"Mukhang hindi mo muna kinilala ang lalakeng ito, dalaga namin. Kumandong ka agad, eh. Pero hindi kita masisisi kasi ang gwapo, yummy. Tingnan mo iyong biceps, rawr."
Kanina pa nag-iinit ang aking mukha at tainga sa hiya na nararamdaman sa mga ibinubulong sa akin ni Tita Gemini. Mabuti na lang at mahina lang niyang sinasabi ang mga iyon sa akin dahil baka lumubog na ako sa hiya kapag narinig pa iyon ni Cai.
Ang totoo ay nawala rin ako sa aking sarili kanina at nadala ng aking damdamin.
“Lizianna…”
Paanong hindi? Sa tuwing magsasalita siya at babanggitin ang pangalan ko ay si Sancho ang pumapasok sa isipan ko.
"Ang pangalan mo ay Cai at pinalayas ka sa inyo? dito ka ba nakatira sa Italya talaga? nagtatrabaho ka ba dito? OFW ka ba katulad namin? may asawa ka na? girlfriend? may anak--
