KINALMA ni Alessandra ang sarili. May misyon siyang dapat isakatuparan. Nakita niyang tumayo rin ang apat na bodyguard nito. Kaswal na ipinagpatuloy niya ang pagpunta sa ladies room at pinigil na ang sarili sa kagustuhang lingunin si William. Mas mauuna siyang makakarating roon. Napag-aralan na niya ang lay-out ng restaurant. Ang comfort room ay nahaharangan ng malaking pader para hindi iyon masyadong lantad sa mga parokyano. Sa likod ng pader ay isang malaking salamin. Magkatabi ang dalawang pinto na para sa mga babae at mga lalaki.
Pumasok siya sa pinto na para sa mga babae. Walang karahasan at kaduda-dudang magaganap, iyon ang gusto ng kliyente. And Alessandra will deliver, she always deliver. Pumikit siya at pilit iwinawaglit sa kanyang isipan si William. Binuksan ng dala
