"ANO ba ang nakain ninyong lahat at basta na lang kayo sumulpot? Hah! Ayan, tuloy. Imbes na masaya ang pagsalubong ng abuela at abuelo ninyo ay hindi na." Nakasimangot na pinaglipat-lipat ni Santiago ang paningin sa mga pamangkin at limang anak.
And, yes!
Ang mga biglang sumulpot ay ang mga pamangking nanggaling pa yata sa Korea. Dinaanan ang mga pinsan sa Espanya. Kaya't nandoon ang lahat.
"Uncle, kaya nga po surprise. Kaya't huwag ka pong magalit. Dahil matagal-tagal na naming pinagplanuhan ang bagay na ito," pahayag ng step-son ng Ate Bianca Isabella niya.
"Thirdy, anak, hindi naman ako galit. Nais ko lang kayong paalalahanan ng mga pinsan mo. Dahil may edad na ang Mommy at Daddy. Ang ibig kong sabihin ay kung maaari ay iwasan ninyo ang bagay-bagay na maari nilang ikagulat. By the w
