كيرفي( مكتمله)

2

#كيرفي

البارت ٢

?الحمدلله عدد ما كان وعدد مايكون وعدد الحركات وعدد السكون ?

?نرجع لذكريات سجده في مرحله الثانويه

ولاء كلمت عاطف في التليفون بحجه انها بتفهم حاجه في الدروس ومش فاهمه .

ولاء: اه فهمت يا عاطف.. شكرا.

عاطف: العفو ... لو عايزه الملزمه خديها كمان

ولاء: لا . كده فهمت. قولي بقي عامل ايه

عاطف: كويس الحمد لله

ولاء: مصطفي صاحبك عامل ايه.

عاطف: كويس برضو

ولاء. : عاطف هو مصطفي بيحب

عاطف: اه .. ليه

ولاء: اصل سمر بتحبه اوي. وكانت بتعيط. وانا قولت اسالك واتاكدمنك

عاطف : هو فعلا بيحب واحده .

ولاء: هي مين معانا ولا منعرفهاش

عاطف: وانتي عايزه تعرفي ليه

ولاء : عادي يا عاطف. فيها ايه هو سر حربي

عاطف: بيحب سجده

ولاء بصدمه : ايه. ? بتهزر

عاطف: والله ما بهزر بيحب سجده فعلا

ولاء: ماشي . سلام عشان ماما بتنادي عليا

قفلت ولاء مع عاطف وكلمت سمر ...

ولاء: بت ياسمر عرفتلك مصطفي بيحب مين.

سمر: قولي بسرعه

ولاء: امسك نفسك

سمر: متهزريش اتكلمي

ولاء: بيحب سجده

سمر: بطلي هبل

ولاء: اقسم بالله

سمر: سجده اابت اللي شبهه الفيل دي .بيحبها علي ايه.

ولاء: معرفش انا اتصدمت

سمر: والله لهوريها

ولاء: هتعملي ايه

سمر: بكره هتعرفي انا هكرها في عيشتها

ولاء: اهدي يا بت

سمر: بقي يرفضني انا عشان البت دي.

قفلت سمر وهي بتستحلف لسجده .

سجده كانت في بيتها بتذاكر. وبعدين اتعشيت ونامت .

صحيت الصبح لبست وخدت مصروفها وعدت علي شروق صاحبتها وراحت المدرسه معاها ..

سمر كانت واقفه في المدرسه منتظره سجده . ازل اما شفتها حريت عليها زقتها جامد ووقعتها في الارض. والبنات كلها ضحكو عليها. شروق مسكت ايديها وقومتها من ع الارض .

سجده عيطت عشان ات**فت والبنات كلها بتضحك عليها

سمر : قومي يا دبدوبه من ع الارض

شروق : انتي قليله الادب

سمر: متدخليش انتي

سجده جريت علي الحمام وهي بتعيط ومحرجه من منظرها.

مسكت بطنها وفضلت تصوت . شروق جرت وراها وشافتها وهي بتعيط وماسكه بطنها خافت عليها وودتها لدكتوره المدرسه. ادتها مسكن بس الوجع مرحش ..

اداره المدرسه كلمت بابا سجده . جه بسرعه وخدها وودها البيت .

ام سجده : يابنتي مالك بس

سجده بتعيط ومش بترد علي حد ..

ابو سجده : بليل وديها للدكتور نطمن عليها

ام سجده : ماشي . ربنا يستر

سجده نامت من كتر العياط . وشروق بعد المدرسه راحت بيت سجده تطمن عليها.

شروق: طنط سجده كويسه

ام سجده : نايمه يا بنتي. معرفش مالها.

شروق: بصراحه يا طنط في بنت في المدرسه زقتها والبنات ضحكت عليها وهي ات**فت وعيطت . وبعدين مسكت بطنها

ام سجده : بنت مين دي . قوليلي هي ساكنه فين وانا هروح لمامتها

سجده خرجت علي صوتهم : متروحيش في مكان . انتم السبب. البنات كلها بتضحك عليا وبتتريق عليا. بسببكم . ده حتي ابسط حاجه مش بتخلوني اعملها

ام سجده : البنت دي لازم تتربي

سجده : اه هتروحي تقولي لمامتها وهي تتريق اكتر ويفضلو يتريقو عليا اكتر . مش هتسبني

ام سجده سكتت . وشروق خدت سجده ودخلت اوضتها

شروق : انتي تعبانه لسه

سجده : انتي بتحكي لماما ليه

شروق : لازم حد كبير يدخل

سجده بدموع: لا . انتم كلكو بتكرهوني انا مش عايزه حد

شروق : سجده.

سجده بدموع : متكلمنيش. ابعدي عني .

خرجت شروق وهي بتعيط علي حاله صحبتها ...وسجده مسكت بطنها وصوتت . ام سجده خدتها علي دكتوره باطني .وكشفت عليها.

الدكتوره: عندك قولون عصبي.

ام سجده : القولون يعمل فيها كده

الدكتوره :اه يعمل كده . بس الظاهر ان في حد مضايقها

سجده بصتلها بحزن وسكتت .

ام سجده : البنات في المدرسه بيضيقوها ويتريقو عليها

الدكتوره : اممم. قولتيلي . تعرفي يا سجده ان ده اسمه تنمر

التنمر هو شكل من أشكال الإ***ة والإيذاء . انا كمان كانو بيتمرو عليا في المدرسه عشان كنت رفيعه جدا. ويفضلو يتريقو ويضحكو . بس انا كنت قويه . انا عايزاكي كمان تكوني قويه وتقفي في وشهم . عشان لازم تحربيهم لو سكتي هتباني ضعيفه حبي نفسك عشانك انتي تستاهلي الحب.

سجده بدموع : بيقولو عليا دبدوبه. وكمان بشنب

الدكتوره : ام سجده مش عيب لو عملتلها وشها هي انسه دلوقتي مش صغيره . اما التخن فممكن تخسي عشان صحتك. ولو حبه جسمك كده فانتي كيرفي . حبي نفسك في اي شكل. انتي فعلا جميله وتتحبي . ربنا خلقنا جميلات. كل خلق الله جميل . نحمده ونشكره ونحب نفسنا صح

سجده : صح .

ام سجده خدتها من عند الدكتوره علي الكوافير عملتلها وشها .. سجده كلام الدكتوره ادها دفعه لقدام عشان تحب نفسها وتغير من نفسها.

قعدت يومين في البيت في البيت وكانت بتفكر في شروق اخر مره اتعصبت عليها بس نفسيتها كانت تعبانه

تالت يوم راحت لشروق بيتها وجابتلها شوكولاته من اللي بتحبها خبطت عليها وفتحت مامت شروق سلمت ودخلت لشروق

سجده : شوشو

شروق : عايزه ايه

سجده : ايه ده انتي زعلانه

شروق: والله . انتي مش زعقتي

سجده : ده انا جيبلك شوكولاته

شروق ابتسمت: مش عايزه حاجه منك

سجده حضنتها : متزعليش مني . انا كنت تعبانه ومخنوقه . انا اسفه

شروق: مش زعلانه علي فكره. انا بس كنت بتقل عليكي. هاتي بقي الشوكولاته

سجده : لا.

شروق : يا رخامه.

اديتها الشوكولاته وهزرو مع بعض كتير وبعدين سجده رجعت بيتها وهي فرحانه انها صالحت انتيمتها

تاني يوم راحت المحاضره. .. مصطفي ابتسم اول اما شافها

مصطفي : سجده عامله ايه

سجده : الحمد لله. انت عامل ايه

مصطفي : الحمد لله. بخير

سجده : المستر جه

مصطفي: لسه

سجده : اممم . طيب.

شروق جت وخدتها ودخلت المحاضره .. سمر شفتها واتعصبت واتفقت مع ولاء عليها ..

ولاء: دبدوبه التخينه

سجده ضحكت مع شروق وطنشتها.

سمر: مش سامعه

سجده : سامعه ايه

ولاء: مش بنادي عليكي

شروق: لا

سمر: قالت دبدوبه التخينه

مصطفي كان سامعهم وقف معاها: ما تلمو نفسكم بقي وله هي عشان محترمه انتم بتستهبلو فيها . لو ضيقتوها تاني هقول للمستر

مصطفي لسجده : تعالي اقعدي هنا انتي وشروق. عيله تنحه اصلا هي وصاحبتها. متزعليش

سجده : مش زعلانه . شكرا يا مصطفي

مصطفي : العفو

سمر بقي كانت كرهها لسجده بيزيد مع الوقت. وكانت بتفكر في حاجه تخلي مصطفي يكرهها