Thalia's POV
Kanina pa ako gising pero heto ako at nakatulala lang sa kisame habang iniisip ang mga nangyari kahapon. Pati ang tungkol sa tunay na relasyon ni Lucas kay Kristof ay patuloy pa din gumugulo sa isipan ko.
Hindi pa din ako handa sa magiging reaksyon niya kung malaman niya bigla na isa na pala siyang ama. Napapikit ako ng mariin.
Kung paiiralin ko ang pagiging isang ina, gusto kong mapabuti ang kinabukasan ng anak ko pero natatakot pa din ako na baka hindi niya tanggapin si Kristof o hindin naman kaya ay ilayo niya sa akin ang anak ko.
Biglang binundol ng kaba ang puso ko sa kaalamang malalayo sa akin ang anak ko. Napaupo ako at mabilis na dumiretso sa kwarto ng anak ko.
Nilapitan ko ito na halatang kagigising lang at pupungas-pungas pa.
"Magandang umaga sa prinsipe ng buh
