"Baka magalit siya ha." Natigilan ako sa pagpasok sa kwarto ni Kai.
Humarap sa 'kin si Adam habang nakakakapit siya sa pinto. Tumingkayad ako, sinubukang silipin ang crush ko.
"Hindi iyan, ako bahala," bulong ni Adam. "Saka tulog naman siya, tara na." Dire-diretso siyang pumasok.
Napalunok ako saka siya sinundan. Napatingala ako't namangha sa laki ng kwarto ni Kai. Naghanap ako ng kahit isang dumi, wala akong nakita; ang linis, well organized ang silid niya. Suminghot-singhot ako, amoy gwapo ang paligid!
Natigilan ako sa tabi ni Adam, sa gilid mismo ng malaking kama. Napanguso ako nang matagpuan si Kai; mahimbing siyang natutulog. Nakatagilid siya paharap sa amin ni Adam; yakap niya ang isang pahabang unan at para siyang batang nakabaluktot. Ang amo ng mukha niya; for a while, hindi k
