كيرفي( مكتمله)

12

#كيرفي

بارت١٢

اللهم صلي وسلم علي سيدنا محمد وعلي اله واصحابه وسلم

مصطفي وسجده في شهر العسل ...

وشروق وعاطف بيوضبو شقتهم. وسوسن وخالد بيقربو من بعض اكتر. . اوقات بيروحو النادي مع بعض . ..

بعد ٣ اسابيع مصطفي رجع من شرم. علي بيتهم

سجده : مصطفي انا كلمت ماما وقولتلها اننا وصلنا وقالت هتيجي بكره تطمن علينا

مصطفي: ماشي يا ملبن.

سجده : احضرلك العشا

مصطفي: لا يا قلبي. انا هشوف حاجه ع اللاب

سجده : ماشي

دخلت سجده..نامت من التعب ومصطفي خلص شغل علي اللاب ونام . .

تاني يوم ... سوسن ام سجده جتلهم ومعاها غدا ليهم .

بتحضن في سجده : واحشتيني اوي يا سجده

سجده : وانتي كمان يا ماما. عامله ايه

سوسن : الحمد لله. انتي عامله ايه اتبسطتي

سجده : اه جدا.

سوسن: الحمد لله. دايما يارب. ربنا يسعد قلبك

سجده : اللهم امين. ..

مصطفي: وانا بقي

سوسن حضنته : انت حبيبي. عامل ايه

مصطفي باس راسها : الحمد لله يا ماما . بخير

سوسن : دايما يا قلبي. عملالك الاكل اللي انت بتحبه .

مصطفي: بجد اكلك واحشني

سوسن : بالهنا .. اتفضل

الباب رن وكان خالد . مصطفي فتح وسلم عليه . ودخل سلم علي سجده .. وسوسن.

قاعدو كلهم ياكلو ... وبعدها مصطفي قعد مع خالد ابوه

خالد: مصطفي انا عايز اتجوز سوسن

مصطفي: ايوه بقي يا والدي يا جامد

خالد: بطل هزار. هي مش راضيه وبتقولي الناس وسجده مش هتوافق وهتزعل منها

مصطفي: لو علي سجده انا هتكلم معاها واكيد هتفهم .. والناس ملهمش حاجه عندكم انتم هتتجوزو بالحلال . بس هي موافقه

خالد : من كلامها بحس انها موافقه

مصطفي: انا هقعد معاها واتكلم واشوف رايها . وبعدين هرد عليك .

خالد : ماشي .

سجده واقفه مع مامتها بتحكيلها علي اللي حصل في شرم وبيضحكو. .

سجده : ماما انتي كويسه .

سوسن : الحمد لله يا بنتي. والله فرحتك عندي بالدنيا

سجده : بتقضي وقتك ازاي

سوسن : بقعد لوحدي واوقات بروح لخالتك الضبح. واوقات تاني بشمهندس خالد بيكلمني يطمن عليا ومرتين خرجنا روحنا النادي.

سجده : هي خالتو مش بتيجي تبات معاكي

سوسن: قالتلي مش هتقدر عشان جوزها وولادها. كل واحد ليه حياته .

سجده : ربنا يديلك طولت العمر .

سوسن : حبيتي... ربنا يخليكي ليه. .

..... ...... ....... .

مشيت سوسن وخالد ومصطفي قال هيروح البيت يتكلم معاها احسن. ...

خالد وصل سوسن لبيتها.........

خالد : سوسن انتي كويسه

سوسن : الحمد لله

خالد : شكلك تعبان

سوسن : ممكن يكون ارهاق .

خالد : الف سلامه عليكي .

سوسن : الله يسلمك.

طلعت سوسن شقتها وهي حاسه ان دماغها بتوجعها. نسيت تاخد دوا الضغط . ربنا يستر ومتتعبش بليل زي كل مره ..

بليل سوسن تعبت اوي اتصلت بسجده تليفونها مقفول ومصطفي كمان. التعب بيزيد حاولت تتصل باختها وتليفونها غير متاح .. . كانت بتعيط وحاسه انها هتموت. .. خالد اتصل بيها وهي ردت.

سوسن : خالد انا تعبانه

خالد : البسي وانا هاجي اود*كي للدكتور.

سوسن بتعيط وصعب عليها نفسها محدش جنبها

خالد : متعيطيش . انا جايلك. مسافه الطريق هكون عندك

سوسن: م ماشي

سوسن اتسندت بالعافيه وقامت لبست .. وخالد دقايق وكان عندها طلع خبط ع الباب وهي بتحاول تقوم تفتح بس خلاص تعبانه والتعب بيزيد عليها. فضلت تتخبط لحد اما فتحت . خالد شافها كده وصعبت عليها وشها احمر زي الدم .. وعينها مليانه دموعها وشكلها تعبان .

سندها ونزل بيها علي اقرب مستشفي .. الدكاتره خدوها وهو كان قاعد قلقان اتصل بمصطفي كتير بس مقفول . وسجده كمان. .

خرج الدكتور من اوضه سوسن.

خالد : طمني عليها

الدكتور : كويس انك لحقتها ده ضغطها عالي قوي . كان ممكن يغملها نزيف في المخ. ازاي يا استاذا متهتموش بدوا الضغط

خالد: معرفش . ممكن تكون مخدوتش

الدكتور : فعلا . شكلها مخدتش انهارده خالص . بعد حده خلي بالك منها.

خالد : حاضر. . هي هتمشي انهارده وله حالتها ايه

الدكتور : الاحسن تفضل تحت الملاحظه انهارده .

خالد : ماشي. شكرا يا دكتور

مشي الدكتور . وخالد دخلها اوضتها اللي في المستشفي كانت تعبانه ونايمه . . قعد جنبها علي الكرسي وهو زعلان علي حالها . ..

الصبح طلع. مصطفي فطر مع سجده. وافتكر ان تليفونه مقفول. فتحه. ولاقي مكلمات كتيرمن. ابوه وام سجده . قلق واتصل بابوه

خالد كان نايم علي الكرسي صحي من صوت التليفون

خالد : الو

مصطفي: بابا انت كويس

خالد : انت قافل التليفون انت ومراتك ليه. حماتك تعبت وجبتها المستشفي كانت تعبانه اوي.

مصطفي بخضه : مستشفي ايه

خالد: ال""""

مصطفي: طيب هلبس واجيلكم

قفل مصطفي مع خالد .

مصطفي دخل المطبخ لسجده : سجده تعالي البسي

سجده : هنروح فين

مصطفي: ماما تعبانه وفي المستشفي.

سجده : ماما

مصطفي: متخفيش حالتها مستقره حاليا

سجده : انا هلبس بسرعه

لبست هي ومصطفي بسرعه ونزلو عشان يروحو المستشفي وسجده كانت بتعيط وخايفه عليها

سوسن فتحت عينيها كان خالد قدامها .

خالد: حمد لله ع السلامه . كده تخضيني عليكي

سوسن: الله يسلمك. كنت هموت واتشهدت

خالد : بعد الشر عنك. ربنا يد*كي طولت العمر.

......سوسن ابتسمت بحزن وسكتت .....

خالد : متصلتيش انتي ليه وقولتي انك تعبانه.

سوسن: محبتش اقلقك. وتليفونات سجده ومصطفي مقفوله.

خالد : كنتي اقلقيني وملكيش دعوه. انا بتصل بالصدفه اطمن عليكي. واتخضيت

سوسن : ربنا يخليك ويحافظك

خالد : لسه رافضه الجواز

سوسن ضحكت بتعب : هو ده وقته يا بشمهندس

خالد : اه وقته ...الدكاتره فاكرين انك مراتي.

سوسن بصتله وسكتت. ....

وصل مصطفي ومعه سجده المستشفي وسالو علي رقم الغرفه ودخلو كانت سوسن نايمه وخالد قاعد علي المرسي بيتكلمو .

سجده جريت عليها وحضنتها : ماما انتي كويسه

مصطفي: الف سلامه عليكي يا سوسو . اتحسدتي

سوسن : الحمد لله انا كويسه . الضغط كان عالي

خالد : الدكتور قال انه نسيت دوا الضغط وكان هيعملها نزيف

سجده : ليه كده بس يا ماما

سوسن : نسيت يا بنتي. غصب عني

مصطفي: الحمد لله انك بخير.

سجده بدموع : الحمد لله.

مصطفي بص لابوه : شكرا يا بابا.

خالد : علي ايه.

مصطفي بخبث : خليت بالك من حماتي

خالد : اسكت يا زفت وبعد كده متقفلش تليفونك .

مصطفي: لا خلاص اخر مره. وعلي العموم انت موجود وبتسد

سجده: هو انت عرفت ازاي يا بابا ان ماما تعبانه

مصطفي قاعد وحاضن سجده : جواب بقي

خالد بصله بغيظ : ليك عين تهزر

مصطفي: ومهزرش ليك ما هي سوسو زي الفل. صح يا سوسو

سوسن ضحكت : صح يا حبيبي

خالد بصلهم بغيظ : اما وصلتهم بعد اما كنا عندكم كانت تعبانه وسالتها قالت ارهاق. وبليل اتصلت اطمن عليها لقيتها بتعيط وصوتها تعبان

مصطفي: ابويا ده حونين اوي . وقلبه اخضر

خالد : وربنا لو ما قفلت بوقك لقوملك

مصطفي: هتكتم.

سجده : كده يا ماما متقوليش انك تعبانه وايه اللي خلاكي اصلا تنزلي من عندي. انتي هتيجي معايا يا اما انا هاجي اقعد معاكي

مصطفي غمز لابوه .

سوسن : يا بنتي انتم عرسان جداد. وبعدين انا نسيت دوا الضغط من امبارح. بس بعد كده هفتكره. حرمت من اللي شفته

مصطفي : بس انتي هتيجي معانا ملناش دعوه. شكلك تعبان

سوسن : لا طبعا مش هسيب شقتي . واحي اتقل عليكم

مصطفي: تقلي انتي بس وله يهمك. ده انتي هتنوري البيت.

سجده : خلاص هاجي اقعد معاكي.

سوسن: قولت لا. انا خلاص بقيت كويسه. وهاخد دوا الضغط بانتظام. عيشو حياتكم ومتشغلوش بالكم بيا.

سجده ومصطفي حاولو كتير معاها بس هي مردتيش . رجعت البيت وسجده كانت معاها طول اليوم. وبليل قالت لمصطفي ياخدها ويرجعو بيتهم . ويوم اجازنهم يبقي يجو يقعدو معاها . .

خالد اتصل واطمن عليها و كان معاها علي التليفون وبيفكرها بالعلاج بتاعها ...

مصطفي : سجده. بابا عايز يتجوز مامتك .

سجده : نعممم. انت بتهزر صح

مصطفي. : بتكلم جد

تفتكرو ايه رد فعل سجده وهل هتوافق علي الجواز وله كنتم مكانها توفقو