومنين من زعطوطه ضاحكه عليه وانه مثل الطلي مجلب بيها وباني وياها احلام وخالها بوسط كلبي مثل لعدة ورده نادرة وزارعها بحديقه كل الي زارعه بكوم والورده الي زارعها بكوم ثاني يباوعلها تكبر ويخاف عليها من الهوى العالي لو يجي واحد يدوسها صحيت من حلم اسود خيانه الله اكبر كلولي اعز ناسك مات اي اتقبلها كلولي الدنيا احتركت ومالك عيشه بيها اي اتقبلها لاياربي اختبرني بمال بحلال بعيال باي خسارة بس الخيانه لا.. ومنين من بت كلبي من حلم اجاني بعد سنين عجاف بعد ما نبض كلبي الي جان ميت واجهتها وتمنيت تنطيني عذر اواسي بي نفسي بس مع الاسف كل عذر ما سمعت منها بس السكوت خانتني ويه اقرب الناس ليش شنو قصوري مو كعدت وياها وكتلها ماتحبيني كولي ليش الخيانه انه ياسر ما اشك بي بس هيه مالي ثقه بيها لان شفت المكالمات صادرة معناها جاي تغويه ويعالم الله شدكله وشسوي بقيت لا اكدر اسال ياسر وستفسر منه ولا اكدر اسكت بعد ما صار الي صار خذوها للمشفى انه طلعت من البيت ماريد اشوف احد رحت على الشط صرخت حيل من كل كلبي اريد ناري تبرد لو حسرة تطلع بس كون ارتاح احس موجوع والوجعه من اعز ناسي ولاول مرة احس عقلي مايوزن الامور وروحي طايرة اتصل بيه سجاد اتوقعت يكول ماتت شكد جنت مالوم منها بس خفت خاف اشيل الموبايل ويكلي ماتت شجعت نفسي ورديت هاسجاد شكو سجاد الدكتور مصر اله يسووي بلاغ يكول هاي معنفه عقيل افتهمت افتهمت سهله راح اخابر نقيب صلاح ابن حجي مطر وهو راح يجيك ويتصرف سجاد ترى البيه مكفيني انت اتصرف سجاد هاي هيه بس كله بساع يجي ترى الشغله ما متحمله عقيل سديت الموبايل منه وخابرت الولد وكتله نسوان تعركن بيناتهن وصرت عصبي وريدك سد الموضوع الولد ماقصر لان اني هوايه واكفله بمواقف وحاله هواي مشاكل فالحمد لله راح وماقصر سد الموضوع نجاة طلعوها من العمليات وهيه مصبوب وجها وتون من اثر البنج اجه الدكتور وسالناه وطمنه عليها كال اليوم تبات وباجر اذا وضعها مستقر نطلعها جانت الاوضاع موزينه والمستشفى كل ساعه وجابو بي جرحه من ابطال المقاومه والناس تخاف الامريكان يدخلون يعتقلونهم فتشوف ابطال المقاومه تارسين المشفى نجاة اكلك سجاد اليوم المشفى مكلوب كلاب بسلا يجون الامريكان يطبون سجاد مو بعيده لان يردون يعتقلون الجرحه ماتشوفين المشفى متروس مقاومين نجاة اشلون ياربي لادخلون علينه يصير مضارب سجاد بعد شنسوي ربج الستار بس انتي ابد لاطلعين من الغرفه واني واكف بلباب نجاة عفيه وين طالع ابقى هنا يمعود عبالهم من المقاومه وتدخل الامريكان وتعتقلوك لا يمعوده ماكو شي بس خلي اشوف شكو ماكو نجاة ليله خلصت بطلاع الروح قلق وخوف وتوتر وتأنيب ضمير بنسبه اليه احس روحي انه الي مدانه وانه السبب بس شسوي اتقربت الها وشوفها تهذي بكلام مامفهوم وتشمر بديها وهيه فاقده وتعصر بنفسها من الالم بس ماعرفتها الم روح لو الم جسد بستها براسها وبأيدها وكتلها سامحيني ونت ونه اعتقد سمعت مني الي كلته صار الصبح فزيت من سمعتها تصيح نجاةةةةةةة عيوني حبيبتي شتحسين عشق الم براسي حيموتني نجاة سودة عليه هاي من وجع الي بخشمج راسج يوجعج دخل علينه سجاد وكال ها شلون صارت نجاة ....عدها الم وبس تتوجع سجاد ....اي هسه يجي الدكتور ويشوفها دخل الطبيب والممرضه وياه كال صباح الخير اليوم مريضتنه اشلونها سجاد ....دكتور تشكي من راسها الدكتور وهو يتقرب الها وكال ها بابا شتحسين عشق..... راسي دياذيني الدكتور ....حلوتنه بغداديه مو سجاد اي دكتور من بغداد الدكتور هههههههههههههه يابه احجي خلي نسمع اتبغددي علينه عشق بسمه باهته كالت دكتور راسي حينفجر انطيني مسكن الام الدكتور بابا اني سجلتلج وراح اجيبهن الممرضه وتخليهن الج بالمغذي هاي راسج يوجعج اثر الض*به او الوكعه مثل ميدعون التفت على الممرضه وكال مروة بسرعه انطيها علاجها خلي تستقر الحاله عدها عقيل رجعت وجه الصبح ونمت بغرفة سجاد وقفلتها عليه ماريد اشوف احد لو احجي ويه اي واحد صاير عندي نفور من الناس كلها بودي كون اهج من الناس كلها بس شسوي اكابر كوه وما اريد ابين نفسي مهزوز طلعت المغرب من الغرفه تلاكت وياي فاطمه وهيه مبتسمه واحسها مكيفه ماشديتلها راس لان ادري كلش زين كيد ضراير وهذا الشي عيد وجابه العباس الها فاطمه .......عقيل اسويلك اكل عقيل لا حضريلي الحمام اريد اطلع ركضت جابت ملابسي وانه دخلت للحمام وهيه تباوع عليه بلكي اكلها شي يطيب خاطرها سديت الباب وجاهلت وجودها سبحت وكملت وطلعت من الحمام لكيت ايه بلممر كالت بويه حبوبه تصيحلك نشفت شعري بلخاولي وشريته على الباب ومشطت شعري وعدلت ياختي ودخلت على امي وانه ادكم بدكم الدشداشه من جانب الايد الحجيه هايمه شلونك عقيل وهو واكف ويتهرب من عيون امه ويلتهي بدكم دشداشته كال خير الحجيه يمه شراح سوي شناوي عقيل لحد يسألني بهل موضوع ماريد اتصرف تصرف اندم عليه عوفوني هسه الحجيه يمه طلكه ماتفيدك زعطوطه وهواها غير هواك عقيل بنزعاج يمه سدي الموضوع ولا تزيدين عليه ترى كفيلج محمد كو ساند طولي والبيه مكفيني عقيل عفت امي وطلعت واني احس النار تزيد ماتقل وبنفسي اعرف سبب خيانتها اليه ليش وشنو السبب لان انه اكبر منها لو عدها سبب غير طلعت من البيت ماريد اواجه احد وماريد اشوف احد رجعت الساعه ١٢ بليل لكيتها مطلعينها من المستشفى ونايمه بغرفة نجاة وسجاد لكيته بلمضيف دخلت عليه لكيته يكلب بفونه وكتله ها الله يساعدك سجاد وهو يفز من مكانه كال هله هله بأبو مسلم اشلونك خويه جان يحجي ويراقب باخوه يشوف شنو الي باين بوجه ضوجه الم حزن راد يعرف تعابير وجها عقيل وهويتقدم لسجاد وكال شسويتو بلمشفى وشكال الطبيب سجاد ذبله حسرة وكال طلع **ر بخشمها وسولها عمليه وطلعناها عقيل وهو يحاول ميبين على نفسه حركت كلبه كال هم حجتلكم ليش تخابر هم فتحتو موضوع سجاد والله ياخويه احنه مافتحه موضوع لان حالتها ماتسمح بس اشلون ماشوف هيه مالها ذنب وماعتقد تسويها عقيل وهو يكطع كلامه وكال جا ياهو الي يسويها ياسررررررر؟ سجاد... انه ماكلت ياسر بس ... عقيل لابس ولاتبسبس سد الموضوع عفت سجاد ودرت وجهي ردت اطلع التفتت عليه وكتله سجاد راح انام بغرفتك رحمه لهلك اتحملني هل يومين ماريد اشوف احد سجاد خويه ولاتهتم بخدمتك اخذ راحتك اني انام بلمضيف لايصير بالك دخلت لغرفة سجاد شمرت السوسج على الميز ونزعت اهدومي واني احس ريكي حنضل وكل حيل مابيه سمعت الباب انفتح درت وجهي وشوف منو الي دخل عليه ملتقانا غدا انشاء الله اترككم في رعايه الله وحفظه تصبحون على خير لاتنسون التعليقات والايكات احبكم موت اختكم الكاتبه حواء البغداديه اعذروني البارت مامدقق

Free reading for new users

Scan code to download app

App Store Google Play

Facebookexpand_more