HINDI sigurado ni Corrine kung magandang ideya na dinala niya si JC sa kanyang apartment pero hindi naman niya gaanong pinagsisisihan sa totoo lang. It was getting late but she couldn’t let him get away. Natatakot siya na baka hindi na sila uli magkita. Ayaw niyang matapos ang pagtatagpo na iyon. Ayaw niyang matapos ang magandang pakiramdam na dulot nito sa kanya.
Ihahatid lang sana siya ng binata pero niyaya niya itong pumasok. Natuwa siya nang paunlakan nito ang paanyaya niya.
“Nice,” sabi ni JC habang iginagala ang paningin sa paligid.
“Hindi pa ako natatagalan sa apartment na ito. For the longest time, I lived with my parents. Siguro natatawa ka dahil sa itinanda-tanda kong ito, ngayon ko lang naisipang bumukod.” Pumunta si Corrine sa kusina para maghanda ng maiinom at kaunting snac
