فريدة!!

البارت الثاني

_عند فريده _

خرجت من المستشفي بسرعه وخطوات متعثره؛ من الخوف ان يجدها احد وتعود مرة اخري الي عذا المكان، وظلت تجري وتجري، الي ان ابتعدت عن المستشفي، بمسافة ليست بقليله .

فريده بدموووع:

_يارب انا ماليش غيرك استرها معايا يارب.

فريده وقفت وهي تمسح دموعها وتحدث نفسها:

_كفايه دموع يا فريده هتفضلي تبكي لحد امتي ها يوم، يومين شهر سنه مش هتستفادي حاجه انتي لازم تعرفي كل حاجه واول حاجه تثبتي للكل انك مش مجنونه وكمان بريئه_بس هعمل ايه وهتصرف ازااي ولا مين هيساعدني .

فريده بتذكر:

_انا لازم قبل كل حاجه اشوفهم واستمد طاقتي منهم انا محتاجتهم أوي بالذات في الوقت ده .

_هربت، هربت ازاااي يا شويه اغ*يه كلكم اغ*يه وقفل السكه.

يامن بعصبيه:

_هربت ازاي انا مشغل شويه اباجورات، واردف بصوت عالي:

_يا عسكري ابراهيم

العسكري فتح الباب ودخل بخوف:

_نعم ياباشا

يامن وهو يستعد للخروج:

_ادي العساكر خبر، هنتحرك علي المستشفي.

العسكري وهو يؤدي التحيه:

_تماااام يافندم.

*بعد فتره وجيزة وصلت سياره الشرطه المستشفي .

_يامن وهو يوجهه كلامه للعساكر:

_اتنين هيجوا معايا واتنين يفضلوا علي باب المستشفي والباقي ينتشر في المكان يدور علي المتهمه في كل حته اكيد هي لسه مابعدتش عايزكم تفتشولي شارع شارع، بيت بيت، ان شاالله لو جحر تفتش*ه وخليكم علي تواصل معايا اول بأول مفهووووم.

العساكر بسرعه:

_مفهوووم يافندم .

_في الداخل(المستشفي)

الدكتور سليم بعصبيه:

_ازااي مالقتوهاش، اكيد الحكومه هترفع قضيه علي المستشفي كله من إهمال البهوااات .

الممرضه:

_يا دكتور انا خرجت بره اجبلها مايه رجعت لقيت المنظر اللي حضرتك شفته .

اردف سليم وهو يشعر بالغضب منها:

_ماهو اصل انتي يا ممرضه يامحترمه لو شايفه شغلك كويس وماكنتيش خرجتي الا لو جيه حد من زمايلك ماكنش كل ده هيحصل.

الممرضه بنرفزه:

_انا محترمه يا دكتور غصب عن عين اي حد وانا مااهملتش ف شغلي ووو

_فجأه جيه الظابط يامن وتحدث بسخريه:

_عرفت ان المتهمه فريده هربت .

الدكتور سليم:

_اصل

يامن بتريقه:

_لا اصل ولا فصل ماتستعجلش يا..يادكتور هعرف كل حاجه كل واحد يتفضل علي مكتبه وياريت ماحدش يمشي علشان هنستدعيكم علشان اعرف اللي حصل ووجهه كلامه للعساكر اللي كانوا بيحرصوا الاوضه انزلوا تحت استنوني ف العربيه _وياريت حد يوصلني لمدير المخروبه دي.

دكتور سليم كان يشعر بالغضب شديد من هذا المدعو يامن لااتهامه لهم بالاهمال، كان يريد أن يفتك بهِ وبشده، لكنه نفض هذه الأفكار سريعاً .

اردف دكتور سليم وهو يؤشر بيده لااحد الممرات:

_اتفضل ياحضره الظابط من هنا.

وتوجه يامن بصحبه سليم بإتجاه مكتب المدير، وعندما وصلوا نظر لدكتور سليم واردف:

_تقدر تتفضل يا دكتور انا هدخل لوحدي

_سليم اومأ برأسه وغادر.

يامن طرق علي الباب بهدوء ودخل واردف سريعا:

_معاك المقدم يامن العمري، وفجأه لف المدير بالكرسي .

يامن بصدمه: اااانت

"يشتاق قلبك لأشخاص سلبتهم منك الحياه، ولكن إذا فارقت الروح،فالذكري باقيه لاتروح"

_وحشتوني، وحشتوني اوي من وقت ماانتو مشيتوا والدنيا جات عليا، حتي الحاجه الحلوة اللي في حياتي راحت، فاكر يا دكتور لما جيت قولتلك اني قابلت أسر واتجوزنا؛ أسر راح يا دكتور، شوفتي يا دكتورة زين فاكرة لما قولتلك جات الحاجه الحلوة اللي هتنورلي دنيتي وهتقربني من آسر اكتر هي كمان راحت، مبقاليش حد في الدنيا اتحامي فيه، ليه مكتوب عليا اي حاجة حلوه في حياتي تسبني وتمشي انا اللي كنت فاكرة السعاده هتفضل ملازماني ماكنتش اعرف انها حاجه مؤقته هتزورني وتمشي علطول وبعدها هتتقلب حياتي جحيم .

نهضت ومسحت دموعها بعنف:

_بس لا مش فريده اللي تستلم ابدا مش ده كلامك ي دكتور

(انتي قويه ي فريده وانا واثق في كده ) وانا قد ثقه حضرتك، المرة الجايه هاجي بس وانا حد تاني خالص.

مع السلامه ي دكتور .

_مش معقول مراد امتي جيت ي بني؟!

تفوه يامن بهذه الكلمات، ثم ذهب اليه؛ واحتضنه بشده، وشدد الاخر علي احتضانه .

فاابتعد يامن واردف بصيق:

_تيجي ومتدنيش خبر ده انا هعمل منك بوفتيك .

مراد:

_يا بني والله لسه واصل، ماليش شهر راجع، سألت عنك عرفت انك مشغول في قضيه صعبه قوي محبتش اشغلك حتي اسأل طنط وباباك .

يامن:

_خلاص سماح المره دي، نورت مصر كلها، احكيلي كل حاجه من اول مارجعت كلي اذن صاغيه .

&مراد عزت العزايزي وشهرته(مراد العزايزي)يبلغ من العمر 30 عام، من ينظر إليه يظنه اجنبي، بسبب بشرته البيضاء وعيونه الخضراء وطوله الفارغ، لكنه مصري الج*سيه، يعيش بأمريكا منذ زمن بعيد وباقي اسرته مازالت تقطن هناك، تخرج من كليه الطب، بجامعه(هارفارد)قسم الطب النفسي وصديق يامن المقرب"

اردف مراد بضحك:

_مش هتتغير لازم تعرف كل حاجه بالتفصيل الممل .

يامن:

_بطل رغي وادخل في الموضوع علطول .

اردف مراد بحركه عسكريه:

_تمام ي فندم، ولا حاجه يا سيدي زي ماانت عارف اني بطلع الاول علي الدفعه اتخرجت وبعد مااتخرجت علطول اتعينت معيد وبعدين حضرت الدكتوراه والماجستير، فقولت بما اني حققت حلمي بلدي أولي بيا ف*جعت وفتحت عياده واشتريت المستشفي دي زي ماشوفت وبقيت مشهورة وبس كده.

يامن اداله بو** في وشه واردف بعصبيه:

_كل ده يا حيوان وانا مااعرفش، ويعالم كنت هعرف امتي؟ لو ماشوفتكش هنا بالصدفه .

اردف مراد وهو يضع يده علي وجهه:

_طول عمرك غ*ي، خلاص يا عم حقك عليا قلبك ابيض .

يامن:

_خلاص يا سيدي، ندخل في المهم انا دلوقتي المقدم يامن العمري وانت الدكتور مراد العزايزي، وانا جايلك بخصوص المتهمه اللي هربت وهي مريضه في المستشفي بتاعتك ردك علي الكلام ده إيه .

مراد:

_انا ماكنتش موجود وقت مادخلت المستشفي انا مضيت علي الاستلام ليس إلا، ثم اني ماشوفتهاش غير مرة واحده انا وبتطمن ان كل حاجه تمام وكمان ماشوفتش وشها، وبعدين هي تحت مسؤليه دكتور سليم

يامن بعصبيه:

_انا الدكتور ده مش برحتله من وقت ماشوفته .

مراد:

_علي فكرة انت واخد فكره غلط عن سليم ده من أمهر الدكاتره اللي في المستشفي .

يامن بتريقه:

_اممممم ايه رايك بقي اني انا هثبتلك ده وقريب اوووي، ثم اكمل حديثه:

_انا ماشي واه صح انت معزوم عندنا بكره يارب ماتجيش وشوف ايه اللي هيحصلك

مراد بضحك:

_وعلي ايه جاي، ده انت ض*بك غ*ي اوووي .

يامن:

_تستاهل انا رايح احقق مع اللي شغالين هنا، والله زي قلتهم يبقي دور علي ناس متمكنه بجد يا دكتور تشغلهم في الخربانه بتاعتك، مع السلامه

مراد بضحك وبإيماءه:

_حاضر، سلام يا ظبوطه .

يامن بغضب مصطنع :

_ظبوطه ايه، اتعدل يلا فيه ايه .

مراد:

_خلاص يعم مش ههزر معاك تاني سلام

اردف يامن :

_يكون احسن سلام يا خفيف .

قام يامن بالتحقيق مع جميع العاملين في المستشفي من أطباء وممرضين وعمال بخصوص هروب فريده، والكاميرات لم تبين او تظهر شئ سوي خروجها من المستشفي فقط، لكنه لم يصل لااي ثغره بعد.

مكان يتميز بالجمال والكرم، نذهب اليه للمرة الاولي:

*أسيوط حيث محافظه الرقي والجمال(الصعيد الجواني)مركز ابنوب قريه بني محمد اصل الصعيد، عائله من أشهر عائلات ابنوب واغناهم يتميزون بأخلاقهم الساميه وحب الغير .

في منزل اقل مايقال عنه انه قصر يقطن به عائله الأسيوطي(لهم اسم اخر سنتعرف عليه فيما بعد) الجد واحفاده .....

_نجد فتاه يظهر علي ملامحها علامات الغضب والحزن تتحدث مع جدها:-

_ليه يا جدي مش موافق، كل صحباتي راحين الكليه اشمعني اني ده اني اشطر واحده فيهم .

الجد: لا يعني لا انتي مابتفهميش يا هاديه ولا ايه .

&هاديه خالد الأسيوطي ذو قلب ابيض وأخلاق ساميه وفتاه جميله بمعني الكلمه صاحبه البشره البرونزيه والشعر الاحمر الغجري والعيون الرمادية، قصيره، تبلغ من العمر 18 عاما، تعيش مع جدها ووالدتها وباقي الاسره(سنتعرف عليهم خلال الاحدث) بعد انا توفي والدها، منذ الصغر .

&الجد محمود الأسيوطي رجل عجوز يبلغ ال 69 عاما من عمره يتميز بالحده والصرامه، ولكن طيبته تتغلب عليه، حكيم عاقل،يحب احفاده كثيرا لديه ولدان خالد وسعد توفاهم الله منذ زمن .

اردفت هاديه بحزن وهي تستعطف الجد:

_ياجدي ده انا جايبه ٩٨% يعني اعلي مجموع في البلد كلها يبقي مش عايز تدخلني كليه ليه عاد .

الجد محمود:

_يا بنتي انا خايف عليكي والكليه اللي انتي عايزة تروحيها في بلد تانيه لا نعرف أهلها ولا عوايدهم، عارفه لو أسيوط نفسها كنت وافقت .

هاديه بهدوء:

_ياجدي يا حبيبي كليتي لازمن تكون في مصر ليه بقى؟ علشان مافيش منها في أسيوط .

وقاطع حديثها صوت شخص ما واردف:

_وانتي ليه ماتخشيش كليه في أسيوط عاد .

هاديه:

_حتي انتي ياأمي ماانتي عارفه اني، اني نفسي في الكليه دي بالذات من زمان.

&الام ساميه صديق تبلغ من العمر ٤٥ عاما شديده الطباع ولكنها طيبه القلب من عائله متوسطه، احبها والد هاديه وتزوجها أنجبت ولد وفتاه وتوفي زوجها بعدها بفتره قصيره.

ساميه:

_يا هاديه ماانتي شايفه جدك مش موافق يبقي ادخلي اي كليه وخلاص .

هاديه:

_كيف يعني لا مش هخش غير سياسه واقتصاد وبس كده ولما يجي اخويا انا هتكلم معاه واكيد الدكتور مش هيوافق باللي بتقولوه ده.

الجد:

_الكلام في الموضوع ده انتهي اطلعي يلا علي اوضتك .

_صعدت هاديه الي غرفتها بهدوء دون تعليق

ساميه بود:

_ليه يا عمي كده ماانت عارف هي ذاكرت وتعبت قد ايه علشان تشرفنا وتجيب مجموع عالي وتدخل سياسه واقتصاد، وافق يا حج بالله عليك .

الجد محمود:

_ياساميه يابنتي انا خايف عليها ومصر مالهاش امان .

ساميه:

_يعني يحج هي هتقعد لحالها ده اخوها الدكتور هناك، انا عارفه يحج ان فيه سبب تاني، انك انت بتحب هاديه ومتقدرش تستغني عنها، بعدين المحمولات قربت كل بعيد .

الجد بحزن:

_خلاص ياساميه موافق وربنا يسترها .

اردفت ساميه بفرحه وهي تقبل يده:

_ ربنا مايحرمنا منك ابدأ يا عمي ويطول في عمرك انا هروح افرحها زمانها هاريه نفسها من البكي .

الجد:

_يارب ياساميه، تمام وانا هدخل اريح شويه في اوضتي .

ساميه:

_ماشي يا عمي اتفضل .

(في الاعلي)

هاديه بدموع:

_وفيها ايه يعني مصر مش بعيده قوووي وبعدين كله عارف اني بحلم بالكليه دي من زمان.

_يا بنتي هيوافق والله في الاخر وهتشوفي

هاديه بدمووع:

_انتي ماسمعتيش جدك قال ايه يافرح .

&فرح سعد الأسيوطي تبلغ من العمر 23 عام جميله من الداخل والخارج ومتزوجه .

فرح:

_اسمعي مني، جدي بيحبك ومايحبش يزعلك واصل وو...

قاطعا حديثهم دخول والده فرح، واردفت:

_كنت عارفه اني هلاقيكي بتبكي انا مش عارفه انتي طالعه نكديه لمين يابت انتي، ثم تابعت بخبث انا كلمت جدا تاني بس هو قااال .

هاديه بسرعه:

قال ايه؟

اردفت ساميه:

_قاال...

(في منزل المقدم يامن العمري)

_اهلا عاش من شافك يابيه يومين بايت بره البيت لا حس ولا خبر ولا كأنك عايش مع بناأدمين تطمنهم عليك، تكون عايش مع حيونات يا حضره الظابط.

يامن وهو يقبل يد والده:

_ماتقولش كده يابابا بس انت عارف انا مشغول قد ايه والله اكيد مش هبات بره البيت وانا مش مشغول

_قام والده بإحتضانه:

_ولا يهمك ياحبيبي اهم حاجه انك بخير وكويس .

ناديه:

_خلاص ياأحمد سيب الواد جاي تعبان.

&احمد العمري:

_يبلغ من العمر 65 عاما خارج علي المعاش منذ عامين، كان مدير بإحدي الهيئات التعليميه الخاصه بوزارة التربيه والتعليم، رجل حكيم، ومجتهد طموح بني نفسه بنفسه، وربي أولاده علي ذلك.

احمد:

_يعني انا هاكلهه ابني، وبتطمن عليه اطلعي منها انتي بس وكل هيبقي تمام .

ناديه:

_ده ابني حبيبي، ثم اكملت قائله:

_ مالك ياحبيبي خاسس كده ليك وشكلك هافتان، انت مش بتاكل ولا ايه؟

يامن:

_ابدا والله ياأمي بجيب اكل من بره .

اردفت ناديه بلوم:

_بره هو اكل بره ده يشبع علشان كده وشك مصفر وخاسس النص.

ملك بضحك:

_هافتان وخاسس النص، هو كان مهاجر وانا مش عارفه؟!

ناديه:

_وانتي هتعرفي منين انا أمه واحس بيه .

اردف يامن وهو يض*بها علي قفاها:

-لمضه اووي من يومك .

احمد بعصبيه زائفه اردف:

_ايه كلكم علي البنت سيبوها.

اردفت ملك وهي تحتضن والدها:

_انت اللي ناصفني ماليش غيرك اصلا .

ناديه:

_انت اللي مدلعها زياده عن اللزوم .

احمد وهو يقبل احدي خديها:

_سيبو حبيبه ابوها براحتها؛ احنا عندنا كام لوكه .

اردفت ملك وهي تنظر لوالدها بحب:

_بحبك اكتر حد في الدنيا .

يامن بتأثر:

_ياه شو حلو يافنانه خلصتي، والتفت لوالدته:

_الغدا ياماما .

ناديه:

_من عنيا ياحبيبي، ادخل غَير وخمس دقايق والاكل يكون جاهز .

يامن:

_حاضر ياست الكل.

_ ذهب يامن ودخل غرفته واتجه الي الحمام .

يامن بتفكير وهو يستحم:

_فريده!

ياترا هتكون هربت وراحت فين؟

انا من معلوماتي عنها أنها مالهاش حد ولا قرايب غير امها واختها ودول مش هنا .

اغلق الحنفيه وقاال:

_عرفت انا هعمل ايه وو

وقطع كلامه صوت طرق الباب

يامن بصوت عالي:

_مين ؟

ملك:

_ماما بتقلك الاكل ياابيه .

يامن:

_حاضر جااي

( علي السفره)

يامن:

_صح يابابا انا عازم مراد بكره علي الغدا .

احمد باابتسامه:

_مراد وحشني ابن الكلب .

يامن بااستفهام:

_هو مش جيه هنا خلال الشهر ده ؟

احمد:

_ لا

ناديه بضحك:

_هو كدب عليك تاني زي زمان، هو كان بيتصل بس وانا الحيت عليه يجي بس هو كان رافض.

يامن في سره:

_مراد الكلب لما اشوفك .

احمد:

_بتقول حاجه

يامن:

_سلامتك يابابا

احمد:

_ايوة صح اخبار القضيه اللي شغال فيها ايه مامتك حكتلي، وقالت إنها معقده شويه البنت اعترفت .

يامن:

_مش لما نوصلها هي الاول

احمد بإستفهام:

_يعني ايه؟

ياردف امن:

:المتهمه اللي في القضيه هربت

ناديه بشهقه:

_ازاي ؟

يامن بأسف:

_أنا كنت بحاول ادور علي دليل واطلعها منها وأثبت براءتها بس هي بعملتها دي اثبتت عليها التهمه .

احمد:

_اكيد هتتلاقوها هتروح فين لازم القانون ياخد مجراه، وتتعاقب .

يامن:

_بس يابابا انا متأكد انها مظلومه .

احمد:

_انا فاهمك بس كل شهاده الشهود بتأثبت انها هي المتهمه، فحكايه بريئه او لا المحكه هي اللي تقرر كده نيابه عن كلام محامي الدفاع، مش انت .

ناديه:

_خلاص فضونا من الحكايه دي، كملوا اكل .

_وكملوا اكلهم في **ت .

"بعد الاكل" في غرفه الصالون:

احمد:

_كنت عايز افاتح معاك موضوع مهم يا يامن

اردف يامن بإنتباه:

_اتفضل يابابا .

اردفت ناديه بتساؤل:

_موضوع ايه ده ياأحمد؟!

احمد:

_هتعرفي دلوقتي

اردف احمد وهو ينظرإلى يامن:

_انت كبرت يايامن وانا عايزة افرح بيك قبل مااموت، وانت معدتش صغير وو..

قاطع يامن والده وارف بااحترام:

_اسف ياوالدي علي مقاطعتك بس انا مش بفكر في الموضوع ده دلوقتي، انا مش فاضي وو...

قاطعه احمد واردف بعصبيه:

_ايه هو اللي مش فاضي، مش فاضي للجواز انت اهبل، ده انت لما تتجوز هتبقي راجع اخر اليوم وعارف اني فيه روح حلوة في الشقه، وحد هيتحملك وقت ضعفك، انت لما تخلف وتشيل عيالك علي ايدك هتنسي كل وجع وتعب مريت بيه، وكنت هتقول ياريتني اتجوزت من زمان .

يامن:

_يابابا انا مش محتاج حد في حياتي كفايه عليا انتوا .

ناديه:

_ياحبيبي كلام والدك صح، وكمان فيه اختلاف احنا اهلك هي هتبقي مراتك .

يامن:

_اوعدكم اني هفكر في الموضوع ده

احمد بفرحه:

_وانا عندي بنت واحد صاحبي إنما ايه .....

اردف يامن بمقاطعه:

_يابابا بنت صاحبك ايه، انا قولت هفكر، مش هتجوز! وربنا يسهل الأمور انا داخل انام وهرولا سريعاً الي غرفته .

ناديه بضحك:

_شوف اول مايجبولوا موضوع الجواز بيهرب ازاي .

احمد:

_ربنا يهديه يارب .

ناديه:

_يارب .

اردفت ملك بجديه:

_تسمحولي أشارك برأي .

احمد:

_اطربينا .

ملك:

_انا مش عارفه، انتوا شاغلين نفسكم ليه؟!

هو وقت مايلاقي اللي تخ*ف قلبه هيجي يقلك يابابا انا وقعت ولازم توافق علي جوزاي فورا .

ناديه:

_امممم شغل الروايات اللي عايشالي فيها دي مش هنا يا حبيبه ماما، وبعدين انتي قاعده معانا ليه، وقلعت السلاح بتاع الأمهات وحدفته عليها:

_قومي ذاكري يافاشله الدكاتره بتخفف المرضي انتي هتمرضيهم أكتر .

ملك جريت وقالت:

_انا ماشيه، وقتي مش فاضي للقاعده دي .

واتجهت الي غرفتها .

احمد بضحك:

_بتهون عليا اي حاجه مش عارفه لما تتجوز هنعمل ايه ؟

ناديه باابتسامه:

_لسه الوقت بدري علي الكلام ده، ربنا يحفظها هي ويامن يارب

احمد بتأمين:

_اللهم امين يارب العالمين.

في منزل(محمود الأسيوطي)

"قدرك آتي لامفر، الله لايرزقنا الا بالجميل مهما طال الزمن، الفرحه آتيه آتيه، مهما قابلت ومهما تعثرت، سوف تأتي السعاده فارده اجنحتها لااستقبالك"

اردفن هاديه بفرحه:

_قولي والله ؟

ساميه: ايوة والله جدك وافق .

اردفت فرح وهي تحتضنها:

_علشان تتبعي كلام فرح بس .

هاديه بضحك وتسقيف اردفت:

_يعني هخش الكليه، والله وكبرتي ياهاديه وهتروحي الكليه،لولولولولولولوي

وفجأه وقفت علي السرير ورقصت وقامت بتكرار الكلام من الفرحه...هتروحي سياسيه واقتصاد ورفعت صوتها هاديه الأسيوطي هتروح سياسيه واقتصاد يابلد .

ساميه أسرعت بآتجاهها، ووضعت يدها علي فمها واردفت بتحذير:

_اكتمي يابت ماكفاياكي عاد، لو جدك سمع حسك؛ هيموتك، وبعدين لا هيبقي فيه مصر، ولاسياسه واقتصاد اللي بتقولي عليها دي .

فرح بضحك:

_ماسبيها تفرح يامرت عمي.

اردفت ساميه بااستنكتار:

_تفرح بحس واطيي .

اردفت هاديه وهي تضع يدها علي فمها:

_كتمت اها اهم حاجه ان جدي وافق، ونزلت تحت وهي بتقول، جدي وافق جدك وافق يافرح .

ساميه:

_ربنا يفرحك كمان وكمان يابت بطني

فرح بإبتسامة:

_اللهم امين يارب .

"عندما تلتقي بشخص في حياتك وتشعر بوجوده بالالفه والاطمئنان، فيكون هو اللجوء وقت المفر"

يامن:

_صباح الخير يالوكه .

ملك بإبتسامه:

_صباح الخير ياابيه .

يامن باابتسامه:

_انتي بتذاكري ولا روايه كالعاده .

ملك بضحك:

_ربنا تاب عليا، بذاكر معايا (ميد) في الكليه .

يامن:

_ربنا معاكي يالوكه واشوفك احسن دكتورة .

اردفت ملك بحب:

_اللهم امين ياحبيبي، تسلملي يارب .

يامن بتذكر:

_اومال ماما وبابا فين .

ملك:

_ماما نزلت السوق علشان العزومه بتاعت صاحبك قالتها بغضب،واكملت قائله، وبابا راح مشوار بس مااعرفش فين!

يامن:

_تمام، عايزة أسألك انتي مش بتحبي مراد ليه؟

وعايز اجابه واضحه وص**حه .

اردفت ملك بجديه:

_بص ياابيه مش حكايه مش بحبه بحس انه، صعب الطباع والصراحه بخاف منه وووو

وقطع حديثها طرق الباب

أردفت ملك سريعا:

_الباب بيخبط هقوم اشوف مين

يامن:

_لا خليكي هفتح انا .

يامن:

_ايوة مين ؟

اتجه يامن الي حيث الباب وفتحه، واردف بصدمه:

:انتي؟!

#يتبع