NANGANGATAL si Noah na panay ang lunok. Namamanhid na rin ang kaliwang binti nito na nakatapak sa landmine na maingat na hinuhukay ng Kuya Delta nito ang palibot ng bomba. Maging si Delta ay kinakabahan na rin at naliligo ng pawis. Isang maling galaw lang kasi nilang magkapatid ay tiyak na sabay silang ibuburol!
"Noah, kontrolin mo ang paa mo. Nanginginig na," saad ni Delta na naka-focus sa ginagawang maingat na paghuhukay sa paligid ng bomba.
"K-kuya. . . namamanhid na ang paa ko. M-mamamatay na ba tayo?" nanginginig maski boses nito.
"No. Don't say that. I-relax mo lang ang isip mo para kumalma din ang katawan mo."
"How?"
Napahinga ng malalim si Delta na tiningala itong hinawakan sa kamay ang kapatid na napatunghay. Nakalarawan ang takot sa mga mata ni Noah na mangiyak-ngiyak na ang
