PALAKAD-LAKAD si Chelle sa kanilang silid at hinihintay pumasok si Leon. Natanaw naman nito sa balcony na nasa pool pa rin sila Leon at mga kapatid nito na nag-iinuman. Kaya hinayaan na lang muna nito ang asawa lalo na't dama din naman niyang nasasaktan ito at naiipit sa sitwasyon nilang katulad ni Chelle ay hindi ginusto.
Napahaplos ito sa kanyang tyan na maramdamang gumalaw ang anak. Nangilid ang luha nitong napaupo sa gilid ng kama na hinahaplos-haplos ang umbok nitong tila sumasagot. Bawat galaw ng anak nito ay parang hinahaplos siya sa puso at unti-unting napapagaan ang bigat sa kanyang dibdib.
"Anak, kumusta ka d'yan? Napagod ba kita dahil sa pag-iiyak ni Mommy?" pagkausap nito sa anak sa sinapupunan.
Mapait itong napangiti na namumuo na naman ang luha sa mga mata na mahigpit n
