Kaagad kong sinabi sa mga tita ang pagtawag ni Amy sa akin. Habang nasa sasakyan ako kasama si Cassi ay hindi ako mapakali. Nasa Florence na kami at papunta na sa ospital na sinabi sa akin ni Amy. Hindi ako makapaniwala, ang tindi ng takot sa aking dibdib. Ang aking mga mata ay patingin-tingin sa cellphone na hawak ko. Sinabi ko kay Amy na agad ay pupuntahan namin sila ng Tita Amor, tinanong ko kung may kailangan ngunit hindi ko makausap ng maayos dahil sa pag-iyak. Mas lalong tumindi ang pag-aalala na aking nararamdaman. Bakit ganito ang mga nangyayari?
"Tita... D-Diyos ko po..."
Tumunog ang aking cellphone at nakita ko sa screen ang pangalan ni Tita Marjorie. Binuksan ko ang mensahe. Pinag-iingat nila kami. Alalang-alala rin sila. Panay ang tawag at text sa akin.
Nang malaman ko ang
