البارت الثالث عشر

1771 Words

البارت الثالث عشر عشك الزغيرونه #عسل يكتل حبيب #الروح.. بس ضوك #دلع ص*ره ويكلي #شبيك.. بس ضوك #مرطب والعثوك #تريد.. بس ضوك #مايع بالحلك #وشلون..... بيه# السلام عليكم احبتي يسعدني ويشرفني ان التقي بكم مجددا مع احداث جديده تقبلو تحياتي اختكم الكاتبه حواء البغداديه نجاة بدلت وجهزت نفسي على حبايه ونص لان ادري بي لازم يدخلون يسلمون على امي بعد مايتغدون وتروح الناس الي كاعدين بديوان الشيخ سعاد وهيه تضحك كالت ها عيني اليوم منشنشين وحالنه حال نجاة وهيه تتقرب لاختها وسد حلكها بأديها وتكلها ولج اش شهرتينه لحد يسمعج يمعوده سعاد وهيه تخفت صوتها وتكول ربي ماترقق كلب ياسر على نجاة ونجمعهم ونرتاح نجاة وهيه تتقرب لاختها وتشبكها وتكلها يارب والله اكون اسعد انسانه بعد شريد من الله انتصار تدخل عليهن وكالت رحمه لوالديجن كافي تبسبس وخلصن الغدة خطار عدنه خوما يبقون يدكون براسهم سعاد هو كمل ما بقى شي بس يصلون يتغدون انتصار وهيه تنتبه لاختها وكالت عيني اليوم شطالعه يبعد روحي نجاة بخجل وتحاول تبين طبيعيه كالت غير عدنه عرس وناس كل ساع تجينه خوما يكولون اخت الشيخ مخربطه انتصار ههههههههههههههه لاوالله اليوم اخت الشيخ مو مخربطه مضبطه نجاة خذت الجاي لام ياسر جانت كاعده يم امي سلمت عليها وخليت الجاي كدامها ام ياسر وهيه تباوع لنجاة بأعجاب كالت نجاة عمه صايرة تخبلين نجاة بخجل وبفرحه كالت عمه عيونج الحلوه ام ياسر لاوالله صايرة جنج عروسه الحجيه يمه على طاري العروسه نجاة روحي صيحي مرت اخوج كليلها خطار عدنه عشق دخلت عليه نجاة وهيه شارة حلكه من الفرح كالت امي الحجيه تصيحلج عشق وهو هذا الشي الي مفرحج نجاة وهيه تلزم عشق وتفرها وتكلها ولج ياسر هناه بس كون الله ويجي واشوفه عشق بشرينه بس كون حلو ويسوة هاي الخبصه الي خابصه روحج بيها نجاة ولج غير يخبل والله جنه هيثم يوسف عشق اوووي اضوج منه هيثم يوسف دمه بارد عبالي عندة عضلات من ذوله اليسوون نجاة ولج انتي ماشايفته والله غير يخبل وثانيا اني اشوفه بعيني حلو انتي شعليج عشق اي بلعافيه عليج اجكم على جكمه يرهمون نجاة وهيه تتقرب الها وتكرصها من زندها وكالت الها خب ولي كلابج ولج غير انخبل عشق بقيت احرك بكلبها وهيه تكمز لحد ما كالت ولج هسه امي تلكينه تنعل دفن ولج بسرعه خلي ننزل عشق لبست كلبيه لون احمر ناري وبيها جاكات من الجوانب وضفرت شعري كصيبه وخليت مكياج خفيف كانت الكلبيه كاعده عليه ولونها كلش حلو لايكلي رشيت عطر ونزلت دخلت لغرفة الحجيه وكلت مرحبه ام ياسر وهيه ترفع راسها كالت صلاوات ياخيرك ياربي شنو هل جمال الحجيه تعاي اكعدي يمي تعاي عشق بقيت جوة يم الحجيه والبنات ابد ماشفته بس مااعرف شي بداخلي من اشوفه يرتاح بقيت مااعرف تفسير لحالتي صار الليل صارت بلعشرة وهو ماكو اني صعدت دخلت للحمام سبحت وفرشت افراشي ونمت من صار الض*ب وفزيت حسيته ملجأي بقيت نايمه بحضنه بعد ليله عصيبه وليله صعبه بس من خلاني بحضنه حسيت بأمان وغفيت ماحسيت بنفسي فتحت عيوني واني اباوع بوجها وعجبني كول ملامحه شفته بعيني يخبل اتمنيت امد ايدي وتحسس لحيته فتح عيونه فجأة وشافني اباوع بوجه ابتسم وكال هايروحي كعدتي هزيت راسي وكتله عمو انه اسفه اجيت اهنا نمت عقيل وهو يقربها لحضنه اكثر كال عليش تتاسفين هذا مكانج عشق شفت نفسي بموقف حرج وياه صطكيت وبقيت حابسه انفاسي مثل الي ميعرف يتصرف ويخاف يخطي خطوة ويندم عليها عقيل حبي الها مو رغبة جنسيه لا حبي الها انتماء واكتفاء وقرب واحتضان كافي احسها الي بس اتمنيت احس هيه هم تبادلني نفس الشعور مو بس اني هيه بين احضاني اتلذذ باحضانها بلمس جسمه الي احسه اترف من الترف احس احضانها بيه دفء العالم كوله دفء دفه شتاي القارص بعد اسنين تعبه لو عطرها الي خلاني اكره العطور كلها مااعرف وصف لمشاعري احس كل وصف مايوصف الي احسه بستها بجبينها وكتلها لاتستحين ولاتخجلين مني انه سترج وانه غطاج حسيتها رخت بين اديه بعد ماجنت احس بيها مقلصه نفسها اندكت الباب وجفلنه اثنينه حسيت نفسي رجعت من الصفر وياها بودي لوما عيب الناس الي كطع علينه لحظه بودي اخنكه فتحت الباب ايه بويه صباح الخير عقيل وهو يتلاشه ضوجته كال يسعد صباحج هاا يكلبي ايه وهيه تحضن ابوها وتسرق النضر داخل الغرفه بفضول طفله كالت حبوبه تصيحلك عقيل وهو يبادلها الاحضان وباسها من راسها وكلها هسه اجي وراج بس اسبح عمي كعد هو وياسر لو نايمين ايه بويه من الصبح كاعدين متانينك بس ماخلو حبوبه تكعدك من الصبح كلولها عوفي نايم عقيل هز راسه ودك على جتفها وكال جاي فد عشر دقايق عشق نزلت ايه من الدرج تركض والتفت عليه الشيخ وكال راح اسبح ونزل تنزلين وياي خلي نتريك جوة يم العائله وتعاي سلمي على عمي وعرفج على ياسر عشق كتله الحجي سلمت عليه بس ياسر ماشايفته وماعرفه عقيل وهو يشمر الخاولي على جتفه ويتجه للباب كال اني اعرفج عليه يالله بسرعه رتبي نفسج عقيل سبحت وكملت ونزلت جوة لكيت الكل كاعد عمي ابو ياسر وعمتي ام ياسر وياسر وسجاد وجهالي وسعاد اختي لان انتصار من البارحه راحت عقيل السلام عليكم الكل وعليكم السلام ورحمة الله وبركاته العم تعال بويه كعد يمي ياسر لا شيخنه تعال يمي عقيل لالا هاي هيه كعدت يم عمي بعد مايحتاج الحجيه يمه جا مرتك وين عقيل يمه هسه تجي العم بويه البارحه شجاها الطيارات ولا هادن الحجيه من فلك طرهم اليل كله ماشفنه النوم ام ياسر غير الامريكان الله لايوفقهم عقيل عمه بلعماره هنا مو امريكان العمارة لازمتها قواعد بريطانيه ياسر قبل ايام كالو ٧ اليات حاركين منهم بلعمارة عقيل خويه المقاومة هنا نشطه وبيها قناصين وداعتك يجيسون ياليطير بالهوى تدري قبل شهر كامو يوجهولهم هاونات وهمه بقواعدهم سجاد والله اسباع ولايخافون لامن الطيران ولامن الصواريخ عقيل وليش يخافون هيه روح وحده ويمتى ما الله راد ياخذها خل ياخذها العم اكلك عمي انت ديربالك تتورط يبن اخوي وهاي امريكا ماترحم وانت وراك عشيرة ومسؤوليه عقيل مع الاسف عليك عمي شمحلاها الموته بعز عشق دخلت عليهم ولكيتهم يسولفون بسياسه وكالبينها ندوة سياسيه كول واحد يحجي ويعبر وجهة نضرة دكول محليين سياسيين حتى الحجيات صباح الخير الكل صباح النور العم عقيل هيه هاي العروس عقيل ههههههههههههههههه اي يعمي هيه هاي العروس ام ياسر تعالي خاله تعاي كعدي عليش واكفه عشق بقيت اباوع اريد اشوفلي مكان عقيل اشرلي براسه كلي اكعدي يم ام ياسر عقيل عشك هذا ياسر شوماسلمتي عليه عشك هلو ياسر اشلونك ياسر يابعد اخوج فدوة الكلبج انتي اشلونج العم هههههههههههههه يعشك الهلو هنا موسلام كولي شلونك يبن عمي ياسر بويه خليها براحتها شوف الهلو شكد حلو تطلع منها سجاد وهو يقلد صوتها وكال جا انت ماسامع من دكول مرحبه ام ياسر غير بغداديه خلوها نتونس عليها عشق همه يحجون ويتهامسون وميتين من الضحك واني كلامهم ساعه افهمه وساعه لا ردت اكوم واستحي بقيت مدنكه راسي سمعت عقيل كالي بويه كومي اتريكي بلمطبخ ويه حبايبج عشق حسيت بي مدلي حبل النجاة وخلصني من هذا الموقف فزيت من مكاني واني احس الانضار تتبعني دخلت المطبخ لكيت سعاد موجودة ونجاة ماكو عشق اكول سعاد لعد نجاة ماكو سعاد بحسرة كالت نايمه مالها خلك عشق خلي اروح اشوفهاب سعاد دتريكي وبعدين شوفيها كعدت اتريك كملت شلت المواعين واجه مسلم كال يردون جاي سعاد عوفي المواعين وروحي رتبي الجاي هزيت راسي بلقبول ورحت على الجاي رتبته بصينيه وستكاين نضيفه دخلت عليهم واني شايله الصينيه بيدي اتقدم للموجودين ودنكت انطيهم الجاي الشيخ راسا فز من مكانه واخذ الصينيه من ايدي وهمس كال لادنكين اني بقيت متفاجئة مااعرف شنو الغلط بلموضوع فز سجاد احتراما لخوه واخذ منه الصينيه العم عقيل كلي يمتى ترجع مرتك عيب تضل كاعده عد اهلهال وهاي هم حكها تحبك وتغار عليك عشق رفعت راسي وشفت الشيخ باوع عليه يمكن يريد يشوف بيه رد فعلي يقراه بملامح وجهي عقيل عمي موكتها هسه عوفها ترتاح العم بويه شترتاح بيتها وجهالها وانت ازوجت ومأثرت بشي عليك عقيل عمي اطمأن شكم يوم وودي امي الحجيه تجيبها العم لاانه اروحلها عقيل عمي ليش هيه من طلعت انه معاركها بس ردت ترتاح اعصابها وترجع واني اعرفها كلش زين من تبقى تتأذه العم بويه براحتك بس الله عليك لاتخليها طول عقيل عمي لاتوصي ولايضل بالك ان شاء الله هل شكم يوم ياسر وهو يشاور عقيل ويهمسله وكال ادري بيك تريد تبقى ماخذ راحتك عقيل بضحكه وصوت هامس كال وداعتك ملحكين على شلاع الكلب الحجيه يمه نجاة ماصارت زينه عشق رفعت عيني وشفت ياسر شال راسه ومنتبه لكلام الحجيه عشق بيبي هسه اروح اشوفها ام ياسر شجاها شو البارحه جنه ورد الحجيه والله يخيه مادري البارحه اليل كله مانايمه وتكول مخنوكه ام ياسر خيه خاف ض*بتها عين عشق حسيت الموضوع مو طبيعي كمت ورحت لنجاة فتحت الباب لكيتها مدده عشق وهيه تكعد بصف نجاة وكالت نجاة هاي شبيج شيوجعج نجاة وهيه ترفع راسها من المخده وتوخر الغطه من راسها كالت مابيه شي عشق شفتها عيونها مورمه وجها اصفر عشق اكلج انتي شكلج ميبشر بخير كولي شبيج بقيت الح عليها لحد مابجت وكالت والج عشك انه مو باله عشك بستغراب كالت يعني اشلون نجاة راح اسولفلج وانتي حكمي عشك اي كولي اشلون كالت البارحه من صعد الشيخ والناس كلمن راح لبيته وعمي وعمتي فرشنالهم بغرفة سجاد وسجاد وياسر بلمضيف اجاني سجاد بدعش بليل كلي جوعانين سوينه اكل اني ماصدكت رحت ركض على الثلاجه طلعتلهم كباب وكبه وشويتلهم معلاك لان ادري بي يحب المعلاك جهزت الصينيه وخذته ورحت للديوان لان ادري بي بس هو وسجاد موجودين دخلت ولكيته بس هو كاعد اني من شفته طرت من الفرحه سلمت عليه وسلم عليه وخليت الصينيه كباله ياسر شلونج يبت عمي نجاة بخجل وعيونها بلكاع كالت من الله بخير ياسر اكلج تعرفين بيت ابو مهدي الجانو يمكم ولعام شالو نجاة تفاجئة اي اعرفهم اشبيهم ياسر تعرفين مهدي نجاة اي اعرفه هو موضابط بجيش ياسر اي وياي بلوحده مالتي نجاة اي وشبي ياسر خطبج مني نجاة اصطكيت وبقيت لا احجي ولاكول وكلبي وجعني كلت معقوله ايريدني للغريب وما يفكر بيه عشق اشكتيله نجاة ولج شكله واني ماسيطرت على دموعي وفضحني كامن يجرن وحدهن ياسر متفاجئ اي ليش تبجين نجاة باوعت بعيونه واني راسا عفته وطلعت عشق يعني ماكتيله احبك نجاة انت من كل عقلج تحجين شكله اكله احبك ولج انه خجلانه منه من شاف ادموعي اروح اكله احبك عشق والله سالفتج تحير نجاة بحسرة وبالم كالت اصلا هو ممفكر بيه لو مفكر بيه جان حجه كال مو يكلي مهدي خطبج مني عشق **رة خاطري واني اشوفها وحسها م**ورت خاطر ماعرفت اشلون اواسيها عفتها وطلعت وشفت سعاد لمت غراضها وراحت لبيتها بعد ماشفتها سوت الغدة توسلتها تبقى تتغدة بس ماقبلت صار الغده صبيناه اني وسجاد خطيه جان حيل حريص عليه ويخاف خاف احترك لان يشوفوني ازغيرة مو مال مسؤوليه مطبخ وخطار بس اني تحديت هذا الشي بداخلي وخليتهم يتفاجأون بمهاراتي كملت الغده وصبيت الجاي واني اغسل بل مواعين سمعت صوت وراي كال عشك نجاة اشلون صارت التفتت وشفته ياسر كتله برتباك وخجل كتله زينه كال اريد اشوفها اشلون عشق كتله مستحيل اشلون اشوفها كال رجاءا خاف انروح باجر وعدي كلام بنفسي لازم اكولها الها قبل ماروح بقيت حايره كتله زين هيه بلغرفه تكدر تدخل عليها ضحك عليه وهز ايده وكال لاماترهم كتله لعد بعد اشوي انه ارتبلك سالفه الى اللقاء ملتقانا غدا انشاء الله استودعكم بامان الله وحفظه اختكم الكاتبه حواء اذا كدرت وره ١٢ بليل انزل بارت لعيونكم غوالي لاتنسون الايكات والتعليقات

Free reading for new users

Scan code to download app

App Store Google Play

Facebookexpand_more