كيرفي( مكتمله)

13

#كيرفي

بارت ١٣

سبحان الله وبحمده .. سبحان الله العظيم

مصطفي : بابا عايز يتجوز مامتك

سجده : بتهزر صح

مصطفي: لا مش بهزر. والله بتكلم بجد

سجده : مستحيل

مصطفي: وليه بقي

سجده : ماما عمرها مهتجوز . اصلا هي كبرت هتتجوز ليه

مصطفي: معني انها كبرت مش من حقها تعيش. هتدفنيها بالحيا .. فكري بعقلك وحطي نفسك مكانها .هي عايشه وحيده ومحتاجه. حد يشاركها وحدتها. ايه الغلط في ده

سجده : انت بتتكلم ازاي. غلط طبعا. هتتجوز بعد كل السنين دي. انا امي محترمه

مصطفي : وايه في اللي انا قولتله بيقول انها مش محترمه . الست محتاجه ونيس. وانتي اتجوزتي ومشغوله بحياتك وبشغلك.هي من حقها تعيش حياتها

سجده : قول كده . انت عايز تبعدها عني.

مصطفي : مش هرد علي كلامك المستفز . هبعدها عنك ليه. انا بحبك وبحبها زي امي وربنا شاهد علي كلامي .

سجده : هي قالتلك عايزه اتجوز

مصطفي : مقلتش

سجده : خلاص. انسي الموضوع .واصلا ابوك ازي يفكر في امي بالطريقه دي.

مصطفي: طريقه ايه. الراجل عايز يتجوزها . وبعدين انتي مش بتفكري ليه فيها . مش عايزه راحتها.

سجده : ورحتها في الجواز يا مصطفي. ست كبيره مفروض تفكر في اخرتها مش في الجواز

مصطفي: مكنتش متصور انك اناني لدرجه دي .

سجده : دي مش انانيه .الحقيقه. لايمكن يحصل. امي مش هتتجوز بعد بابا

مصطفي : علي اساس ان ابوكي كان معايشها حياه سعيده . . شخصيته كانت صعبه وكل حاجه لا. وانتي بنفسك اللي حكيتيلي عنه

سجده : انا غلطانه اني حكيتلك. جالي تعيرني

مصطفي نفخ : انتي مجنونه والله. بعيريك بايه. بقولك شخصيه باباكي كانت صعبه . ومامتك كانت بتخاف منه. ارمي الكلام ده كله ورا ضهرك . مامتك محتاج ونيس حد يونسها هي عايشه وحيده ايه العيب

سجده : لو مامتك ترضها تتجوز غير ابوك

مصطفي: اه ارضي . لو امي عايشه وحالتها زي مامتك ولقيت واحد بيحترمها ويحبها وعايز يكمل معاها هجوزها. مش عيب وله حرام. ده جواز. ويا ستي لو مت اتجوزي غيري

سجده : انت مش طبيعي . معندكش رجوله وله نخوه

مصطفي سكت ثواني بيستوعب الكلام اللي هي قالته.

سجده الغضب عميها ومش عارفه الكلام اللي بتقوله ايه

مصطفي بغضب : انتي فاهمه انتي قولتي ايه

سجده سكتت عشان عارفه انها غلطت .

مصطفي: ملكيش كلام معايا تاني . .

خد تليفونه والمفاتيح ونزل من الشقه عشان لو اقعد فيها اكتر من كده قدمها هيتخانق معاها واحتمال ميعرفش يتحكم في نفسه

سجده عيطت عشان زعلته. وعشان مامتها ليه تتجوز مش عايزها تبعد عنها بتحبها وغيرانه عليها من انها تتجوز وتهتم بحد تاني غيرها. بعد وصلت عياط.

قامت لمت هدومها من الشقه و خدت شنطه ونزلت من البيت وده كان تاني غلط تعمله. انها نزلت من غير اما تقول لجوزها .. كان مفروض تتاسف علي الغلط اللي غلطته فيه . ..

راحت علي شقه مامتها وخبطت ودخلت بالشنطه ومامتها بصتلها باستغراب.

سوسن : في ايه يا سجده ايه الشنطه دي

سجده : هقعد معاكي يومين عشان انتي تعبانه

سوسن : حبيبتي انا كويسه مينفعش تسيبي شقتك انتي عروسه بقالك شهر بس .

سجده : عادي يا ماما . انا مش هسيبك تاني. مش انتي بتحبيني

سوسن حضنتها : طبعا يا قلبي . انتي نور عيوني وبنت قلبي.

سجده بحزن : هدخل اغير واجي اقعد معاكي

دخلت سجده اوضتها وفتحت في العياط تاني.

سوسن اتصلت بمصطفي لان حاسه في حاجه

مصطفي كان في العربيه بيلف بيها ومخنوق ومش عارف يروح فين. تليفونه كان صامت .

سوسن اتاكدت ان في حاجه مصطفي مش بيرد اكيد زعلان ... اتصلت بخالد اللي اول اما شاف رقمها ابتسم

خالد: الو

سوسن : الو يا بشمهندس

خالد: ايوه ياسوسن عامله ايه

سوسن : الحمد لله . بقولك متعرفش مصطفي فين

خالد : في الوقت ده اكيد في ببته انتي تعبانه

سوسن : لا مش تعبانه . بس اصل سجده جت هنا ومعاها شنطه هدومها وانا حاسه ان في حاجه ما ببنهم

خالد : بس مصطفي عمره ما زعل حد. هيزعل سجده مراته وحبيبته. اقفلي وانا هتصل بيه لو مردش هروح الشقه . ما تزعليش انتي عشان الضغط ميعلاش عليكي

سوسن : ربنا يستر عليهم ويهديهم. سلام

قفلت سوسن مع خالد وعملت عصير ليمون ودخلت لسجده . كانت غيرت

سوسن: سجده . اشربي العصير واحكيلي مالك

سجده : مفيش

سوسن : لا في. انتي مش شايفه وشك .شكلك معيط

سجده: مفيش

سوسن : يا بنتي متتعبيش قلبي في ايه

سجده عيطت في حضن امها جامد وسوسن بتطبط عليها

سوسن : اهدي واقوليلي في ايه. مصطفي زعلك

سجده بتعيط وبس

خالد اتصل بمصطفي كتير وهو تليفونه صامت .. قرر يلبس ويروح الشقه وفعلا لبس وراح وفضل يرن الجرس كتير بس محدش فاتحله ..

لسه هينزل لاقي مصطفي طالع وشكله مضايق

مصطفي استغرب: بابا

خالد: مش بترد علي التليفون ليه.

مصطفي: تقريبا صامت.

طلعه من جيبه وكان صامت . فتح باب الشقه ودخل هو وخالد ..

مصطفي: دي مامت سجده اتصلت وانت. في حاجه.

خالد : زعلت مراتك ليه

مصطفي: هي قالتلك اني زعلتها.

خالد : هتلم هدومها وتروح لامها ليه ..

مصطفي : ايه. ثواني كده

دخل اوضه نومه وفتح الدولاب وفي شمعات كتير فاضيه .. قعد علي السرير بيحاول يسيطر علي نفسه. مش كفايه انها غلطت فيه . لا كمان لمت هدومها حتي مهنش عليها تتاسف بمكالمه او رساله.

خالد لاقي ابنه اتاخر داخله لاقاها قاعد علي السرير وموطي راسه

خالد : مصطفي

مصطفي: نعم يا بابا

خالد : ايه اللي حصل مع مراتك. احكيلي وانا هساعدك

مصطفي سكت مش عارف يقول ايه لابوه ان مراته غلطت فيه لا دي مش بتحترمه وشايفه مش راجل ومعندوش نخوه .كل ده عشان صعبان عليه حالته مامتها انها قاعده لوحدها. فعلا هو مش راجل لو راجل كان عرف يحكم عليها انها متنزلش من غير اما يعرف هودي فين .

خالد : يا بني بكلمك ..انت اتخنقت معاها عشان موضوع جوازي من امها

مصطفي ابتسم بهم وبصله : هجوزهالك وحياتك عندي لتتجوزها. غصب عنها

خالد : انا مش عايز اتجوزها. روح صالح مراتك الحياه قدامك وانت لسه عريس

مصطفي: هه. عريس

خالد : يلا قوم معايا خدلها علبه شوكولاته وصالحها

مصطفي : لا مش هقوم . هي اللي اختارت انها تسيب بيتها. براحتها. هي مش عايزاني وانا كمان مش هتمسك بيها . مش هتمسك بواحده باعتني .

خالد : مصطفي انت دلوقتي متعصب . اهدا وبعدين نتكلم

مصطفي: مفيش كلام خلاص

خالد : اقعد اهدا . وربنا يهديلك نفسك .

مصطفي نفخ وقعد مخنوق. وبعدين بص لابوه. : قوم معايا

خالد : هنروح فين

مصطفي: مخنوق من هنا. تعال نزل شويه

خالد : تعال نروح نقعد ع النيل

مصطفي: يلا

نزل مصطفي مع خالد

سجده من كتر العياط نامت ع رجل امها. غطتها وخرجت

اتوضت وصلت تدعي لبتها ربنا يهديها

خالد خد ابنه وقعد معاه في مركب ع النيل

مصطفي: فاكر اما كنت صغير كنت بتجبني هنا اما تنزل اجازه

خالد : طول عمري بحب البلد هنا اوي وبحب النيل

بحس براحه في دفا كده غريب .

مصطفي: سافرت ليه واشتغلت هناك .

خالد : كان طلب امك . عايزه تحسن مستوي عايشتنا ونعيش احسن . عشان كده اتغربت وسافرت بس مكنتش بحس براحه غير هنا. اول اما بنزل اجازه برمي كل همومي . وباجي هنا اجدد طاقتي . واسافر اكمل طحن وشغل

مصطفي: بابا. انت بتحب ام سجده

خالد سكت

مصطفي: سؤال صعب

خالد: مش صعب. بس غريب انك انت اللي بتسال

مصطفي: عشان انا ابنك .

خالد: حاسس انك متقمص دوري

مصطفي: هي بتعتبرني ابنها يعني انا ولي امرها.

خالد ضحك ؛ الصراحه

مصطفي: ياريت

خالد : اه بحبها. شخصيه مريحه وتحس انها علي طبيعيتها بتتكلم معاها كده من غير تكلف وله تكتيفه.

برتاح اما بتكلم معاها. عشان كده اول اما شوفتها وحاسس انها اللي هتكون معايا في اخر ايامي

مصطفي: ربنا يد*ك طولت العمر . انا عند وعدي هجوزهالك

خالد: لا خلاص. انا صرفت نظر عن الموضوع ده. هكتفي بحبها من بعيد

مصطفي بيغني : واعيش علي ذكراك

خالد : الحياه لسه هقدمك

مضيعش عمرك في الخناق والنكد

مصطفي بهزار : انا راجل نكدي

خالد: بطل هزار . بقولك نصيحه

مصطفي: نصيحه فصيحه.

خالد : ولو زقيتك من هنا .

مصطفي : هقع في النيل واعمل تيش

خالد كشر: ابو تقل دمك. .

مصطفي ضحك وحضنه : وربنا يا ابو مصطفي لااجوزك سوسن غصب عنها وعن اهلها.

خالد : انت مجنون يلا

مصطفي : ابنك مجنون يا حاج

خالد : ربنا يهد*ك يا مصطفي