فريدة!!

البارت الرابع

يامن بعصبيه:

_ليه ؟ انا عملت ايه علشان الاداره تطلع القرار زي ده ، وازاي انت توافق علي كده .

المأمور بزعيق:

_اوعي تنسي نفسك ياحضره المقدم وشوف انت بتتكلم مع مين؛ انا الرئيس بتاعك، لتكون نسيت، يعني تتكلم بإحترام، ثم تابع حديثه وهو يؤشر علي الباب، اتفضل .

يامن:

_بس يافندم

سمير بمقاطعه:

_ولا كلمه ياحضره الظابط؛ والاهتتحول للتحقيق وفورا .

نهض يامن وذهب ب**ت شديد، وهو بداخله غضب العالم بأكمله، لو أخرجه لااحرق الأخضر واليابس .

"يكون تفكيرنا خاطئ تجاه شئ ما، ولكن عندما نقترب من هذا الشئ مرة اخري يتغير كل شيئاً بالكامل"

_كفايه ياهاديه انا قولتلك احكيلي اللي حصل في غيابي مش تقوليلي "رابحه اتجوزت الواد سعد والبت أمنه اتجوزت من فتحي" انا مالي بده كله، كلتي دماغي .

هاديه ببراءه:

_اخس عليك ياابيه ياسين مش انت اول مادخلت البيت قولتلي ايه، احكيلي ياهاديه اللي حصل انا وغايب، وانا حكتلك يبقي غلطت فيه ايه انا عاد .

ياسين بضحك:

_ياهاديه ياحبيبتي انا قولتك احكيلي، بس مش بالتفصيل الممل ده .

ساميه بضحك:

_ مش هتخلص منها ياياسين ياولدي، بتي وعارفاها زين،

يلا بينا الوكل جهز .

ياسين وهو ينظر الي هاديه قائلا:

_هاديه دي حبيبتي ثم تابع: اومال عا** مجاش ليه لحد دلوقتي !

_أنا هنا ياكبير

وأسرع اليه كي يحتضنه.

ياسين بضحك وهو يض*به علي قفاه:

_كنت فين وحشتني ياد .

عا** بفرحه:

_ وانت اكتر ياياسين ياأخوي، كلها دي غيبه !

ياسين:

_اديني رجعت وهتكون عوده بلا رجعه ان شاء الله، واكمل حديثه قائلاً:

_بس كبرت ياد ماعرفتكش، وهاديه كمان؛ اتغيرتوا قوووي.

عا**:

_فعلا وهاديه بقيت كيف القمر

ياسين شعر بالضيق من مغازلة أخيه الص**حه لهاديه

ياسين التفت لهاديه قائلا:

_طيب ياهاديه روحي انتي ساعدي مرت عمي في المطبخ.

هاديه:

_بس ماما خلصت خلاص .

ياسين بزعيق:

_وانا قولت ايه .

هاديه بخوف وهي تتجه للمطبخ:

_حاضر حاضر .

عا** التفت لااخيه:

_خليتها تمشي ليه ؟

ياسين يحاول الهروب من سؤال أخيه لاانهُ هو ايضاً جاهل للاجابه

_قولي حياتك ماشيه ازاي، كليتك وكده .

عا**:

_عادي مافيش جديد هي هي الحياه زي ماسبتني زي مالقيتني لسه زي ماانا، وانت عارف اني ليا سنتين بسقط في ام الكليه دي .

ياسين بااستنكار:

_طول عمرك فاشل مش عارف تخلص 4 سنين .

عا** بضحك:

_حتي انت! ده جدك ماسكهالي في الرايحه والجايه، حته كده وهيناديني بالساقط بدل من عا**، من وقت ماست الحسن رايحه تتعلم في مصر، انا مش عارف ايه اللي خلاه وافق بعد ماكان رافض .

ياسين:

_انا لسه ماعرفتش حوار تعليمها بس اللي اعرفه ان واحده شاطره ومجتهده زي هاديه تستحق أكتر من كده .

عا** بتريقه:

_ايوة طبعاً ومين يشهد للعروسه .

ياسين:

_قوم غور يلا من قدامي .

قاطع كلامهم دخول هاديه:

_احم العشي جاهز ياابيه .

ياسين نهض والتفت لهاديه قائلاً:

_جيتي في وقتك يابنتي والله، يلا .

(علي السفره)

الجد موجها كلامه لياسين:

_ها ياولدي ناوي تعمل ايه بعد ماخلصت تعليمك .

ياسين توقف عن الاكل وحدث جده قائلا:

_والله ياجدي انا قبل ماارجع وانا مخطط لكل حاجه ان شاء الله.

الجد:

_ها وناويت علي ايه ان شاء الله.

ياسين بإحترام:

_ده بعد إذنك حضرتك طبعاً ياجدي، قررت أأسس شركه معمار في مصر بإسم عيله الأسيوطي .

فريال شاهقه:

_ وه عايز تروح مصر وتهملنا ياولدي .

ياسين بهدوء:

_ياأمي وانتي يعني شوفتيني مهاجر يعني دي مصر بعيده عننا بكام كيلو، وبعدين ماانا هنزل إجازات كتير.

فريال:

_بس ياولدي

قاطعها الجد قائلاً:

_وانتي ايه دخلك في الحديد ده، لما الحريم تلقي الرجاله بتتحدد هي تقفل خشمها واصل؛ كلامي مفهوووم .

فريال: مفهوم ياحج .

الجد:

_يلا ياولدي بينا علي اوضه الجلوس نتحدد، ونظر لفريال:

_وانتي هاتيلنا القهوة هناك .

فريال:

_حاضر ياعمي .

(في غرفه الجلوس)

الجد:

_طيب ياياسين ياولدي، انت ضامن ان الشركه اللي هتعملها هتبقي ناجحه .

ياسين برزانه:

_ياجدي دي حاجه في علم الغيب، وربنا سبحانه وتعالي قادر علي كل شيء، وبعدين انا ليه اخترت قسم معمار بالذات ودرسته:

_لانه قسم مطلوب في سوق العمل، وكمان هناك في أمريكا بيقدروا مهنه المهندس قوي، وبالاخص المعماري.

الجد:

_ان شاء الله خير ياولدي وربنا يوقفلك ولاد الحلال، طيب هتجيب حته الارض اللي هتبني عليها الشركه في اي حته بالظبط .

ياسين:

_انا كلمت واحد صاحبي، دكتور كان معايا هناك في أمريكا يشوفلي حته ارض في 6 اكتوبر، وهكلم كمان ابن عمي يبقي يتابع مع صاحبي هناك .

*وقطع كلامهم دخول فريال بالقهوة:

_القهوه ياحج

الحج محمود:

_حطيها هنا ياام ياسين، وناديلي علي هاديه .

فريال:

_ليه ياحج ؟

الجد بعصبيه:

_وانتي مالك روحي ناديها من سكات .

فريال:

_حاضر .

بالخارج

ساميه بضحك:

_يالهووي ياهاديه هتموتني من الضحك،

ها كملي وايه حصل .

هاديه ببساطه:

_ ولا حاجه، وزقيتها في الترعه، زي ماعملتها معايا قبل سابق و..

قاطعهم صوت فريال محدثه هاديه بكره باطني:

_كفاياكي رغي اومال، وروحي اوضه الجلوس جدك عايزك .

هاديه بهدوء مستفز:

_ حاضر يامرت عمي الغاليه .

هاديه وهي تدخل الاوضه متحدثه بااحترام:

_خير ياجدي مرت عمي قالت انك طلبتني .

الجد:

_ايوة يابنتي؛ تعالي اقعدي جمبي .

هاديه:

_حاضر ياجدي .

الجد بهدوء:

_شوفي ياهاديه انتي مش هتروحي مصر .

هاديه بخضه:

"وجود الاهل بجانبك شئ ثمين فاهو دواء للروح قبل الجسد"

أنا مش عارف اتأقلم علي اي حاجه هنا من غيركم .

__: ايه انت مش شوفت حبيبه القلب بتاعتك اللي صدعتنا من الكلام عنها .

مراد:

_ شوفتها، سيبك من الموضوع ده دلوقتي، انا عايز اعرف انتوا امتي جايين، والله لولا يامن وأهله كنت طقيت .

&عزت العزايزي والد مراد يبلغ من العمر 57 عاما، يعيش في أمريكا منذ سنين هو وأسرته بعد أن حدثت معه حادثه جعلته يغادر البلاد من أشهر رجال الأعمال في امريكا، تظهر علي وجهه علامات الحزن، ولكن برغم ذلك هو رجلا عاقل ورزين وحنون جداً .

عزت:

_انا خلاص قررت اصفي كل شغلي في امريكا، وهاجي استثمر شغلي في مصر .

مراد بفرحه:

_بجد واللهِ ده احلى خبر يابابا توصل بالسلامه يارب، طيب اديني ماما اسلم عليها ولا الدكتورة فريده مش فايقالنا كالعاده .

عزت:

_هي فعلا مش فايقالك، في عيادتها؛ انا حاسس انكم هتتجنوا قريب من المرضي النفسيين اللي بتعالجوهم .

مراد:

_والله مافيه احلي ولا أجمل من الطب النفسي .

عزت:

_طيب ياحلو انا هقفل، معايا شغل كتير واتصل تمام، مش تنسانا زي عادتك يادكتور .

مراد بضحك:

حاضر يابابا مع السلامه

عزت:

_ سلام

وقف مراد وغادر مكتبه؛ للمرور علي غرف المرضي لكي يطمئن ان كل الأمور علي مايرام .

*فجأه وهو يمر علي احدي الغرف تفاجئ بسماع صرخات عاليه للغايه بإحدي الفرف القريبه منه، فدخل الغرفه وجد...

مراد بزعيق للمرضه:

_انتي ايه اللي بتعمليه ده .

الممرضه:

_دي مش راضيه تاخد حقنه المهدأ انا تعبت معاها يادكتور دي واحده مجنونه ومريضه وو

مراد بزعيق:

_انتي ازاي تقولي علي مريضه عندنا كده اتفضلي، انتي مرفوضه .

الممرضه بسرعه:

_يادكتور انا

مراد بغضب:

_ولا كلمه اطلعي بره

غادرت الممرضه الغرفه بغضب

ودار مراد بنظره في أنحاء الغرفه واذا بهِ يري فتاه، من يراها يظنها طفله بعمر ال 14 من عمرها تقطن في احدي اركان الغرفه .

مراد باابتسامه:

_تعالي ياحبيبتي قاعده بعيد ليه .

الفتاه نظرت لمراد قائله:

_انا مش مجنونه زي ماالست دي بتقول عليا كده؛ انا عايزة اخرج من هنا، هتخرجني ؟

مراد:

_طيب قربي، تعالي .

الفتاه:

_لا انت وحش زيهم كلكم وحشين زي عمو .

مراد:

_لا انا مش وحش انا دكتور حلو وانتي مش مجنونه، وإيه رايك بقي انا خليت الست الوحشه اللي كانت هتد*كي الحقنه تمشي، وهاجبلك واحده جديده احلي منها بكتير .

الفتاه بفرحه:

_ بجد

مراد بضحك:

_ جد الجد، قوليلي بقي انتي اسمك ايه.

الفتاه:

_ انا اسمي ريحان، واكملت بدموع:

_ماما كانت بتناديني رينو .

مراد باابتسامه:

_ طيب ياريحان او يارينو، انا همشي دلوقتي وهاجيلك تاني كتير، اتفقنا .

_اماءت ريحان برأسها وقالت:

_اتفقنا .

غادر مراد غرفه ريحان وهو يشعر بمشاعر لأول مرة يشعر بها وليس لديه اي تفسير لذلك .

مراد للممرضه:

_زي ماقولتلك خلي بالك منها يامدام سعاد واي حاجه تحصل تبلغيني اول بأول، تمام

مدام سعاد:

_ اللي تؤمر بيه يادكتور مراد .

مراد:

_ تمام كده تقدري تتفضلي .

وذهبت سعاد قاصده غرفت ريحان ورأت فتاه تظهر علي ملامحها البراءه والطيبه .

سعاد علي الباب وهي تحدث ريحان:

_ممكن ادخل

ريحان نظرت لسعاد لثواني وابتسمت، وسمحت لها بالدخول .

سعاد وهي تجلس بجانب ريحان:

_اذيك ياريحان عامله ايه ياحبيبتي .

ريحان نظرت لسعاد بإندهاش:

_ انتي عرفتي اسمي ازاي

سعاد بإبتسامة:

_من الدكتور مراد

ريحان بتساؤل:

_هو الدكتور مراد بيشتغل هنا، ليه مش بشوفه كتير في المستشفي ؟

سعاد:

_لا دكتور مراد هو مدير المستشفي وصاحبها، علشان كدا دايما تلاقيه موجود في مكتبه .

_امأت ريحان رأسها بالايجاب دليل علي فهمها

سعاد بإبتسامة:

_ايه رايك ننزل تحت في الجنينه ؟

ريحان بفرحه:

_هو ممكن .

سعاد بضحك:

_ ايوة طبعا

ريحان بإحراج:

_هو انا ممكن يعني، هو انا يعني .

سعاد بسرعه:

_قولي ياحبيبتي عايزة ايه ؟

ريحان:

_ هو انا ينفع اناديلك ماما ؟

سعاد بابتسامه فتحت ذراعيها واحتضنتها:

_طبعاً ياحبيبتي، من النهارده انا ماما سعاد وانتي بنتي الجميله "ريحان"

_ابتسمت ريحان بفرحه، وشعرت تجاه هذه المرأه بالارتياح والطمأنينه، مثلما كانت تشعر بوجود والدتها .

سعاد:

_يلا ننزل ياحبيبتي .

ريحان بسعاده:

_يلا

ونزلوا الي وجهتهم(الجنينه)

(في مكتب مراد)

كان يجلس علي كرسيه بمكتبه، فإذا هاتفه يص*ر رنين دليلاً علي وصول مكالمه ما .

_الو الو ابيه مراد ااانا ملك، ارجوك تعالي البيت بسرعه .

اردف مراد بفزع:

_خير ياملك حصل أيه ؟ قلقتيني .

اردفت ملك ببكاء:

_مافيش وقت اشرحلك، بس ابيه يامن جيه من بره وقافل عليه الاوضه، وبيزعق وصوت ت**ير وكملت ملك ببكاء:

_ارجوك تعالي بسرعه.

نهض مراد، وهو يلتقط مفاتيح سيارته واردف سريعاً:

_انا جاي حالا مسافه السكه، مع السلامه .

خرج مراد والقلق ينهش قلبه خوفاً علي صديق عمره، وقاد سيارته باأقصي سرعه ممكنه، تفادي الكثير من الحوادث، كل مايشغل فكره حالياً مالذي حدث ليامن ليدفعه الي فعل هذه الأشياء التي تحدثت عنها ملك، واخيرا فاق من تفكيره عندما وصل الي منزل يامن،

وصعد السلالم بأقصي سرعته ودق علي الباب بإرتباك .

فتحت ناديه الباب وقالت:

_مراد اهلا يابني .

دخل مراد والتفت لناديه:

_ خير ياطنط يامن ماله ؟

ناديه بحزن شديد:

_والله ماانا عارفه حاجه يامراد، جيه من بره ومن وقتها وهو قافل عليه الباب .

مراد بسرعه:

_ طيب ياطنط انا هدخله .

ناديه:

_ تمام ياحبيبي ادخله، وانا هاروح احضر لك القهوة .

مراد اومأ برأسه بالايجاب وتركها وذهب قاصدا غرفه صديقه .

مراد بإستغراب:

_ ايه ده قاعده عندك ليه ياملك ؟

ملك بدموع:

_من بدري واقفه قدام الاوضه وهو مش راضي يفتحلي، والصوت كمان بطل انا خايفه تكون حصلتله حاجه .

مراد بشفقه:

_متخافيش ان شاء الله كل حاجه هتبقي تمام، روحي انتي استريحي في اوضتك؛ وانا هدخله .

ملك برفض:

_ لا طبعا انا يستحيل امشي واسيبه انا هفضل هنا .

اردف مراد بيأس:

_ع**ده .

والتفت مره اخري الي الباب وظل يطرق الباب بقوه

_لارد

اردف مراد مرة اخري بصوت عالي:

_افتح يايامن انا مراد

_لارد

اردف مراد بزعيق:

_ افتح يايامن ولا ه**ر الباب .

_فتح يامن الباب ووجهه يع** آثار الحزن الذي يمر بهِ .

وعندما فتح الباب ركضت ملك عليه بأقصى سرعته وحضنته وظلت تبكي وتحدثت بشهقه:

_ لو سمحت ماتعملش كده تاني، قلقتني عليك كنت ميته من الرعب عليك .

اردف يامن بحنيه وهو يضع يده علي شعرها بحنان:

_حقك عليا ياحبيبتي، انا كنت مضايق شويه، اسف اني خليتك تقلقي عليا .

اردفت ملك وهي تنظر اليه:

_ماتتأسفش اياً كان اللي حصل معاك ماتعملش كده تاني

اردف يامن بإبتسامة:

_حاضر ياحبيبتي .

اردفت ملك بضحك:

_طيب بمناسبه الضحكه الحلوة دي، هااروح اعملكم احلي عصير منجا .

وذهبت ملك...

اردف مراد وهو يجلس علي احدي الكراسي:

_ايه اللي حصل يستاهل تعمل كده وتقلقنا عليك دي اختك ومامتك، كانوا هيموتوا من الخوف عليك، وماتكدبش عليا .

اردف مراد بحزن:

_انا بعد التعب والخدمه اللي قدمتها للإداره، يسحبه مني القضيهْ لأ والادها من كده، متوقف عن الخدمه 6 شهور .

اردف مراد بصوت حزين علي صديقه:

_أنا عارف انت بتحب شغلك قد ايه ومتعلق بيه بس

الحمد لله علي كل حال، وبعدين قولتلك اللي عملته ده غلط، بس انت اللي اصريت .

اردف يامن بت**يم وهو ينهض:

_ولسه انا عند موقفي، وايه يعني متوقف هدور علي القاتل وهجيبه .

اردف مراد بزعيق:

_انت عايز تودي نفسك في داهيه، خلاص سيبك من القضيه دي، ورجع كل حاجه زي الاول .

ارد يامن بالامبالاه:

_ولا حاجه هترجع زي الاول غير لما اخلص من ام القضيه دي، وانا ياهي .

واكمل حديثه مسترسلا:

_يلا بينا بره، زهقت من القعده.

اردف مراد بيأس من صديقه:

_يلا.

ودخلت ملك ورأت يامن يلبس الحذاء فنظرت اليه قائله:

_انت طالع ولا إيه ياأبيه .

اردف يامن وهو ينهض ويقبلها من خدها:

_اه ياحبيبتي عايزة حاجه .

ملك وهو تؤشر علي ماتحمله:

_طيب والعصير .

اردف مراد بهزار:

_اشربيه انتي يالوكه؛ يلا يا يامن .

اردف يامن وهو ينظرلها:

_سلام يا لوكه.

حدثت ملك نفسها: بارد ودمك تقيل (قاصده مراد)

وذهب يامن برفقه صديقه، الي وجهتهم

"الجميل عندما تفتح الحياه ابوابها، واقفه لااستقبالك باابتسامه رائعه، لتمنحك كل أنواع السعاده"

اردفت هاديه بخضه:

_يعني ايه ياجدي مش هروح مصر .

تفوهت هاديه بهذه الكلمه، وشعرت وقتها ان قلبها سوف يخرج من مكانه وروحها ستخرج الي خالقها، منتظره رد الجد .

اردف الجد وهو يض*بها بالقفا:

_طب استني لما اكمل كلامي.

اردفت ملك بقلق:

_حاضر ياجدي، اتفضل .

اردف الجد:

_أقصد بما انك رايحه تكملي علام في مصر، وياسين هيفتح شركه هناك؛ شركته وقتها هتكون خلصت لحد ماالدراسه تبتدي، هتروحي معاه .

اردفت هاديه بعد فهم:

_تقصد ايه ياجدي مش فاهمه .

اردف ياسين بهدور:

_ثواني ياجدي هفهمها، والتفت الي هاديه:

_جدك يقصد انك بدل ماتروحي مصر وحدك، ومصر زحمه، هتروحي معايا اول السنه الجديده .

هاديه بغباء:

_ وه ياجدي تقصد اني هعيش انا وياسين لحالنا .

ياسين وهو يض*بها علي قفاها:

_انتي غ*يه ليه كده ياهاديه؛ جدك يقصد اني هوصلك واكلمك لاأخوكي الدكتور .

هاديه وأخيراً فهمت: ايوة طيب وماقولتش كده من الاول ليه ؟

الجد وهو يمد عصاه في وجهه هاديه:

_اطلعي يابت المحروق من قدامي .

هاديه جريت من أمام جدها وهي تضحك بشده .

ياسين بضحك:

_طيب ياجدي انت رايح انام مش قادر اقعد من كده، تؤمرني بحاجه .

الجد باابتسامه:

_الامر لله ياولدي؛روح تصبح على خير .

ياسين:

_وانت من اهل الخير ياجدي .

"عندما تحدث معك اشياء غير سعيده بالمرة لا تأتي وتحمل الآخرين ذنب مايحدث معك"

___:

_من وقت مادخلت حياتي، وانا واقع في المصايب من فوقي لتحتي، وكل ده من تحت راسك، انا مش عارف اللي بعمله صح ولا غلط .

فريده:

_ااانا اسفه، ماكنتش اعرف انك هيحصلك كل ده بسببي، انا.

اردف الشخص بصراخ:

_انتي ايه مش عايزة اسمع منك ولا كلمه مفهوووم ؟

اردفت فريده ببكاء مكتوم:

_مفهوووم

وتركها الشخص، والغضب ي تطاير من عينيه .

فريده سقطت ارضاً وحدثت نفسها ببكاء:

_ ليه بيحصل معايا كل ده، ليه اي حد بقرب منه بيروح، حتي الشخص اللي بيحاول يساعدني؛ دخلته في مشاكل بسببي، انا قربت احس اني انا منبوذه، ولا حاجه حلوة بتكلمي، امتي يارب هاخد نصيبي من السعادة؛ والفرح انا تعبت والله العظيم تعبت، يارب انا مش معترضه علي قضائك، هون يارب .

وظلت فتره ليست بقليله مع احزانها، التي لم تنتهي بعد

هل سيأتي يوما وتزووها السعاده للأبد.

(في غرفه يامن)

اردف يامن بتفكير:

_أنا لازم اتصرف ماانا مش هفضل مكاني كده بتراجع مش بتقدم .

وهب واقفاً، كأنه تذكر شيئاً ما .

يامن بتذكر:

_انا ازاي راحت عن بالي ونسيت رقم التليفون بتاع والده فريده، بس انا سندته فين.

*قلب يامن السرير والقي الخديات والادراج واحيراً وجده

وامسك هاتفه وضغط علي الرقم، واردف بهدوء:

_الو؛ معايا دولت هانم .

دولت:

مين معايا ؟

اردف يامن بهدوء:

_انا المقدم يامن ماسك قضيه بنت حضرتك فريده.

اردفت دولت بصدمه:

#يتبع