“I have just terminated Talitha Zaldriaga as you wish, baby,” simula ni Errol habang kausap ni Dorcas ito sa cell phone. “Nagmakaawa siya na huwag ko siyang tanggalin sa PSU pero sinunod pa rin kita. Mabuti na lamang at hindi ko pa napipirmahan ang mga papeles niya for permanent status, dahil kung nagkaganoon, siguradong demanda ang aabutin ko.”
Kahit maingay sa Pontevedra domestic airport ay malinaw na narinig niya ang mga sinabi ni Errol ngunit wala siyang maramdamang tuwa. Hindi sapat ang kakarampot na tagumpay upang matakpan ang ga-higanteng kalungkutan na nadarama niya ngayon. "Ano'ng idinahilan mo?" matabang na tanong niya.
"Iyong involvement niya sa kaso mo. That was conduct unbecoming para sa isang guro na katulad niya na dapat ay nagsisilbing modelo sa mga kabataan. Dahil sa pa
