كيرفي( مكتمله)

3

#كيرفي

بارت٣

?اللهم صلي وسلم وبارك علي سيدنا محمد وعلي اله واصحابه اجمعين?

الايام بتعدي ومصطفي بيحاول يقرب من سجده بس هي مانعه الكلام معاه الا في اضيق الظروف . والرد علي قد السؤال بس. ودي اكتر حاجه كانت بتعجبه فيها ... سجده ابتدت تهتم بلبسها عشان نفسيتها وتكون واثقه من نفسها . وشروق كانت بتشجعها وماكتها فهمت انها بنت ومن حقها انها تهتم بنفسها زي البنات بس كانت بتخاف من بابها عشان طبعه كانت قاسيه وجد اوي. ..

سمر غيرتها زادت من سجده خصوصا انها كانت بتحاول مع مصطفي وخدت رقمه وبتكلمه في التليفون وهو كان بيصدها... . ....... ...

في يوم كان في درس في بيت سمر وكان لازم سجده تحضر وشروق عشان كانو غايبين في شرح الدرس ده في المحاضره. واما عرف مصطفي من عاطف انهم رايحين كلم الاستاذ وقاله انه يحضر معاهم عشان مفهمش الدرس ده ..

.. سمر كانت اتفقت مع ولاء. انهم يعملوها الادب ...

? كان في اخ لسمر كبير وده كان عيل رخم ومن العيال اللي بتشرب ومش كويس.

??قبلها اتفقت سمر مع اخوها انه يكون في البيت اليوم ده ..

سمر : رامي. في بنت معايا في المدرسه مش كويسه

رامي: مش كويسه ازاي

سمر : بتاعت شباب وكمان ادت رقمي لولد بتكلمه وانا عايزها اعلمها الادب

رامي : هاتي رقمها وانا هرازي فيها لحد اما تكره نفسها

سمر: لا هي هتيجي بكره الدرس وانا عايزه اربيها

رامي : انا هد*كي حبايه تحطيها في العصير وتشربها وانا ه**رك عينها عشان تحرم ترفع عينيها فيكي تاني

سمر: حبيبي يا رامي.

?وجه يوم الدرس. والمدرس خلص الدرس بتاعه ومشي .

ولاء : شروق تعالي عايزاكي تصوري الورق الدرس.

شروق: اه ماشي. يلا يا سجده

سجده : يلا

مصطفي : وانا جي معاكم عشان الورق بتاعي ضاع

سمر : طيب انزلو انتم وانا هنقل من سجده حاجه من الكشكول بتاعها

سجده : خوديه وهاتيه بكره المدرسه

سمر: هما خمس دقايق لحد اما يخلصو تصوير

سجده بصت لشروق .. وشروق اتوترت بس مع زن ولاء وسمر نزلو وسابو سجده مع سمر.

اديتها العصير. وسجده مكنتش مطمنه مشربتش حاجه .

تحت في الشارع ولاء خدت شروق ومصطفي لمكتبه بعيده ..

مصطفي : في ٣ مكاتب عدو اشمعانه دي

ولاء: اصل تصويرهم وحش اوي

شروق بصت لمصطفي. ومصطفي قلقه بيزيد حاسس انه مش مرتاح وفي حاجه

?خرج رامي وهو عينه علي سجده ومن بصته سجده اتوترت حاولت تقوم بس سمر قفلت الباب بالمفتاح.

رامي : بقي انتي بقي البت ***** .

سجده بدموع :ايه اللي انت بتقوله ده. كده عيب

رامي : انتي شوفتي العيب . ده انا ***** .

سجده شهقت وصوتت بصوت عالي اما لقت رامي بيقرب عليها اكتر.

. جريت في الشقه بتحاول تهرب وسمر واقفه بتتضحك عليها. ورمي شدها من البلوزه اتقطعت بس هي قدرت تهرب منه. كمل وشدها من الحجاب والدبوس جرح رقابتها . بس هي ض*بت وقامت بسرعه وهي بتصرخ عشان حد ينقذها

? في الشارع

شروق : مصطفي انا مش مطمنه. انا هرجع لسجده وانت صور الورق

مصطفي : انا كمان راجع معاكي. البت سمر وولاء مش مريحين احنا غلطانين من الاول اننا سبنا سجده

?شروق ومصطفي سابو ولاء ف المكتبه ورجعو في طريقهم علي البيت عند سمر .

ولاء خرجت ملقتهمش .اتصلت بسرعه بسمر عشان تقولهم .

في الوقت ده سجده كانت حالتها صعبه الخوف والرعب متملكين منها وحاسه انها هتموت. رامي بيحاول يتعدي عليها وهي بتصرخ باعلي صوت عشان حد ينجادها

مصطفي و شروق وصلو الشقه عند سمر وبيرنو الجرس

شروق: انا سامعه صوت صريخ . ممكن تكون سمر بتض*بها

مصطفي برغم من صغر سنه وقتها بس كان راجل. فضل يخبط جامد برجله وايده وبيض*ب الجرس بجنون وشروق بتصرخ انهم يفتحو الباب الجيران اتلمت اخيرا .

سمر خافت وفتحت الباب اما اقالو هيطلبو البولييس

مصطفي زقها وجري علي جوه اول اما فتحت الباب. لاقي سجده هدومها متقطعه والطرحه مفكوكه وشكلها صعب شروق جريت عليها حضنتها.

مصطفي قام بعصبيه ومسك سمر من شعرها. الجيران كانت دخلت وشايفين الشقه متبهدله ..

مصطفي: انطقي عملتي فيها ايه

سمر خافت وعيطت : معملتش .

سجده بتعيط وشروق حضنها. بتحاول تهديها

مصطفي ض*ب سمر بالقلم وهو بيصرخ فيها. الجيران ماسكوه .. وهو بيحاول يخلص نفسه منهم .

سجده بدموع : اخوها كان بيتهجم عليا

مصطفي وقف فجاه و بيحاول يستوعب كلام سجده . بص لسمر بغيظ.

الجيران طلبو البوليس.

مصطفي جري ع الاوض جوه وشاف رامي مستخبي مسكه من هدومها وض*به جامد والجيران مسكوه

واحد من الجيران : سيبه يا بني هضيع نفسك. ده واحد حشاش . البوليس زمانه جي

مصطفي بيض*ب فيه برجله وبصق عليه . وخرج من الاوضه

وقف جنب سجده اللي مرعوبه من الخوف نفسه يطمنها بس مش عارف يعمل ايه .. بص عليها بحزن البلوزه متقطعه وكتفها باين والزرارير متقطعها كمان .. وشعرها متبهدله وبتترعش .وشروق حضنها وبتعيط معاها .

كان لابس قميص مفتوح فوق التيشرت. قلع القميص وقرب من سجده خافت منه في الاول.

مصطفي: متخفيش. البسي ده عشان البلوزه مقطوعه

سجده بصتله بدموع. وهو حس بنغزه في قلبه . بصلها بحزن وبيعاتب نفسه انه سابها ونزل ...

شروق خدت القميص منه ولبستها وقفلته .. وهو دور علي طرحتها وادها لشروق لبستها .

البوليس جه وخدهم كلهم . وكلمو ابو سجده وابو سمر وابومصطفي مسافر بيشتغل مهندس في الخليج . فحضرت امه وخاله

مصطفي دخل ووقف مع سجده .ورامي وسمر.

الظابط : احكي ايه اللي حصل يا مصطفي

مصطفي: سمر قالت لسجده تقعد في البيت عشان عايزه تنقل منها حاجه. للدرس. واحنا نزلنا نصور ورق. رجعنا وسمعت صوت سجده وهي بتصرخ وسمر مكنتش راضيه تفتح الباب وبعد اما فتحت دخلت مع الجيران لاقين سجده هدومها متقطعها وقالتلي ان رامي اتهجم عليها

رامي : كدابه ياباشا دي بت سهله هي اللي دخلتي الاوضه وكانت عايزاني

مصطفي اتهجم عليه : اخرس يا*** يا**** دي اشرف منك ومن عيلتك كلها

الظابط شاور للعسكري يمسكه : احتا في شارع هنا التزمو الهدوء

ابوسجده بصلها بالم : ربنا ينتقم منك.

ابوسمر : انا عيالي محترمين

خال مصطفي ادخل هو محامي : حضرتك مصطفي عمره ما يكدب. وكمان لو هو فعلا زي ما قال رامي ان سجده هي اللي دخلتله وعرضت عليه نفسها. اثار الض*ب اللي علي وشها وهدومها المتقطعه وكمان رقبتها مجروحه يعني ده اثار اعتداء جسدي عليها وانا بطالب بعمل محضر تعدي

ابو سجده : لا. سمعت بنتي . بلاش يا فندم. ربنا يينتقم منهم.

الظابط : انت بتتنازل عن حق بنتك. ده مفروض يتحاسب.

ابوسجده : وسمعتها هتكون ايه. هيطلع عليها اشاعات .. انا مش عايز مشاكل. احنا متنازلين عن حقنا

مصطفي بصله : هما اللي غلطانين . سجده محترمه ومعملتش حاجه

ابوسمر ادخل : انا عايز اعمل محضر للواد ده عشان اتعدي علي ابني بالض*ب

ابوسجده : منك لله. انت وعيالك. حسبي الله ونعم الوكيل

الظابط ض*ب المكتب بايده : وماله نعمل محضر بالض*ب وقدمه محضر بالتعدي وانا هظبط لرامي ابنك تهمه حلوه علي قده

ابوسمر ورامي : انت بتهددني

الظابط بعصبيه وصوت عالي : انا مبهددش انا بنفذ . عيالي غلطانين والراجل مرديش يعمل محضر مع انهم مفروض يتسجنو. وانت بكل بجاحه وسفاله عايز تسجن الواد اللي انقذ زميلته من الا****ب.

ابوسمر ورامي خاف وسكت. وبعد فتره روحت سجده مع بابها وهي بتعيط وشروق كانت في بيتها . وابو سمر ورامي خدهم وروح لان مفيش تهمه متوجهه ضدهم

الظابط : مصطفي انت راجل وجدع. واحد غيرك كان هيخاف . بس انا فخور بيك. واتمني ابني يطلع زيك.

مصطفي: شرف ليا حضرتك .

خال مصطفي خده وخرج مع امه اللي كانت بتعيط وزعلانه منه

سجده وصلت البيت ودخلت جري علي اوضتها بتعيط وبتفتكر اللي حصل من اعتداء رامي عليها.

امها جريت عليها ولقيتها بتعيط واغمي عليها. جابولها دكتور كشف عليها وقالهم انها عندهم كريزما قولون عصبي مع ضغط عصبي.

ام سجده حكت للدكتور اللي حصل وعرض عليهم انها تروح لدكتور نفسي. وغلطهم انهم مسجنوش سمر ورامي بس ابو سجده عقله متخلف. خايف علي بنته من الفضيحه

الدكتور ادها مهدا ونامت من التعب. ...

في البيت عند مصطفي امه اتصلت بابوه وهي بتعيط وبتقوله علي اللي حصل وانها خايفه عليه من تهوره وعصبيته. .. وابومصطفي قالها يخلص السنه دي ثانوي ويسافر يكمل تعليمه معاه ..

ام مصطفي : ابوك هيخدك بعد الامتحانات وكمل تعليمك بره.

مصطفي: بس انا مش عايز اسافر

ام مصطفي : هتسافر انا مش هقدر اشوف بتضيع و

مستقبلك يروح عشان بتدافع عن البنات

مصطفي : انا راجل ومقدرش اشوف حد في الموثف ده وهسكت . افرضي كانت اختي. مش كنتي تتمني ان حد يجي ويلحقها

ام مصطفي : ده قرار نهائي خلص السنه دي من غير مشاكل وبعد الامتحانات هتسافر.

خرجت ام مصطفي ومصطفي هيتجنن منهم وفي نفس الوقت نفسه يطمن علي سجده ..

شروق اتصلت وعرفت ان سجده نايمه. .... ....

سمر ورامي رجعو البيت مع ابوهم ومعلقش علي اللي حصل لانهم الاتنين مدلعين اوي. وبابهم مبيحبش يزعلهم .. ?

سجده نايمه ودموعها ع خدها . ...