PARANG binuhusan ng nagyeyelong tubig si Chelle na matauhan ito at napabitaw sa marubdob nilang halikan ni Leon! Namumungay ang mga mata nitong nagtatanong na katulad ni Chelle ay naghahabol hininga. Gumapang ang kakaibang init sa mukha ni Chelle na nag-iwas ng tingin dito.
"L-lumabas ka na nga," kulang sa diing saad nito.
Pilit ngumiti si Leon na napapisil pa sa baba nitong pinagsalubong ang mga mata nila.
"Leon, ano ba?" mahinang asik nito.
Pero tila walang naririnig ito na mabilis siyang hinagkan sa mga labi sabay kindat na natulala si Chelle at hindi makaangal sa kanya.
"Fine. Sa labas na muna ako, sweetheart. I love you," pagpapabebe pa nito na may matamis na ngiting nakaukit sa mga labi.
Naiiling na lamang si Chelle na napasunod ng tingin ditong lumabas ng banyo. Pasipol-sipol
