البارت الرابع عشر

1570 Words

البارت الرابع عشر عشك الزغيرونه وحق رب العرش والكون ونسه ♡ وحس الدنيا بس وياك ونسه ♡ ابد ما اعوفك يوم ونسه ♡ لأن انت النفس والروح بيه السلام عليكم ورحمة الله وبركاته يسعدني ويشرفني ان التقي بكم مجددا مع احداث جديده تقبلو تحياتي اختكم الكاتبه حواء حواء البغداديه عشق اجيت دخلت عليها ولكيتها بنومتها كتلها ولج نجاة كعدي عندي خبر الج نجاة وهيه مفزوعه شكو عشق ولج ماتتوقعين منو الي حجه وياي هسه نجاة بترقب كالت منو ضحكت وكتلها ياسر نجاة وهيه فازة الله عليج شكو شيريد عشق ايريدني من خرب حضي غير يريدج يكول خاف باجر انروح اريد احجي وياها قبل لا اروح نجاة اكلج شيحجي وياي عشق بستهزاء كالت يمكن ايريد من عندج راس بصل هاي شبيج غير بلموضوع الحاجاج بي نجاة الله عليج هيج تتوقعين عشق عوفج من هذا الحجي وكولي اشلون راح تلتقون نجاة كالت ماكو غيرج تساعدني عشق يعني اشلون نجاة تصعدين الشيخ من وكت والباقي عليه عشق برتباك كالت لالا عفيه شكله هو اني استحي منه نجاة ولج اكو وحدة تستحي من رجلها عشق اي اني ومستحيل اصيح الشيخ وهيه تضحك خجلانه وتهز بيدها ودكول والله ياربي نجاة بزعل وبضوجة كالت معقوله هيج تسوين بيه ومتساعديني عشق رجعت لفراشها كاعده على المخده وايدها على خدها بقيت محتارة لاكدر اشوفها ضايجه ولا اكدر اخطي خطوة يم الشيخ بعدين كتلها اني صاعده وكليله عشك بطنها يوجعها بلكي يصعد من وكت وتفضيني والباقي عليه نطت نجاة من افراشها وبوستني وتكول هاي الفزعه الزينه عشق صعدت واني متوترة وساعه اكول غلط الي سويته وساعه اكول هذا الصح انجطلت بفراشي وبقيت قلقه عشر دقائق سمعت خطواته السريعه فتح الباب وهو قلقان اتقرب اليه وكال شبيج بويه احجي شيوجعج عشق من خوفي ورتباكي وحسيت بذنب اتجاها لان كذبت عليه وشفت لهفته عليه راسا دموعي كامت تجري بدون ما احس بيها عقيل وهو يشيل راسها ويخلي بحضنه ويمسد على راسها كال يعمري انت ليش هل بجي شبيج وهو يتلمس بطني وياشر وين المنطقه توجعج عشق اي اهناه عشق شفته صفن بوجهي وكال عشق خاف الدورة الشهريه اجتج اني راسا طميت راسي بحضنه وخجلت ارد عليه واني حايرة اكوله اي لو لا عقيل حبيبتي انت عليش تستحين هذا الشي حاله طبيعيه وضع ربج مكونه بلمرة بقيت ساكته وهو فهم هذا الشي بان اني الدورة الشهريه هيه الي مسببتلي الم خلاني على المخده وطفه السبلت وغطاني بطانيه كلي البرودة موزينه عليج حسيت روحي انسلكت سلك من الحر الله لاينطيج يا نجاة نزل ورة خمس دقائق وصعد بيده اكلاص ورد ماوي ويكلي اشربي عشق فوك ضيم السبلت طافي والبطانيه الي نططت روحي من الحر تعاي اشربي الورد الحار وهو لازم راسي ويصيح اشربي هذا زين الج ماعافني لحد ماخلصت لكلاص عقيل هسه تصيرين زينه لاتخافين طفت الكهرباء وصارت ضلمه شغل لايت الموبايل وخلاه بلغرفه وهو مددابصفي ومنتجي على ايده وايد الثانيه يلعب ب*عري بقى يسولف لحد ما اطرقنه لموضوع زوجته عشق انت شعجب مارجعتها هسه عقيل لاتجيبلي طاري الرجعه مو وكتها بقيت اباوع بوجه وهو عيونه بسكف الغرفه ويلعب ب*عري كال لعده الكمر شيسوي بنجومه ضحكت على تشبيها وبدون مااحس طبع بوسه على خدي حسيت بيها كهربت جسمي مااعرف شنو الي جاي يصير بداخلي شكد اكابر واحب ابتعد عنه بس شي بداخلي يرتاح لقربه بقيت وماحسيت الا واني غافيه وهو نايم بصفي ومثل ليلة البارحه خالني بحضنه وقافل اديه عليه ورجليه بين رجليه فزيت على صوت الض*ب اني راسا ق*فصت نفسي اكثر وبقيت مثل الكتكوت جوة جنح امه حس بيه وبقى يحضن بيه ويكولي وهو بين نعاسه لاتخافين بعيد الض*ب هذي المقاومه تض*ب مو الامريكان تعجبت ياربي هو نايم ومو يمهم شمعرفه يض*بونه لو نض*بهم بس رغم خوفي امنت بوجوده ونمت ماحسيت على نفسي نجاة بعد ماشيخ صعد وعمي وزوجته فرشتلهم بغرفة سجاد ومثل البارحة سجاد وياسر بلمضيف بقيت بلمطبخ وراقب من اليطلع ومنو يطب لان كان شباك المطبخ يطل على باب المضيف شفت سجاد راح للحمام اني راسا طلعت وكتله منتضرتك بلمطبخ مانايمه من ينام سجاد تعال صارت الساعه ٢ واني احوس بلمطبخ لحد ماسمعت دكات خفيفه باب المطبخ فزيت فتحت الباب ولكيته ياسر راسا دخل وسد الباب وكال عندي حجي وياج نجاة ارتبكت وجنت خايفه خاف احد يحس بينه كال ماطول عليج خاف اروح باجر وماكدر احجي وياج اكدر اعرف انتي ليش مريضه نجاة بتلكء كالت ها شويه معدتي مخربطه عليه ياسر باوع بعيوني وكال يعني ماعرفت رايج الولد اكله موافقه لو لا نجاة من حجاها حسيته متقصد يستفزني لاحضت وجه بي بسمه مو مثلي صايرة نار نجاة يعني انت صايحني وجاي تتختل على هذا الموضوع ياسر وهو يحاول يستفزها وينرفزها كال اي لعد شبي هذا الموضوع بت عمي وريد اطمأن عليج نجاة اطمأنت عليك العافيه عفته ودرت وجهي واني نار راسا سحبني من ايدي ودارني عليه وكال تزوجيني نجاة بساعتها مااعرف شصار بيه كلبي دك دمام مثل اطبول الحرب وبقيت ساكته لان كلبي يسارع ويه عقلي وسيطر سيطرة تامه بقيت اباوع بوجه وكال اني ردت اختبرج واليوم ثبتلي انتي رايدتني صح بلعت ريكي وسكتت كال اني رايح وانشاء الله ٦ اشهر اخطب وزوج عندي امور مامكملها بس حبيت اسمع منج موافقه لو احساسي غلط نجاة هزيت راسي ودنكت ..هو شال راسي وكال لادنكين بروح عمي خل اشبع شوف من وجهج عشق عدت ايام وصار زواجنه مر عليه شهر برغم مااحنه على وضعنه نفسه بس تعودت على وجوده وكان بلنسبه اليه هو **ام الامان من رعب الليل الي اتمنى مايجي بس مع ذالك كان مالي الغرفه عليه يخلصها سوالف وكعدة وينزل لمستوى عقلي برغم ماهو عقله كبير وتفكيرة واسع ابسط الاشياء كان يتفقدني بيها مثلا فديوم كاعده على بايات الدرج وشفت الجهال دخلو ياكلون موطه بقيت اباوع عليهم . الصراحه حيل اشتهيتها وره خمس دقائق شفته جايبلي موطه ونطانياها بوقتها فرحت فرحه عبالك جايبلي ذهب مو موطايه ومرة اذكر شاف الكول كاعد يتعشه واني مو وياهم لان هو كان معزوم ومن دخل شافهم كلهم كاعدين على السفرة بس اني كنت دايرة وجهي ولازمه الريمونت وكلب بلقنوات كال ليش ماتتعشين عوفي التلفزيون درت وجهي عليه وكتله عمو ماريد والله مامشتهيه سكت وره ساعه صعدت لغرفتي هو كان جوة الساعه بتسعه سمعت الباب اندك فتحت الباب طلع سجاد بيده لفات بعلاكه وياهن ابطاله ببسي وعصير كال ذني ابو مسلم دزهن خذتهن منه ونزل مله حياتي وحتضني بكول حنان ورعايه ابويه قبل لا يكون علاقه زوجيه بليله من اليالي دخلت الحجيه وياها فاطمه الضاهر ماخذة موافقة من الشيخ وجايبتها نزلت اني من الدرج كنت لابسه نفنوف وردي وبي وردات ناعمه نيلي كان مخصر وكلش حلو عليه بوقتها خاله مكياج خفيف هذي من شاف*ني بصتني بص وحسها حيل ضاجت بس كانت تكابر او تدعي لا مبالاة الضاهر كانو معلمينها او ضاغطين عليها بلوصايه واني كنت اعرف هذي سوالف الحجيه ام الشيخ الحجيه تعالي عشك سلمي على ام مسلم عشك ماحبيت ا**ر بكلمة الحجيه واجيت سلمت عليها الحجيه اسمعي يفاطمه وانتي يعشك هاي قسمة الله وصارت مااريد مكاون بيناجن وحجي ماصخ صيرن حبايب ومشن امورجن ولاوحده منجن تخسر الشيخ ترى مشاكله هواي والعشيرة مسؤوليته اهواي وانتن اعرف بيجن تردن خاطره وما يهون عليجن فاطمه وهيه تحاول ترجع كرامتها المديوسه كالت ابو مسلم تاج راسي واني شعدي غيره وهو شعدة غيري عشق حسيتها تحب تغيضني او تثبت بان هيه الاقوى بمركزها ومكانتها لكونها ام لثلاثة اولاد منه دخل الشيخ علينه بعد ماخلص تعلولته ويه الخطار شاف فاطمه كال شلونج فاطمه فاطمة وهيه تتقربله تسحب ايدة وتبوسها كالت بخير مادام انت بخير عقيل بممنونيه كال ربي يخليج كفو منج بت عمي الحجيه فاطمه اصعدي الحجرتج اليوم الشيخ ضيفج فاطمه بفرحه وضحكه كالت على راسي مويدلل ركضت على الدرج راحت وهيه طايرة من الفرحه عشق شفت الشيخ مايباوع عليه بقى يسولف ويه امه بس اني احس بداخلي شي ان**ر من شفت الشيخ مقتنع يبات يمها وهيه راحت طايرة من الفرحه حسيت اختنكت وغرت عليه مثل الطفل ليغار على احضان امه حتى لو من ابوه بقيت ساكته ومانطقت ولاحرف وهو ابد مالتفت لو باوع عليه راسا اترخص وصعد لغرفة فاطمة بس اني بوقتها عطبت بعد ما صعدت لغرفتي واني ادموعي كامت تجري بوحدي ماعرف عليمن ابجي كلبي محروك وعقلي يكلي انتي مو ماتردينه خلي يرجع لزوجته وجهاله وكلبي يكلي ليش واني منو الي بقيت مق*فصه على الجربايه ودموعي يجرن حسيت بوحشة بلمكان وريحته الي ماليه الغرفه الساعه صارت بلوحده واني اتكلب واسمع الرمي وطلاق الصواريخ الي يشيل البيت شيل من شدة الصوت عقيل بعد ما امي اطتني خبر الليلة تجيب فاطمة وافقت وكتلها روحي جيبيها لان الصراحه هم الها حق عليه ومهما تكون تبقى ام جهالي والها حق مشروع بيه وبيتها صعدت فوك ورة ماصعدت هيه فتحت الباب لكيتها لابسه سيت نوم وخاله لوجها كومه حمرة دكول سبورة عقيل باوعتلها واني مشاعري اتجاها صفر يارب شسوي باجر هم تحاسبني عن مشاعري الي مانصف وياها بيهن والله انت تعرف موبيدي بقيت الي بكلبي بكلبي وما احب ابينها الها وصرت اصنع اني مشتهي قربها اتقربت اليه وهيه تحاول تغريني او تحاول تحرك شي بيه اني الصراحه اتحرك شي بداخلي بعد الشي الي شفته منها لان مهما يكون اني رجال واليه متطلباتي وصارلي شهر مفارك يعني مخلصها ويه عشك صيام بس شسوي حتى صيامها اريده كنت اكتفي بحضن من احضانها ماحسيت بنفسي الا واني اتخيلها عشك اتقربت الها مجرد تفريغ واجب من جهة زوجتي والها حق عليه ومن جهه ثانيه ماريد مشاكل واتحس بيه ماريدها وهم خطيه سحبت نفسي منها وعفتها على نومتها . سحبت جكارة ورثتها واني افكر بذيج الطفله الباقيه بوحدها طلعت من الغرفه فاطمه عبالها رايح للحمام فتحت الباب لكيتها نايمه مق*فصه على الجربايه وبدون غطه ذبيتلي حسرة غطيتها وطلعت رجعت لغرفة فاطمة لكيتها على نومتها ردت انام ماكدر حسيت نفسي عبالك هذا مو مكاني ولافراشي ولاجني صارلي ١٤ سنه نايم هناه صارت تقريبا نص الليل وسمع الض*ب صار ياربي شسوي راسا خذتني رجليه ودتتني يمها فتحت الباب ومالكيتها باوعت يمنه يسرة ماكو صحت عشك التكمله باجر انشاء الله استودعكم في امان الله وحفظه اختكم ا الكاتبه حواء حواء البغداديه تصبحون على خير لاتنسون الايكات والتعليقات ط

Free reading for new users

Scan code to download app

App Store Google Play

Facebookexpand_more