Katulad ng sinabi nila Riss at Cassi sa akin ay nagpahinga ako. Hindi nila ako pinauwi sa apartment ko at nanatili ako sa may hotel na tinutuluyan ni Cassi. Hindi daw makabubuti sa akin na bumalik sa apartment ng walang kasama dahil tiyak na hindi ako makakatulog at makakapagpahinga dahil maiisip at maiisip ko si Cai.
Pero kahit saan naman... k-kahit saan ako makarating ay nasa puso at isipan ko siya. Kahit dito sa lugar ni Cassi ay nakikita ko ang imahe niya.
"We lack of informations about Cai and Riss can't report him to the police. Ngunit ang Tita Amor ay naireport na. Huwag kang mag-alala, Lili. Mahahanap natin silang dalawa, ha?" ibinaba ni Cassi sa aking harapan ang umuusok na gatas.
Tumango ako sa kaniya, wala akong lakas para isaboses ang aking pasasalamat sa kanila. Simula nang
