NANGINGITI si Leon habang sakay ng wrangler jeep nito ang asawa at dalawang kapatid na nililibot sa kanilang barangay.
Kahit probinsyang probinsya ang dating ng lugar nila ay maganda dito. Tahimik din na malayong malayo sa syudad na magulo, maingay, matao at kaliwa't kanan ang mga sasakyan.
Dito sa probinsya nila ay mangilan-ngilan lang ang sasakyan. Madalas ay tricycle, motor na habal-habal o jeep lang ang nandiditong transportation. Abala ang mga tao sa maghapon sa kani-kanilang sakahan. Ang ibang kababaihan ay nasa palengke nagtitinda. Kaya naman hindi masyadong matao sa maghapon dahil lahat ay nagsusumikap sa paghahanap buhay.
"Ang ganda dito, Kuya." Ani Noah habang naigagala ang paningin sa pinuntahan nilang ilog.
Inalalayan naman ni Leon ang asawa na tumuntong sa malaking bato
