Maria Lizianna
Nakangiti ako at patingin-tingin sa aking cellphone habang isinasalin ang aking iniluto sa lalagyan. Pauwi na raw si Cai. Siguradong sakto lang itong paghahain ko sa pagdating niya. Naghanda na rin ako ng damit niya pamalit, tiyak na maliligo muna iyon sandali bago siya matulog.
Ibinaba ko sa lamesa ang pagkain, umuusok pa dahil sa init ang ulam at kanin. Nagtingin na rin ako sa ref kung ano ang inumin, hindi ko pala naitanong si Cai kung ano ang nais niya pero siguro ay pagdating na lang.
Pagkahanda ko ng mga pagkain ay kinuha ko ang aking cellphone at tinungo ko ang aking silid para magpalit ng pang-itaas na damit. Sabi ko kay Cai ay tatawag ako sa kaniya pagka-tatlong oras ay wala pa siya at ngayon nga ay magtatatlong oras na. Pero, sinabi naman niya sa akin na pauwi n
