Tatiana’s POV
Abalang-abala kami ni mama sa gawaing bahay ngayong araw. Si mama kagagaling lang sa palengke para mamili ng mga karne at pang-dessert na gagawin namin ngayong araw. Bisperas na kasi ngayon ng fiesta sa amin dito sa Norza Town, kaya abala na ang lahat ng mga taga-Norza town para maghanda ng mga pagkaing handa para sa dadayo dito na mga bisita namin.
Tapos na akong maglinis dito sa sala, sa kusina na ang susunod. Sa akin kasi nakatoka ang paglilinis ng bahay habang si mama naman ang magluluto ng mga handa namin. Tuwing fiesta sa amin, dinadayo kasi kami dito ng mga kamag-anak namin. Kahit nasa malayo sila, nag-aabala talaga silang dumayo dito para mamiesta. Kapag fiesta kasi sa amin, may mga nagtatayo ng tent sa palengke para magtinda ng kung ano-anong gamit. Para bang nagig
