CRASH!!
Nabasag at nagka pira-piraso ang pasô sa sahig.
Walang nagawa si marigold para pigilan si Carla. Natulala na lang ito sa nagkalat na mga piraso ng paso, lupa at mga bulaklak.
Saka lang nagising sila jessy sa nangyari. Agad nilang pinigilan si Carla na mukhang si marigold naman ang handang pagbalingan.
Umisk'wat si Marigold at dahan-dahang dinampot ang mga bulaklak. Hindi niya alintana ang nagpupuyos na si Carla sa kanya.Habang maingat niyang dinadampot ang mga bulaklak ay bumigat ang loob at pakiramdam niya.
Pakiramdam ng dalaga ay parang nayurakan at nabasag na rin ang puso ng taong nag-alay nito sa kan'ya.
Nakaramdam ng magkahalong inis, lungkot at panghihinayang si Marigold. Bumaling siya kay Carla. "Bakit mo 'to ginawa? Bakit‽"
Nagitla sila jessy. Ito ang unang beses na
