7

1327 Words

#كيرفي بارت٧ لا إله الا الله سجده راحت الشركه وكان في إجتماع مجلس إداره .. دخلت الاجتماع واتفاجات بمصطفي قاعد مع مدير الشركه مدير الشركه استاذ منصور السباعي : تعالي يا سجده سجده : نعم يا فندم منصور: اعرف بشمهندس مصطفي خالد شريكي الجديد عو ابن صاحبي خالد سجده ابتسمت : اهلا يا بشمهندس منصور : ودي بقي يا مصطفي تكون سجده مختار مدير قسم المشتريات بنت ممتازه وهتساعدك كتير مصطفي : اهلا يا سجده. عارفها ياعمي منصور : تعرفها منين مصطفي : كنا زمايل في ثانوي منصور: بجد . طيب كويس قعدت سجده وابتدا الاجتماع ومصطفي اعجب بذكاءها. سجده : بس انا اعرف مكان احسن من اللي حضرتك هتتعامل معاه كمان الخامات بتاعته ممتازه. والمعدات كمان مصطفي: قبل ما نتعامل مع حد انا عايز اشوف الخامات بنفسي سجده : تمام يا بشمهندس ممكن تيجي معايا المصنع اللي قولتلك انا عارفه المدير مصطفي: بعد الاجتماع هنروح مع بعض منصور : انت داخل الشغل سخن يا مصطفي مصطفي ضحك : لا يا عمي عادي بس حابب اعرف المكان اللي بتقول عليه سجده عشان اما نبدا مفيش حاجه تعطلنا . احنا هنركب الاسناسيرات في المدينه الجديده . ولازم نجهز بالمعدات سجده بتحدي : وانا جاهزه يا بشمهندس . بعد الاجتماع علي اتفقنا مصطفي : تمام تمام بعد الاجتماع.. سجده راحت علي مكتبها وكانت بتكلم شروق في التليفون وبتحكي علي مصطفي انه بقي شريك في الشركه. شروق: الحب الحب .. سجده : متزويدهاش. عادي يعني شروق: ده اول اما انتي نزلتي امبارح سلم بسرعه وجري وراكي.. وعاطف هو اللي قالي ان ده مصطفي صاحبه. معرفتوش سجده : اه شكله اتغير شروق : اممم. وايه كمان سجده : ههههههه . وبس. شروق : طيب . مصطفي خبط ودخل . سجده : اتفضل يا بشمهندس. شاورت علي الكرسي قعد مصطفي . سجده : هقفل دلوقتي. شروق : كلميني اما اما تروحي وتحكي التفاصيل. سجده ضحكت : ماشي شروق : قولي باي يا حبي. سجده اتسغربت : وليه بقي شروق: عشان مصطفي يفتكر انك بتكلمي ولد فيغير عليكي سجده ضحكت بصوت عالي ومصطفي بصلها واضايق وخبط بايده علي المكتب. سجده : سلام. قفلت سجده مع شروق ومصطفي كان مضايق ومكشر سجده : ايوه يا بشمهندس مصطفي : خلصتي المكالمه المهمه سجده : اه خلصت. ما انا قفلت اهو مصطفي: يلا عشان نروح المصطنع سجده : اوك خدت شنطتها وتليفونها ونزلت مع مصطفي. ركبت العربيه وقالتله علي العنوان . شروق كانت بتبعتلها رسايل علي الواتساب. كتير لحد اما فتحت وقراتها وضحكت بعتلها صور قرايه الفاتحه وبتتريق علي نفسها مصطفي وقف مره واحده وهي كانت هتتخبط في الازاز بس لحقها ومسك ايديها. سجده بخوف: في ايه مصطفي: الهانم مش واخده بالها وماسكه التبلفون وبتضحك. انتي اتغيرتي اوي سجده: اتغيرت ازاي. مصطفي كان مضايق : اسلوبك اتغير وبتضحكي بصوت عالي سجده : قصدك تقول اني بقيت قليله الادب صح مصطفي: متقوليش حاجه علي ل**ني سجده : هو كلامك ملوش معني غير كده مصطفي: ليه. سجده: ايه هو بقي مصطفي: في تصرفات بتعمليها غلط سجده سكتت مردتش . مصطفي اتحرك بالعربيه علي المصنع . وصلو ونزلت من غير كلام ..دخلت علي الباب وسالت البادي جارد علي بشمهندس سامح الاسيوطي سجده : قوله سجده مختار الجارد : ثواني يا فندم. اتصل بالتليفون وسجده واقفه ومصطفي عايز يكلمها بس هي مكشره. دقايق ودخلت هي ومصطفي ..وقابلت سامح كان شاب في التلاتين من عمره . سامح : سجده عندنا. وانا اقول المصنع نور ليه سجده بابتسامه : بطل مبالغه سامح : بجد مش مبالغه عامله ايه سجده : الحمد لله. مصطفي نفخ .. سجده بصتله : سامح ده بشمهندس مصطفي صاحب الشركه اللي شغاله فيها سامح : اهلا وسهلا . تشرفنا. اتفضلو قعدت سجده ومصطفي وسامح .. طلب قهوه سامح : مش الشركه صاحبها منصور السباعي مصطفي: اه انا شريكه سامح : اه . اوك سجده : سامح .بشمهندس مصطفي عايز يشوف الخامات والمعدات عشان يتاكد من الجوده سامح : طبعا . اتفل معانا ونعمل جوله في المصنع. مصطفي : ماشي سامح : بس الاول هنشرب القهوه . سجده : مفيش داعي نضيع وقت سامح : بشمهندس عنده اعتراض مصطفي: لا خالص سجده : انا عندي اعتراض. هتاخر سامح : لو اتاخرتي هوصلك للبيت مصطفي: وحضرتك تعرف بيتها سامح : اه طبعا مصطفي بصلها من فوق لتحت : يلا عشان انا مستعجل سامح اتحرك مع مصطفي و شاف الخامات وكل حاجه وفعلا كانت الجوده العاليه. . مصطفي : فعلا جوده الخامات ممتازه سجده : تمام . سامح : شكرا. انا كنت بشتغل بره ولسه فاتح المصنع هنا من كام شهر . مصطفي: اهم حاجه الجوده سامح : متقلقش انا هتابع مع سجده ومش هنختلف مصطفي بيحاول يداري غيرته : يلا عشان نمشي. سامح : خليكي واوصلك انا مصطفي:احنا عندنا شغل. مش فاضين سامح رفع حاجبه باستغراب وبص لسجده. سجده : هكلمك يا سامح سامح : سلمي علي ماما سجده : حاضر. مصطفي خرج وسجده معاه واول اما ركبو العربيه مشي بسرعه جدا سجده : مصطفي قلل السرعه بس هو مش سامع سجده صرخت بصوت اعلي : مصطفي وقف مره واحده وبصلها بغضب : مش بقولك اتغيرتي. سجده : حتي لو اتغيرت انت مالك. مصطفي اتوتر ومش عارف يرد بايه : انا يهمني سمعه الموظفين اللي في الشركه سجده : نزلني هنا. مصطفي : هنا فين . احنا في صحرا سجده : نزلني وملكش دعوه بيا. مصطفي: بطلي هبل. سجده : اصل انا هبله وقليله الادب. مصطفي سايق العربيه ومش بيرد عليها . جت تفتح الباب عشان تنزل بس هو قفل من عنده. سجده : افتح يا مصطفي احسنلك مصطفي: اششش . سجده : افتح الباب مصطفي: وطي صوتك. سجده : نزلني مصطفي: عايزه ترجعي لسامح يوصلك سجده : سامح ده ابن خالتي. مصطفي وقف العربيه : اسف سجده : بتتاسف من واحده قليله الادب مصطفي : انا غ*ي. سامحيني. سجده تليفونها بيرن كتير فتحت وكانت شروق سجده : عايزه ايه يا شروق شروق : مش فاتحه الواتساب ليه. في صوره حلوه اوي ليكي سجده : مش فاتحه الواتساب عشان عندي شغل .. هخلص واكلمك قفلت سجده مع شروق وبصت لمصطفي : نزلني هنا او اتحرك بالعربيه مصطفي: سجده خلاص بقي. سجده : لا مش خلاص انت بتشكك في اخلاقي مصطفي: بصراحه. انا كنت مضايق اما لقيتك بتهزري مع سامح وقبلها كنتي بتضحكي في التليفون . افرضي حد من المواظفين سمعك . سجده : ايه اللي ضايقك في الموضوع مصطفي سكت ومردش عليها وساق وقف عند محل شاورما كبير . سجده : نعم مصطفي: انزلي. انا عارف انك بتحبي الشورما سجده : مش بحبها مصطفي نزل وفاتحلها الباب : بتحبيها انا فاكر. سجده : كرهتها مصطفي: بتحبيها. انزلي بقي. سجده : مش عايزه مصطفي واقف علي الباب : اقبلي اعتذاري. بجد اسف. اسف. سجده : خلاص قبلته. الناس بتتف*ج علينا مصطفي: يلا تعالي سجده : مفيش داعي مصطفي: سجده بجد انتي متعبه . اتفضلي انزلي .وله عايزاني اشيلك سجده ضحكت بصوت عالي ومصطفي نفخ : بلاش ام الضحكه دي . اضحكي براحه احنا في الشارع سجده : سوري . اصل انت اللي بتضحكني. مصطفي : وانا قولت ايه يضحك سجده: قولت هتشيلني. انت مش شايف جسمي قد ايه مصطفي قرب منها. وهي اتوترت : ماله جسمك . انتي عسل ملبن يا ناس سجده شهقت ووشها احمر : ايه اللي انت بتقوله ده ..عيب مصطفي: كنت برد علي سؤالك . مش قصدي اضايقك سجده نزلت وشها في الارض . مصطفي: بصي انا مش عارف مالي انهارده . اسف سجده : انا عايزه ارجع البيت. انت ناسي ان ماما عزماك مصطفي: ما انا مكنتش هاجي . محبتش اكون تقيل سجده : لا مش تقيل .هي عزماك مصطفي: خلاص هوصلك البيت واغيرهدومي وارجع. سجده : تمام . مصطفي : خليكي في العربيه ثواني دخل المطعم واشتري سندوتشات شوراما وبيبسي وشوكولاته ورجع لسجده ادها الشنط وركب . سجده : ايه كل ده. مصطفي: انا عارف انك بتحبي الشورما وجبتتلك سجده : والبيبسي والشوكولاته مصطفي: اعتبريه اعتذار مني علي قله ذوقي معاكي. كنت سخيف. سجده : اه فعلا مصطفي بصلها .. سجده : مش بحب اكدب مصطفي: اوكي. المهم اقبلي اعتذاري . سجده : خلاص اصلا انا نسيت. . والشورما ريحتها تجنن . فتحت الشنط وطلعت سندوتش ليها وواحد لمصطفي خدت قطمه : امممم. لذيذه مصطفي بصللها بنظره غريبه. وهي اتوترت سجده : كل السندوتش مصطفي: لا. مش هاكل دلوقتي . سجده : كل سندوتش واحد لحد اما تيجي تتغدا مصطفي: اكليني اصل انا بسوق سجده : نعممم مصطفي: بهزر . سجده : اه افتكرت مصطفي في سره : مش بهزر اوي وصلها عند البيت. ونزلت من العربيه ومعاها الشنط قفلت الباب وبصتله من الشباك : هستناك مصطفي: ساعتين و اكون عندك سجده : ماشي. مصطفي استني اما طلعت وبعدين مشي. راح بيته خد دش وغير هدومه ونزل اشتري بوكيه ورد وعلبه شوكولاته .. وراح لبيت سجده . رن الجرس فتحتله مامتها مصطفي: عامله ايه انهارده يا ماما ام سجده : بخير يا حبيبي. تعال . مصطفي : اتفضلي. سلمها البوكيه والشوكولاته ودخل قعد في الصالون .. شويه وخرجت سجده سجده : الورد جميل. شكرا مصطفي: لمامتك علي فكره سجده بزعل : انا وماما واحد مصطفي بابتسامه : بهزر معاكي سجده بصوت منخفض: هه. ظريف مصطفي: بتقولي ايه سجده : هقوم اشوف ماما دخلت المطبخ كانت مامتها خلص ساعدتها ونزلت الاكل علي السفره . و قعدو اتغدو مع بعض. مصطفي: تسلم ايدك يا ماما الاكل يجنن ام سجده : تسلم يا حبيبي . بعد الاكل سجده شالت الاكل وام سجده قعدت مع مصطفي كانو بيتكلمو . وشويه واستأذن ومشي . ..

Free reading for new users

Scan code to download app

App Store Google Play

Facebookexpand_more