البارت الثاني عشر

1505 Words

البارت الثاني عشر عشك الزغيرونه نومني إعله ايدك من يجي الليل وشوف شگد️ عشگ بعيوني شايلّك ولو يگدر گليبي يحجي شي وياك عن شوگي ولهفتي گلبي جا گلّك مل مني الگلب گد ما اسولف بيك واحلفلك اعوف الگلب لو ملّك اتيه روحي بس ينذكر طاريك واتيه الناس كلها ووحدك اندلّك احبك حب عجيب بعمري ما صار يمكن ما تصدگ حبي لو أگلّك لا أم التحبك مثلي لا اصحاب لا والد يحبك هيج لا خلّك.!!! السلام عليكم ورحمة الله وبركاته يسعدني ويشرفني ان التقي بكم مجددا مع احداث جديده تقبلو تحياتي اختكم حواء حواء البغداديه ????? عقيل نزلت جوة وطيتهم نيشانها والكل فز بلهلاهل ورمي شكد جانو فرحانين بس بداخلي صاير نار احس اكو **رة بداخلي مخليتني صاير حطام اسأل نفسي اني شنو المضوجني اني مو من البداية ماخذ عهد على نفسي ماتقربلها وزواجي منها كان امانه وشي حكمته عليه الضروف ليش اني ضايج عقلي يكلي اترك حالها عوفها حالها حال اي واحد بلبيت .. بس داخلي يتحداني ويكلي لا .. انت تحبها وماتكدر تجاهلها بقيت بهمي مااريد واحد يحس عليه لان احس اذا حجيت احس ب**رة وبأهانه بقيت ساكت وما اريد اقرب الناس اليه يتورج على ضيم كلبي الحجيه يمه بلمبارك عليك يبعد طوايفي عقيل وهو يبوس راس امه وكلها يبارك بيج يلعزيزة سجاد ....شيخ يوم الي وذ*ح طلي عقيل ههههههههههههههه كول طليان اني شعندي غيرك بس اشر وكول سجاد لا انه اريد من بغداد مثل صيدت اخوي عقيل وهو يذبله حسرة وبنفس عميق كال الله كريم تدلل لحجيه يمه اصعد ليش ضال تاخرت على البنيه بوحدها عقيل هزيت راسي وتمنيت ما ادخل للغرفه لان احس نفسي مامرغوب بيها او شي انفرض عليها بس شسوي لازم الموجودين محد ينتبه على **رت كلبي صعدت على بايات الدرج واني احس روحي مقبوضه فتحت الباب لكيت اختي سعاد وانتصار يمها وجايبات العشه وخالاته بصينيه بلكاع انتصار ها خويه اي همزين اجيت جايه اصيحك تعال تعشه عقيل بعد اخوج عاشت ايدج اكعدن تعشن ويانه سعاد لاعيني عدنه احساس ليش نخرب هاي لحظه الحلوة عليكم انتصار يالله حبيبتي خلي نروح ترى احنه عواذل هسه عقيل وهو يصنع الضحكه كال افه انتن الخير والبركه طلعن وسدن الباب التفتت عليها لكيتها كاعده على الجربايه وخاله راسه بلكاع عقيل وهو يباوع على الصينيه كال تعاي تعشي ليش متقيدة عشك بتلكءكالت لالا عمو ماريد عقيل وهو متنرفز كال هو زرب بيه غير عمو كومي اتعشي عشق من شفته اتنرفز راسا اجيت بدون نقاش كعدت على الصينيه واني كلبي يسوي دبك دبك عقيل وهو يسحب نفس كال الي اريده منج تتصرفين طبيعي ولاتحسسين الموجودين بان احنه وضعنه مو طبيعي اتصرفي بحريه ولاتقيدين نفسج اكلي وشربي خوما تموتين من الجوع عشق بقى ياكل واني لازمه الخاشوكه وامد ايدي كوة شافني الخوف والخجل مسيطر عليه شفته كام يفلس لحم ويخلي كدامي رفعت راسي باوعتله ابتسم بوجهي وكال اكلي يابويه لاتصفنين مااعرف بساعتها من شفت ابتسامته راسا حسيت نسمة هوى باردة زارت روحي الحارة ابتسمتله بتسامة رضا وبقيت اكول عقيل من شفتها متوترة **رت خاطري انه ماتحمل اشوفها ضايجه وله خايفه احس هذا الشي يأذيني حبيت احسسها بامان وماخليها تحس اني مهتم لو ضايج من الموقف وبنفس الوقت قربها مني حيل يوترني ويخليني مثل الي عطشان بصحراء وكباله مي بارد ومايكدر يشربه خلصنه عشه وكتلها انتي نامي اخذي راحتج واني انام لاتهتمين عشق طلعت مندر من الكنتور وغطه اتغطيت بي ونمت وهو بقى نايم على الجربايه بس لا اني نمت ولاهو نام حسيت يتكلب على الجربايه اهوايه واني خانسه بفراشي ماريد احسسه اني كاعده حسيت بي ورث جكارة وكام يشرب والثانيه لحدماحسيته اتجه لشباك الغرفه يفتح الشباك يحاول يغير جو الغرفه من الدخان بقيت حايرة اخاف من قربه وبنفس الوقت ماهاين عليه ضوجته لان احس بي د*كابر وميحسسني انه زعلان الصبح حسيت بنفسي على دكت الباب هو فز وراسا كلي كومي نامي بلجربايه كان يحجي ويلم بلفراش بحركه سريعه سفطها بلكنتور وحاول يكون طبيعي التفت عليه وكال ماكو شي عادي وهو يأشرلي نامي فتح الباب وطلعت نجاة كالت صباح الخير خويه امي الحجيه تكول خلي يكعدون خاف الشيخ يجي خطار عقيل اي بس اسبح جاي نجاة لااتريك انت والعروس وبعدين انزل عقيل ........يالله ماصار شي عشق راحت نجاة فزيت من مكاني ورتبت الجربايه هو اخذ ملابسه وراح للحمام بقيت ربع ساعه ودخل يفرك ب*عرة شافني واكفه اشرلي براسه كال روحي اسبحي على السريع راح يجيبون الريوك ركضت اريد افتح الباب كال انتي محد معلمج من اشوفين واحد طالع من الحمام تكليله نعيما كان يحجي ويمشط ب*عره امام مراية الميز عشق خجلت حسسني بان اني عندي قلة ذووق او مااعرف بلاصول ابتسمت بوجها ابتسامة خجل واريد اخفي بيها فشلتي كتله هاا نسيت كال ولا يهمج بسرعه روحي اسبحي دخلت للحمام سبحت وطلعت واني حذرة من اي تصرف اتصرفه لان ماريد احد يحس بيه اني خافيه من شي دخلت للغرفه لكيته منتضرني وخال الصينيه كدامه ويكلب بموبايله كان بوقتها الموبايلات قليله ومو هوايه ماركات فقط الطابوكه والدب ونوعيه داخله بوقتها راقيه اسمها همر شال راسه عليه وكال نعيما ضحكت وكتله انعم الله عليك كال تعالي اتريكي كتله بس اكمل امشط شعري لان ماريده امشطه وهو يابس مادامه مبلل لان يتعبني كال يالله اخذي راحتج فتحت شعري كبال الميز واني واكفه على طولي وبديت امشط انتبهت عليه وهو صافن عليه هو من شافني راسا فز وكال اني نازل ولي يسالج كليله اتريك خربط اشويه من الماعون البي كيمر ومربه ودار جاي نص بلستكان بحركات سريعه اخذ سويجه ومبايله وطلع سجاد وهو يدخل على امه وخواته وكال الشيخ يكول اطبخو لان راح يجينه خطار من الكوت الحجيه يمه ياهو الجاينه سجاد بيت عمي كاظم بطريق نجاة من سمعت بيت عمي كاظم روحي طارت يمه جتني ريحة الغالي نجاة اكول سجاد منو الجاي من بيت عمي كاظم سجاد جاي عمي وياسر ومرت عمي نجاة صحت على سعاد وتوسلتها تبقى بلمطبخ لان اريد ارتب نفسي سعاد اختي هاي اقرب وحده اليه وهاي تعرف كولش زين بان اني عندي رغبه او عاجبني ياسر ابن عمي كنت احبه بس مااعرف هو شنو مشاعرة تجاهي ركضت فوك رحت لعشق وكتلها هيج وهيج عشق..... يعني انتي تحبينه نجاة اووف ولج اموت عليه عشق يعني قصدج جاي يخطبج نجاة الله يسمع من حلكج هيج ويحجي ولج يرادله بخت عقيل خابرني ياسر ابن عمي وكلي جايين بطريق ياسر ابن عمي الضلع الي احسبه صديق واخ علاقتي بي تختلف على بقيت ولد عمي وجان يعرف بيه وبمشاعري تجاه فاطمه وجنت دائما اسولفله الي احس بي ومشاعري تجاها وجان دائما ينصحني بان ازوج بس اني جنت دائما اكله اني ماريد اكثر نسوان بدون مشاعر اريد شخص احس بي اريد شخص من اسمع اغنيه تصير صورته كدامي اريد شخص من اشوفه اشوف الدنيا بعيونه عقيل اجه ياسر واهله استقبلتهم وفرحت بيهم يمكن الله حابني اجاني بوكت الي محتاج بي اسولف ويه انسان يفهمني ولو ادور الدنيا كله ما الكه انسان ارتاح وياه مثل ياسر ياسر عقيل خلي نطلع اشويه على الشط من رخصت ابوي ولي كاعدين عقيل عمي من رخصتكم انتم اخذو راحتكم يم امي ترى الحجيه رايده تشوفك حجي كاظم انت معليك بيه انه مشتاقلهم وراح اشوفهم عقيل اترخصت وطلعنه انه وياسر ياسر وهو يباوع على ابن عمه وكله ابو مسلم شني المأذيك شو وجهك بي حجي عقيل وهو يذبله حسرة ويمد ايده على كلبه وكال ياخويه هذا يوجعني ياسر هز راسه هاخويه الضاهر كلبك اشتغل يبن عمي عقيل اشتغل بس ياريته ماشتغل ياسر خير ياستار هاي انت هيج تكول وناس حاسدتك عريس وماخذله فرفورة عقيل وهو يهز راسه بأسه وكال اخوك الي ماكو اطلابه لو مشكله لو موقف حيرة لوطلابه ماتنحل الا انه احلها بس اليوم زعطوطه محيرتني ياسر ههههههههههههههه يعني طحت ياذيب عقيل سولفتله السالفه كلها وكتله انه احبها وهيه ماتستجيب وياي وسوالف اهواي يطول شرحها ياسر ترى عشك ازغيرة وتريد صبر وانت مالومك لان انت متلهف عليها بس هيه بعدها زغيرة ويرادلها صبر ولاتنسى فرق العمر والمستوى المعيشي اختلاف بيئه الها دورها ولاتنسى الضروف الي ازوجتو بيها هاذي كلها بيها حسابات عقيل بعد ماخلصت النهار كله ابد ماشفتها واني بلحقيقه متقصد اريد ابعد عنها لان احس قربي الها ضعف وعذاب نفسي دخلت لكيت الغرفه ضلمه ومشغله كلوب نوم اضائه خافته شميت ريحة الغرفه الي متروسه عطرها حسيت بنتعاش شفتها نايمه مثل الملاك شعرها مطشر على المخده ومشمرة اديه الي اتمنيت الفهن على ركبتي ونام نزعت ملابسي وجيت اتمددت على الفراش واني على امل بلكي بمرور الايام يتغير حالنه سمعت طيارات يفتر بجو بس بوقتها عرفت هذي طيارات امريكيه وهسه راح تض*ب مقر او هدف لان كانت بذاك الوقت الامريكان منتشر بلمدن والوضع كلش موزين صار ض*ب وصواريخ بحيث الصوت صار عبالك بيتنه ماحسيت الا عشق فازه بصرخه وشامرة روحها بحضني وهيه ترجف ويه كل صوت اطلاقه او تفجير تصرخ من كل كلبها عقيل اسم الله بويه على كيفج ولج هاي مقاومة ض*بة الطيارة الامريكيه يروحي لاتخافين عشق كنت ارجف شما يحجي اني قافله متوقعه الض*ب راح ينزل على البيت ريكي يابس والرجفه بيه حسيته خالني على كلبه ولازكني على ص*رة ويقرة عليه ايات لحد ماغفيت بحضنه وماحسيت بنفسي عقيل يمكن كانت هاي احلى ليله بعمري وانه احس روحي حاضن الدنيا حسيت بأرتياح مو طبيعي صرت اشم بريحتها وتمنيت يوميه الطيارة تض*ب حتى اشوف نعمة الله عشق حسيت وجه الصبح واني نايمه على ص*رة وهو محوطني بذرعانه وجهي بص*رة ريحته طيبه سحبت راسي وباوعت بوجه حواجبه اثخان ورموشه ثخينه وخشمه رفيع وطويل وحلكه شفايفه ناعمه سمارة حلو كنت اباوع بوجه وصافنه ماحسيت الا فتح عيونه وشافني اباوع بوجه ملتقانا غدا انشاء الله اترككم في رعايه الله وحفظه تقبلو تحياتي اختكم الكاتبه حواء البغداديه لاتنسون التعليقات والايكات احبكم موت

Free reading for new users

Scan code to download app

App Store Google Play

Facebookexpand_more