فريدة!!

البارت الثالث

"عندما تشعر بالنفور تجاه شخص ما، تصبح محاوله الاقتراب صعبه للغايه"

(في منزل يامن العمري)

اردفت ناديه بحب:

_نورتنا والله يامراد عاش من شافك.

اردف مراد بإبتسامه واحترام:

_بنوركم ياطنط والله .

ناديه:

_تسلم ياحبيبي .

اردف احمد وهو ينظر لمراد:

_قولي يامراد اخبار أمريكا ايه كنت مرتاح هناك

اردف مراد سريعاً:

_الصراحه يا عمي مش اووي الواحد مالهوش في الاخر غير بلده

اردفت ناديه بتأييد:

_والله عندك حق يابني وهي عيشه الأجانب دي عيشه، قول لملك كده، دي هتموت وتروح تكمل تعليمها هناك .

مراد:____

اردف احمد بتساؤل:

_مالك يامراد سرحان ناديه بتكلمك !

اردف مراد باانتباه:

_اسف والله ياطنط ماركزتش كنتي بتقولي ايه .

ناديه باابتسامه:

_عادي ياحبيبي ولا يهمك، كنت بتكلم عن ملك

اردف مراد بضحك: ش

_اه صح هي فين مش شايفها، مش في البيت ولا ايه

اردفت ناديه:

_لا ياحبيبي في اوضتها جوه .

اردف مراد بهزار:

_ ليه ماخرجتش مش عايزة تسلم عليا ولا ايه، ده انا اخر مره شوفتها كانت في أولي اعدادي متهيألي.

اردفت ناديه بإبتسامه:

_لا اكيد طبعا عايزة تشوفك، دي فرحت أوي لما عرفت انك جاي بس اكيد بتلبس جوه، هاروح اشوفها .

(في غرفه ملك)..

دخلت سريعاً، الي غرفه ابنتها، وجدتها نائمه؛ فااتجهي ستائر وقامت بإبعادهم؛ لإعطاء الحريه للشمس والتحرر في المكان، وذهبت الي السرير واردفت بعصبيه:

_انتي لسه نايمه، انا مش منبهه عليكي لما يجي مراد تطلعي تسلمي عليه، ملك.. ملك

اردفت ملك بنوم وهي تحرك وجهها للجهه الاخري: _اطفي النور ياماما عايزة انام، كان معايا امتحان ومانمتش كويس .

اردفت ناديه وهي تشيل الغطا من عليها:

_لا فوقيلي كده والبسي علشان تسلمي علي مراد، سأل عليكي وبعدين ده متربي معاكم من هو وصغير .

اردفت ملك بنرفزة وهي تنهض ماعلي السرير:

_وانا مالي يسأل ولا مايسألش، وهو صاحب يامن وجايله هو، يبقي انا ايه دخلي بقي .

اردفت ناديه بلهجه صارمه:

_بطلي مقاوحه، وقومي اغسلي وشك والبسي، لاانادي لااخوكي وهو يتصرف معاكي

اردفت ملك بخوف:

_وعلي ايه بدال فيها يامن يبقي قايمه .

اردفت ناديه بإبتسامه:

_شطورة 10 دقايق وتحصليني،

وغادرت الغرفه .

اردفت ملك بضيق:

_حاضر (واكملت في سرها اما نشوف اخرتها مع سي مراد)

اتجهت ملك الي خزانتها؛ لكي تبدل ملابسها بغضب شديد؛ هي لا تريد مقا**ه اي احد وبالاخص هذا المدعو مراد .

(في قصر محمود الاسيوطي)

_يعني ايه ياجدي موافق علي تعليمها في مصر، واحنا من متي حدانا بنات تروح تتعلم في مصر .

اردف الحفيد الأصغر بهذه الكلمات

نهض الجد محمود واردف هو يض*ب عصاه بالأرض:

_وانت بتعدل علي كلامي ياواد سعد، ماناقصش غير العيال الصغيره تعدل علي كمان .

اردف عا** بضيق:

_ انا مش صغير ياجدي، هي مش بت عمي ومن حقي اتكلم .

&عا** سعد الأسيوطي الابن الأوسط لسعد، يبلغ من العمر 22 عاما، صاحب الملامح المصريه، والبشره السمراء، والطول المتوسط وجسم متوسط ايضا، شخص مغرور وحاد الطباع في كليه الحقوق جامعه أسيوط، ويحب هاديه ولكنها لاتبادله نفس الشعور.

اردف الجد بلهجه لا تحمل النقاش:

_انا قولت كلمه وانتهي كلام الباقي مفهوووم.

كانت هاديه تهبط علي السلالم وسمعت حديثهم فوقت أمامه واردفت بتحدي:

_لا مالكش الحق ياابن عمي بدال كبير العيله واللي هو جدي موافق، يبقي الموضوع انتهي وكمان محدش ليه يدخل في شئوني ووووو

_قاطع كلامها دخول زوجه عمها المتوفي:

_عيب الكلام ده يابت ساميه ولا امك ماعلمتكيش كيف تتحددتي مع الأكبر منك .

اردفت هاديه بهدوء:

_بت ساميه واتشرف يامرت عمي، لما ولدك يا يا خاله يتعلم انه مايتدخلش في حاجه ماتخصوش الاول .

فريال:

_وانتي بنت قليله الربايه.

&فريال فتحي تبلغ من العمر 57 من العمر،امرأه حقوده ولاتحب الخير للاخرين وكئيبه، وقلبها ملئ بالحقد تجاه هاديه.

اردفت هاديه بأدب:

_حقك عليا ياخاله بس انا امي وجدي ربوني احسن تربيه، عن اذنكم انا طالعه اوضتي ياجدي .

اردف الجد بعصبيه وهو ينظر الي فريال:

_طول عمرك ولية ل**نك بيطلع سم، والله ده ابني ربنا ريحه واستريح منك ومن شوفتك .

اردفت فريال بضيق:

_انا ياحج !

ااردف لجد بصوت مرتفع:

_ايوة انتي، يلا انكشحي من قدامي.

الجد محدثاً نفسه:

_انا مش عارف الحرمه دي طالعه شرنيه لمين، انا قولت كرهها لساميه الاول؛ بسبب غيرتها منه زمان لكن ماكنتش اتخيل انها كمان تكره هاديه للدرجه دي .

اردف عا**:

_ ياجدي

_الجد فاق من سرحانه قائلا:

_خير ياسي عا** في حاجه

عا**: ايوة ياجدي قولت ايه على موضوع هاديه وتعليمها .

ااردف الجد بتهديد:

_انا مش عايز ازعلك ياعا** انت مهما كنت ولد ولدي، بس مش معني انك فاشل عايز تخلي الناس كلها زيك، انت بتسقط ليك سنتين وزمانك في رابعه ومخلصها كمان، ايه عايز تخلي هاديه زيك، بس ده بعينك؛ وشيل اللي في دماغك علشان لا انا ولا هاديه هنوافق عليه، ويلا روح شوف انت رايح فين .

_مشي عا** بهدوء بدون ادني كلمه .

"تظن انك وحيد بهذه الحياه، ولكن عندما تلجئ لله سبحانه وتعالي يبعث لك اشخاص لمساعدتك، بعض ان ظننته مستحيل"

_انا مش عارفه اشكرك ازاي انك وافقت تساعدني، كان بإمكانك اول ماتشوفني تمسكني وتسلمني للقسم، لكن انت ماعملتش كده، انا مش عارفه اقولك ايه بجد .

____:

_ انا ساعدتك علشان واثق انك بريئه اتمني مااكونش، غلط في تفكيري .

اردفت فريده بدموع:

_انا بشكرك واكيد مش هتندم علي مساعدتك ليا والايام هتثبتلك ده.

____:

_اتمني ماتظهريش قدام حد علشان انا مااعرفش العواقب لو حد شافك، ولو احتجتي حاجه هي معاكي

فريده أماءت رأسها بالايجاب .

(علي السفره بمنزل يامن)

اردف يامن:

_هي ملك ماجاتش ليه....

_قطع حديثه دخول ملك، واردفت بإحراج:

_انا هنا ياابيه.

اردف يامن باابتسامه:

_اهيه اللمضه جات .

نظرت لهُ ملك واردفت بزعر:

_طيب ماتقولش لمضه بس .

اىدف يامن بضحك:

_تعالي اقعدي يالمضه .

ملك وهي تض*ب برجلها علي الارض:

_يووه، حاضر

اقتربت ملك من السفره واردفت بهدوء

_السلام عليكم ورحمه الله وبركاته، اذيك ياابيه مراد .

اردف مراد باانبهار وصدمه:

_وعليكم السلام ورحمة الله وبركاته، ايه ده انتي ملك كبرتي وبقيتي قمر يالوكه

اردفت ملك بتذمر:

_ليه هو انا كنت قرده في الأول .

اردف مراد بضحك:

_لسه زي ماانتي، مااتغيرتيش .

اردف يامن بغضب مصطنع:

_ايه يلا انت بتعا** اختي قدامي .

اردف مراد بخوف مصنع:

_ابداً والله ياكبير .

اردف احمد بغضب زائف:

_بس ياولد منك له، ووجهه كلامه لملك:

_ وانتي يالوكه تعالي اقعدي جمبي.

اردفت ملك بإبتسامه:

_حاضر يابابا

(بعد الغدا في غرفه الصالون)

اردفت ناديه بضحك:

_عصير مانجا تحفه، ملك بتحبه ومابتخليش اي عصير تاني يتعمل في البيت .

اردف مراد بضحك وهو ينظر لها:

_لسه زي ماانتي برده؛ مش هتتغيري، فاالتفت ليامن واردف بضحك:

_فاكر يايامن لما ملك كانت في 4 ابتدائي وكانت محوله وجايه المدرسه لسه جديد، في ولد زميلها شدلها شعرها موتته من الض*ب وقتها .

اردف يامن بضحك:

_فاكر.. وفاكر كمان لما عرفت ماتوصتش انت كمان، وروحت للولد خليته يعملها علي نفسه من كلامك.

اردف مراد بإحراج:

_فاكر، واكمل بهمس: والله لاوريك يايامن الكلب .

اردف يامن بهمس هو الاخر:

_ولا تقدر تعملي حاجه؛ وظل يضحك بشده

نظر لهم احمد واردف بإبتسامه:

_ضحكونا معاكوا ياولاد .

_يامن هيتكلم فجأه مراد ض*به في رجله واردف سريعا:

_ولا حاجه ياعمي احنا كنا بنهزر بس .

اردفت ناديه بإبتسامه:

_ربنا يديم محبتكم ياحبيبي .

اردف يامن ومراد معاً:

_اللهم امين يارب

نظر يامن لملك واردف:

_مالك يالوكه ياحبيبتي ساكته ليه

اردفت ملك بنرفزه:

_كنت مستنيه وصله التريقه عليا انت وصاحبك، عن اذنكم .

*وذهبت ملك الي غرفتها دون الالتفات الي الخلف، وهي تشعر بالغضب الشديد من هذا الدخيل، وبالاخص أخيها.

اردف مراد بأسف:

_انت كنت بهزر، ماكنتش افتكر انها هتاخد علي خاطرها مني .

اردفت ناديه بإبتسامه:

_لا ياحبيبي انت ماعملتش حاجه، وبعدين مش طبيعتها دي علطول بتهزر مش عارفه مالها النهارده .

اردف مراد ناهضاً:

_حصل خير، واسترسل حديثه قائلاً:

_ طيب ياجماعه انا هستأذن، واعتذرولي من ملك .

اردف احمد سريعا:

_طيب ياسيدي هقولها مراد بيعتذر منك، بس خليك شويه معانا الوقت لسه بدري.

اردف مراد باابتسامه:

_معلش ياعمي الجايات كتير، بس عايز أمُر علي المستشفي في طريقي .

اردفت ناديه بحب:

_ربنا معاك ياحبيبي ويوقفلكوا ولاد الحلال انت ويامن قادر ياكريم.

اردف مراد باابتسامه:

_يارب ياطنط، استأذن انا؛ مع السلامه

ااردف احمد وناديه:

_مع السلامه في حفظ الله.

نهض يامن واردف:

_يلا هوصلك لتحت .

اماء مراد رأسه بهدوء واتجهوا الي الاسفل

(في الاسفل)

اردف يامن لمراد:

_مش عايزك تزعل من ملك، ملك طيبه اووي والله.

اردف مراد بضيق:

_مش عارف، بس كنت حاسس انها مش طايقاني

اردف يامن بسرعه:

_ابدا والله بس هي لسه مش متعوده عليك، ثم اكمل بضحك:

_استني انت لما تتعوض عليك هتقول ياريتها فضلت زي ماهي .

وفضلوا يضحكوا مع بعض

اردف مراد باابتسامه:

_ شكرا علي العزومه يايامن حسيت اني وسط اهلي

يامن ض*به علي قفاه واردف:

_ماانت وسط ناسك فعلا ولا كلامي غلط .

اردف مراد بتأييد:

_لا صح وصح الصح كمان، كفايه علينا كده انا همشي ويبقي نتقابل بكرة ان شاء الله مع السلامه.

اردف يامن بإبتسامه:

_ان شاء الله، سلام

وذهب كل منهم الي وجهته، يامن صعد للاعلي ومراوقاد سيارته وغادر.

.

_بالاعلي وتحديدا في غرفه ملك

ملك محدثه نفسها:

_انا مش عارفه ايه خرجني من الاوضه من الاول مش كنت اتخمدت اشرفلي، بس اقول فيكي ايه ياماما؛ وقلدت مراد(فاكر يايامن ملك لما ض*بت الواد) ياربي علي بروده .

فجأه دخل يامن واردف بضحك:

_ايه ده يالوكه انتي اتجننتي، بتكلمي نفسك .

اردفت ملك بزعل:

_لو سمحت ياابيه ماتكلمنيش انا مش بكلمك، وزعلانه منك بس كده .

يامن جلس بجوارها واردف بحزن مصطنع:

_لوكه زعلانه مني انا، ليه بقي

اردفت ملك بدموع:

_ علشان كنت بتتريق عليا انت وصاحبك .

اردف يامن بضحك:

_والله حاسس اني بتكلم مع عيل صغير، ثم اكمل بجديه:

_علي فكرة مراد كان بيهزر معاكي وهو زعل لما انتي دخلتي جوه حس انك زعلانه منه، وقالنا ياريت تعتذرولي من ملك.

اردفت ملك باانتباه:

_ هو قال كده

يامن بضحك:

_ ايوة هو قال كده، وبعدين ماتزعليش انا ماحبش اشوفك زعلانه ابدا والا مافيش شوكلاته تاني

اردفت ملك بسرعه:

_ مين قالك اني انا زعلانه اصلا وفضلت تضحك وقالت:

_شوفت انا بضحك ازاي مش زعلانه اهو .

اردف يامن بضحك:

_مفجوعه اووي كل ده علشان الشوكلاته

اردفت ملك بإبتسامه:

_ملك دي شوكلاته ياابيه .

اردف يامن سريعا:

_يعني انتي دلوقتي مش زعلانه من مراد

اردفت ملك بعد بتفكير:

_خلاص مش زعلانه

قام يامن بااحتضانه ثم نهض واردف:

_يلا نامي علشان الكليه وانا رايح اخلص شويه شغل وهنام، تصبحي على خير .

ملك باابتسامه:

_تلاقي الخير يارب.

*يامن أغلق الأنور وذهب .

اردفت ملك وهي تتثاوب بنعس:

_ياه سهرت أوي النهارده، يارب الحق المحاضرة الاولي؛ وفجأه قطع حديثها مع نفسها إشعاراً دليل علي وصول رساله علي هاتفها.

فألتقطت ملك الهاتف بتاعها وقالت:

_ايه ده رساله علي صراحه:-

" جميله تنافسين القمر، تشبهين نجمه عاليه في السماء،

الحُزن لايليق بكِ ياجميلتي"

اردفت ملك باابتسامه:

_ياترا مين اللي باعت الرساله دي، مش مهم بس بسطتني، ثم تركت الهاتف وذهبت في سباق مع النوم .

(في غرفه يامن)

اردف يامن وهو يحدث شخص بالهاتف:

_انت متأكد من ان ده رقم مامت فريده .

___: ايوة والله ياباشا انا تعبت اوي لحد ماجيبته .

اردف يامن بعصبيه:

_ وحيات امي لو الرقم ده غلط هبيتك في التخشيبه .

___:

_ياباشا انا ليا معارف في أوربا وهما اللي اتصرفوا وجابوا الرقم، اكيد مش هلعب مع الحكومه .

اردف يامن:

_لا جدع، تمام لو احتجتك هكلمك، وأغلق الخط .

وبعدها خلد يامن الي النوم، في ثبات عميق .

في صباح يوماً جديد

* في قصر محمود الأسيوطي:-

في احدي غرف القصر، توجد إمرأتين إحداهما لايوجد في قلبها سوي الحقد والشر تجاه الآخرين، والاخري قلبها يحمل الحب للجميع، لا تكره احد ولا تحقد علي احد .

اردفت فريال بكره:

_شوفي بنت المعقربه هتروح تتعلم في مصر، دول كأنهم ساحرينله الراجل، وانا المحروس ولدي لي سنتين بيسقط، بيشمت فينا اللي يسوي واللي مايسواش.

___:

_ماكفاياكي حقد عاد، ايه كل الكره اللي جواكي ده، واكملت قائله:

_ وبعدين هما مش ساحرينله يابت امي وابووي، هما ناس نضيفه من جوه مش زي ناس، وكمان بيعمله الخير لربنا، دي هاديه دي حته سكرة؛ ياريت معايا واد كنت جوزتهاله .

اردفت فريال بنرفزه:

_وه ياجميله، انتي مع مين يابنت ابووي مع اختك ولا مع الاغراب .

اردفت جميله برزانه:

_انا مع الحق؛ الحق وبس وبعدين انتي مش هتستفادي حاجه من اللي بتعمليها دي، هتبقي انتي اللي خسرانه في الاخر.

نهضت فريال بعصبيه واردفت:

_تفي من خاشمك، انا هبقي بس هبقي المستفادة وبس .

اردفت جميله بحزن:

_ انا تعبت منك، وحديدي معاكي لاهيقدم ولاهيأخر بس اللي عايزاكي تعرفيه انك انتي اللي هتبقي خسرانه في الاخر، انا ماشيه .

قبل ان تتجه الي باب الغرفه، اتهاهم طرق الباب

ذهبت جميله وقامت بفتح الباب، وجدت هاديه.

اردفت جميلة بحب:

_هاديه تعالي يابنيتي خشي .

اردفت هاديه بإحترام:

_تعيشي ياخاله بس جدي شيعني ليكي وبيقولك الغدا جاهز .

جميله بإبتسامة:

_حاضر ياحبيبتي انزلي وانا وراكي علطول .

*هاديه اماءت برأسها ونزلت للاسفل.

(علي السفره)

اردف الجد وهو ينظر لجميله:

_ كيفك ياجميلة يابنتي، وكيف البنات .

اردفت جميله بإحترام:

_بخير ياحج تسلم؛ بيسلموا عليك .

ردف االجد محمود:

_الله يسلمهم، اومال ماجيبتهمشي معاكي ليه .

اردفت جميله:

_المرة الجايه ان شاء الله زي ماانت عارف، حور الكبيرة خلصت أولي جامعه ومش عارفه بتاخد حاجه كده علشان تقويها علي النت والله ماانا فاكره اسمه ايه

اردفت هاديه بمقاطعه:

_ كورس ياخاله .

اردفت جميله بتأييد:

_ايوة هو ده الله ينور عليكي يابنيتي، والزغروضه الصغيره اللي رايحه أولي ثانوي، مجمعالنه العيال قدام العتبه بتحفظهم قرأن .

اردف الجد بفرحه:

_جدعان ربنا يحفظهم ويبارك فيهم يارب.

جميله:

_ اللهم امين يارب العالمين

اردفت هاديه بجب:

_ والله حواء دي قمر .

اردفت جميله بإبتسامة:

_والله مافيه قمر غيرك ياهاديه .

اردفت هاديه هاديه:

_تسلميلي يارب يا خاله.

فريال بحقد:

_ماخلاص كفاياكم عادي، يلا نتغدوا.

الجد:

_وانتي هؤمرينا ولا إيه يافريال .

فريال بخوف:

_ ابدا ياحج بس خوفت الأكل يبرد .

اردف الجد بسخريه:

_ أفتكر ثم اكمل؛يلا اتفضلوا ياجماعه .

((بعد الغدا))

اردف الجد:

_انا هقوم اريح في اوضتي شويه، هاتيلي ياساميه يابنتي كوبايه الشاي هناك

اردفت ساميه بااحترام:

_من عنيا ياعمي

نظر الجد لجميله واردف:

_البيت بيتك ياجميله

اردفت جميله بإبتسامة:

_تعيش ياحج .

*فجأه جيه صوت اول مرة نسمعه---

___:

_كده ياجدي طيب استني حفيدك، تتغدوا من غيري؛ انا زعلان .

اردف الجد بفرحه:

_ياسين ياولدي حمد الله على السلامة، نورت القصر .

&ياسين سعد الأسيوطي يبلغ من العمر 24عاما، ذو جسم رياضي وبشره قمحويه، وطوله مناسب، عصبي الي حد ما لكنه في نفس الوقت حنون جدا، متخرج من كليه الهندسه، جامعه( هارفارد)قسم معمار، ويحب جده واخوته كثيرا، ويحب أمه جدا لكنه، يبغض من تصرفاتها، ويعتبر هاديه اخته الصغيره .

ياسين ذهب الي جده وقبل يده واردف بحب:

_الله يسلمك ياجدي، القصر منور بيك وبوجودك .

اردف الجد:

_وماقولتش ليه ياولدي انك جاي كنا استقبلناك .

اردف ياسين:

_حبيت اعملهالكم مفاجئه ياجدي، يارب تكون مفاجأة حلوة .

فريال ذهبت بفرحه لابنها واحتضنته واردفت بإبتسامه:

_احلي مفاجأة، حمدلله علي السلامه ياقلب امك .

_ساميه وجميله، كل منهما قامت بإحتضانه وهو سلم عليهم بحفاوة شديده؛ والاتنين لهما مكانه خاصه لدي ياسين.

*وفجأه لقي حاجه قصيرة كده جريت عليه واردفت بحب:

_وحشتني ياابيه وحشتني قووي، قد البحر وسمكاته .

اردف ياسين بضحك:

_وانتي وحشتيني اوي ياهاديه، لسه قصيره زي ماسيبتك .

اردفت هاديه بتذمر:

_ياابيه طِولت والله، انت غايب ليك 5 سنين اكيد مش هتفتكر يعني .

اردف ياسين بضحك:

_تصدقي ممكن، وجهه نظر برده.

قاطعت كلامهم والدته(فريال):

_ كفاياكم حكاوي عاد

ووجهت كلامها لياسين:

_اطلع ارتاح وغير هدومك لحد مانحضرلك الوكل ياولدي .

ياسين وهو يمسك هاديه من احدي خديها واردف:

_هغير ونازلك؛ علشان تحكيلي كل حاجه وانا مش قاعد .

اردفت هاديه بفرحه:

_من عنيا الاتنين.

ياسين بتفكير:

_اه صح، اومال عا** فين .

اردف فريال:

_قاعده مع صحابه، لحد ماتنزل يكون هو جيه ياولدي .

اردف ياسين:

_تمام

* وصعد ياسين الي غرفته لكي يأخذ قسطاً من الراحه .

اردفت ساميه بفرحه:

_ والله نور البيت، ورجع روحه من تاني

اردف الجد محمود بإبتسامة:

_صح والله ياساميه ربنا مايغيبهم واصل، ثم تابع بحزن:

_ عقبال حفيدي الكبير ربنا يهديه، ويجي حتي يقعدله يومين لااكتر ولا أقل .

اردفت ساميه بحزن:

_ربنا يهديه ياعمي، انا هاروح اجبلك الشاى .

"الشعور بالاحباط شئ محتمل حدوثه، الجميع منا يأتي عليه وقت من الاوقات ينطفئ كل شئ أمامه، ويفقد رونقه، اشياءاً كثيره في بدايتها تشعر بالحماس والهمه تجاهها، ثم يآتي الاحباط سريعاً لكن الطَموح هو من يقاتل الاحباط ويبدأ من جديد"

(في قسم شرطه القاهره)

*في مكتب المقدم يامن العمري، كان يجلس علي مكتبه، وهو ينهي بعض الأعمال الهامه، فقاطعه طرق الباب فأردف بهدوء:

_اتفضل

اردف العسكري وهو يؤدي التحيه العسكريه:

_المأمور طالب سيادتك يافندم .

اردف يامن:

_تمام روح انت وانا رايحله .

ذهب يامن بإتجاه مكتب المأمور، وهو يتساءل ماذا يريد منه المأمور في هذا الوقت، ووقف عند الباب وطرق الباب بهدوء

_آتاه صوت من الداخل كموافقه علي الدخول .

اردف يامن بااحترام:

_ حضرتك طلبتني.

اردف المأمور بهدوء:

_اتفضل يايامن، انا هدخل في الموضوع علطول

يامن بإحترام:

_ اتفضل ياسمير باشا

&سمير الرازي مأمور قسم السادس من أكتوبر، يبلغ من العمر 58 عاما، يحب يامن نظرا للاجتهاده وحبه لعمله .

اردف سمير بجديه:

_انت ظابط كُفئ يايامن والكل يشهدلك بكده، وانا بعتبرك ابني؛ وماكنتش احب ابدا انك تتحط في الموقف ده.

اردف يامن بهدوء:

_ انا اسف يافندم؛ ممكن تدخل في الموضوع علطول .

اردف سمير بجديه:

_تمام يايامن، القضيه بتاعت الخاصه بقتل أسر القاضي وابنه

اردف يامن سريعا:

_مالها؟

اردف سمير بأسف:

_هيستلمها ظابط جديد .

هب يامن واقفاً واردف:

_ازاي يافندم انا تعبت اووي في القضيه دي بس المتهمه هربت، وانا ببذل قصاري جهدي علشان الاقيها، انا ماسبتش مكان اللي مادورت عليها فيه ومايأستش ومازلت بدور .

اردف سمير:

_ده قرار من الاداره؛ انا ماليش دخل فيه؛ واكمل بحزن: فيه حاجه تاني كمان .

اردف يامن بضيق:

_خير يافندم؛ ايه تاني.

اردف سمير بجديه:

_ انت اجازة 6 شهور ياحضرة المقدم .

يامن بعصبيه:

_

#يتبع