البارت الخامس عشر

1531 Words

البارت الخامس عشر عشك الزغيرونه ﺍﺭﻳﺪ ﺍﺑﺠﻲ ﻭﺍﺳﻤﻌﻚ ﺻﻮﺕ ﺍﻟﺪﻣﻮﻉ ﻭﺧﻞ ﻳﺤﺠﻲ ﺍﻟﺪﻣﻊ ﻭﻳﺴﻮﻟﻒ ﺍﺷﻤﺎﻟﻪ ﺗﺪﺭﻱ ﺷﻜﺪ ﻣﻌﺎﻧﻲ ﺗﺸﻴﻞ ﺍﻟﻌﻴﻮﻥ ﺑﺲ ﻳﻮﻛﻊ ﺩﻣﻊ ﺗﺘﻮﺿﺢ ﺍﻟﺤﺎﻟﻪ ﻭﺃظﻦ ﺻﻮﺕ ﺍﻟﺪﻣﻊ ﺑﻴﻦ ﻭﺣﺪﻩ ﻣﻦ ﺍﺛﻨﻴﻦ ﻟﻮ ﻓﺎﻛﺪ ﻋﺰﻳﺰ ﻭﻳﺬﻛﺮ ﺍﻃﻼﻟﻪ ﻟﻮ ﻣﺰﻧﻪ ﻓﺮﺡ ﻭﺗﺨﻴﻞ ﺍﻧﺖ ﺍﻟﺼﺎﺭ ﻳﻌﻨﻲ ﺍﺛﻨﻴﻦ ﻫن ﺍﻟﻌﻴﻦ ﻫﻤﺎﻟﻪ ﺍﻧﻪ ﺑﻌﻴﻨﻲ ﺣﺰﻥ ﻭﺍﻟﻔﺮﺡ ﻣﺎ ﻣﻮﺟﻮﺩ ﺩﻭﺭﺗﻪ ﺷﻜﺜﺮ ﻭﻟﻜﻴﺘﻪ ﺭﺣﺎﻟﻪ ﻭﺧﻞ ﻳﺤﺠﻲ ﺍﻟﺪﻣﻊ ﺧﻞ ﻧﻔﺘﻬﻢ ﺷﻴﻜﻮﻝ ﻣﻮ ﻫﻲ ﺍﻟﺴﻮﺍﻟﻒ ﺣﻴﻞ ﺟﺘﺎﻟﻪ تحــــياتي ???????????? السلام عليكم احبتي يسعدني ويشرفني ان التقي بكم مجددا اختكم الكاتبه حواء البغداديه ???? عقيل صحت عشك واني اتلفت مرعوب ماحسيت اله هيه طالعه من الكنتور وشامره روحه بحضني عقيل هاي وين خاتله وهو يباوع بوجها عشق من بين دموعها وروحه الخايفه كالت عمو والله خاف ماكدرت ابقى بفراشي رحت للكنتور كعدت بطنه وسديته عليه عقيل يابويه والله ماكو شي والض*ب بعيد على القواعد عشق عمو موطيارة احسها فوك البيت تفتر عقيل وهو يريد يهدي روحها كال يابه انتي تحسينها فوك البيت وين بعيده تريد تحدد هدف عشق بقى يسولفلي وخالني بحضنه وماحسيت اله فاطمه فوك روسنه وهيه تعد وتصيح فاطمه ليش هاي مو ليلتي ليش جاي يمها كانت تحجي بعصبيه ومنهارة عقيل فزيت مادري بنفس غافي وياها وماحسيت اله بالسبعه الصبح فاطمه تصرخ يم راسي عقيل اش اش ماريد اسمع صوت كان يحجي وياها وهو يسحب ايده من جوة راس عشق ويحاول يسحب نفسه من الفراش ويكوم عشق فتحت عيوني وهيه فوك راسي خفت احاجيها وهو موجود لان ادري بي بسرعه ينفعل وخاف يصير عصبي ويصرف تصرف يقلل من شأني امامها عقيل شفتها ضايجه ومتخبله واكفه على راسي مثل ملك الموت الصراحه اني قبلها بليلة ماشايف النوم بقيت مثل سمجه المزوهرة بس مااعرف بس اخلي عشك بحضني ما احس بنفس الضاهر صرت مدمن عشك عقيل وهو يفز من الفراش ويكوم يسحبها ويطلع هو وياها ويسد الباب ويتجه للغرفه مال فاطمه عشق اخذها وراح واني اسمع صراخه وحجيه وطلايبه بس وصلت للغرفه انقطع الصوت بقيت محتارة هذا سوالها وسكتت بسرعه عشق مرت ايام ودائما تصير نفس الموقف اصير عصبيه وتبجي وتطالب وياه بس من يسدون الباب ماكو اي صوت يبدر منهم الفضول كتلني ودائما اساله يكولي هيه كلبها طيب وبسرعه تقبل الى ان ليلة من اليالي اصريت اعرف وترجيته كتله الله عليك اشون تسكوت عقيل يابه انتي متفتهمين شلج لازم بيها عشك باصرار كالت الله عليك الا تكلي لان اريد افتهم عقيل والله لو اشرحلج لصبح ماتفتهمين عشق وهيه طالعه روحها كالت ها اني ما افتهم اشو اله دكولي بقيت الح عليه صرت عصبيه وكتله مو صوجك صوجي اني ماحسيت اله وهو خال شفته على شفتي وحسيت يقبلني ويتفنن بوسه دافيه اني راسا صتكيت بقيت ابد ما اتحرك وهو من شافني اشجع اكثر وبقه يتنفس انفاسي بقيت فاتحه عيوني وباوع عليه وكلبي الي صار مثل الي متلون المشاعر عبالك اشارة مرور كول لحظه لون سحب نفسه مني وباوع بوجهي وبتسم كال ها هسه تكدرين تحجين ساعتها ادركت بان من ياخذ فاطمه يسويلها نفس هذي الحركات وتسكت متقاومه عقيل وهو يباوع بعيونها كال ردت افهمج علمود تفهمينها وتجربينها عمليا لان راسج مايفيد بي الشرح عشق كام من يمي بعد ماكان مدد بصفي لبس دشداشته وطلع عشق شكد كنت مستغربه هيج احساس ومشاعر وتمنيت اطول هذي لحظات بس من صحيت على نفسي اتخبلت معقوله هذي الحركات وهذي التصرفات يمارسهن ويه فاطمه ليش هو مساويني وياها بنفس المشاعر اتخبلت وبقيت معتكفه والافكار تتلاطم براسي ساعه من اذكر بوساته تزورني مشاعر ***ة واحساس جميل وساعه من اذكر فاطمة وتصرفه وياها احقد عليه وتخبل من الغيرة بقيت ثلاثة ايام ماخلي يشوف وجهي اذا دخل لمكان ما ادخله واذا صعد ماصعد وراه واذا صاحني ماروح كان مسويلنه جدول اني وفاطمه يوميه ليلة لوحده بس صرت اتقصد اذا ليلتي ادخل لغرفتي من وكت وسد الباب عليه واذا دك الباب اوهمهم اكلهم نومي ثكيل وما اسمع فهو يتلافه لحراج لنفسه يروح ينام يم فاطمه الغريب بلموضوع كنت من يشوفني ضايجه لو مهمومه لو زعلانه يتخبل لحد ما يراضيني او ي**ر الزعل الي بينه لحد ميشوف ضحكتي بس هاي المرة اشوفه مهامه امري وكان اشوفه فرحان واكو بسمه بوجها احسه منطلق هذا الشي خبلني ازياده معقوله لهل درجه مرتاح ويه فاطمه وهذا الشي مخلي فرحان واني مهامته زين مو يكولي ما انام ورتاح اله يمج عقيل كول اسلوب والمداراة ما اجه وياها احسها متحس بان اني رجال والي واجبي ومتتطلباتي احسها بارده برغم ما احسها تحب حديثي معاها وتحب لهفتي وتحب قربي الها كاأب وليس كزوج جنت دائما اواسي روحي وكول ازغيرة ومتفهم والايام تفهما بس من شفت ولاحظت من رجعت فاطمة وحست بان اني مو بس الها حسيت بيه تعاني وضايجه من قربي لفاطمة بعد ما وضحتلها بان اني امارس حقوقي الزوجيه وشهواتي حسيتها غيرانه ومتقبل تواجهني اسال عليها دائما واعرف خطواتها وادري بيها هل ايام اكلها قليل ومعتكفه بوحدها بس هذا الشي برغم ما قالقني بس فرحان بغيرتها معناها غريزة الاحساس اشتغلت.. وربي المعين عشق كاعدة بغرفتي وضايجه الساعه الخمسه العصر تقريبا بوقتها اجتي الوطنيه والغرفه بارده حسيت اندك الباب ونفتح وطلعت نجاة وهيه تكول سجاد تعال تعال كاعدة يمعود مو نايمه سجاد ها ام نص ل**ن شو هل ايام صايرة عاقله وماتحجين شكو الدنيا تريد تنكلب نجاة وهيه تضحك ولك عليمن تنزل وهيه اشو غرفتها صاير ثلج جا مثل حضي مبرده وتجيها ساعه تفل عليه مي عشك البارحه اجت مقندرينها ومكبرين راسها واني صارلي عشرين سنه محد شدلي سبلت وجابلي غرفه بيها خير سجاد ولج انتي احسن تترجين واحد يجيج وتزوجين وهم يقندرج ويكبر راسج بس اني باقي ياهو العدة شغله تعبانه يذبها براسي عشق الصراحه بدخلتهم عليه غيرو جو وضحكوني وبقينه نسولف وسجاد جايب حب وشامية حسينه الباب انفتح دخل الشيخ علينه سجاد هله ببو مسلم تعال شوف عشك الي نازله عليها ملائكه من السمه وصايرة عاقله عقيل وهو يبتسم ويريد يرفع من شأنها وكال لا هاي بعد بيتي هيه معدله وزينة النسوان نجاة ههههههههههههههه اذا عشك زينتهن جا مسودنتهن ياهي عقيل نجاة بويه اريدها بسوادينها بعقاليتها اني عاجبتني انتم شعليكم سجاد هاي مجازاتنه فوك مانريد مصلحتك ونحجي من جانبك عقيل اني ليغث عشكي يغثني نجاة الله الله الله خويه سجاد احنه شعدنه باقين كاعدين ماننزل احسن عشق هو يحجي وياهم ويباوع عليه واني ابد ماباوعله ولا ابادله الحديث نزلو وهمه ميتين من الضحك وهو يهمس الهم ويضحك وياهم اني درت وجهي للجانب الاخر من الجربايه وتمددت عشق حسيت بي يحتضني وخال ضهري بص*رة ويهمس يم اذني شنو المضوج حبيبي شدد بحضني حيل وكال لوتدرين اشكد احبج دك كلبي دكات سريعه وماحسيت الا واني راسسا درت وجهي عليه وخليت اديه بركبته وغمرت راسي بص*رة وبجيت عقيل وهو يسحبها من ص*رة ويباوع بوجها ويسحب الشعر الي ملتصق على وجها ويخلي خلف اذنها وكال حيرتيني يبت بغداد والله مااعرف شنو الي يرضيج اني ابد ما اجاوبه بس ابجي عقيل كال زين فهميني انتي مو ماترديني رديت من بين نشغاتي وكتله لا اريدك كال ليش تكرهين قربي الج كتله لاماكره قربك بس اخاف عقيل منيش تخافين وانه اكلج انتي اعز من روحي وخليه بالج الي يوجعج يوجعني قبل لا تتاذين انتي عقيل امريني عشق بقلة عقل وبصيرة كالت طلك فاطمة عقيل ههههههههههههههه ولج انت صدك بدون عقل اشلون اطلكها غير بت عمي وام جهالي تقبلين ايتم جهالي عشق صفنت بوجه وكتله ماتحمل اشوفك وياها رجع حضني وكال ولج اذا الجسد مشاركتج بي ثقي بالله الكلب بس الج اشر على كلبه وكال ولج هذا لو تفتحينه وشوفينه جاماطلعتي منه من كد شوكه الي شايله الج ولج احس كلبي ميت وحتييه بيج ومانبض اله بوجودج وتكليلي تشاركني بيك ابشرج كلبي بس الج ومايصير لغيرج عشق ارتاح من اسمع كلامه وشوف لهفته عليه صار اليوم الي ليلة فاطمة يعوف موبايلة يمي يكلي العبي بيه وتسلي ويوم الي هو يمي ينسيني الدنيا كلها اذكر يوم كان بي ليلة فاطمه واني العب بالموبايل طبت عليه نجاة لان تعرف الشيخ مو يمي دائما تجيني تصعد يمي وتسولفلي على ياسر وضعه وتتمنى ومتلهفه على جيته شافت الموبايل بيدي وكالت خلي اخابر ياسر وسمع صوته خابرت على ياسر وحجت وياها وكانت طايرة من الفرحه والمكالمه تقريبا نصف ساعه اني ونجاة كنه اثنينه غشمه منعرف بان الموبايل المكالمه متنمسح اله اذا ردت تمسحها تكررت هذي الحاله ٣ مرات تخابر مني نجاة بموبايل الشيخ اني على فطاريتي من تخابر اصلا ما انتبه على الموبايل شبي مابي اهم شي كان بي لعبه وحده هيه هاي العبها وفاصله عن العالم ماهامني شيصير لان الموبايل كان قليل استخدامه كعدت الصبح الموبايل على الشحن خالته والشيخ فتح الباب صبح عليه واخذ الموبايل وكلي انزلي سويلي ريوك اني نزلت سويت الريوك ونجاة كانت بلمطبخ وفرحانه بحب ياسر وتسولفلي متمل من تريد توصف مشاعرها اني ابقه اصفن بوجها وقارن تصرفات ياسر وتصرفات الشيخ وياي ماتجي هل كد من مدارات الشيخ اليه على شنو منبهره بي وتحبه مادري ابقه اضحك على سوالفها واني اعيب عليها وكله يلعب النفس انتي اشلون عاجبج ما اعرف عقيل من اكعد الصبح الكه بل مكالمات الصادرة رقم ياسر وهذا الشي تكرر اكثر من ٣ مرات زين المكالمه الوقت مالته اكثر من نصف ساعه زين اجي لرصيد الكاه طاير المكالمه صادرة مو وارده يارب معقوله عشك تخابر ياسر زين شتريد منه احس عيوني غوشت وكمت ماشوف وحيلي ان*د معقوله تخابرة وتغويه لايارب سترك ويه ياسر ومنو بنت كلبي مجرد تفكير اموت زين اذا حقيقه اشلون ربي دخيلك لتتخليني بهيج اختبار اتقصدت خليته عدها الليله هم ونفس الشي صحت عليه كتله انزلي سويلي ريوك واني اريد اختلي وريد افكر واجمع قواي اشلون احل المشكلة وشلون الزم اعصابي فتحت الباب وشايله الصينيه وخاله بيها الريوك وخلته كدامي راسا دفرت الصينيه بوجها وطيرت المواعين بجو وصرخت بوجها وكتله عشك ولج تخابرين من وراي ليش التكمله غدا انشاء الله تصبحون على خير لاتنسون الايكات والتعليقات احبكم موت

Free reading for new users

Scan code to download app

App Store Google Play

Facebookexpand_more