Nang matapos kumain si Akhie ay inasikaso ko na ito. Pinunasan ko ang mukha n'ya at mamaya ay aakyat kami sa kwarto n'ya. Kailangan ay maitanong ko din kay Manang ang mga kailangan kong gawin. Hindi naman kasi si Akhie, katulad ng mga kapatid ko na kahit ano lang ay p'wede sa kanila. Ayaw ko naman na magkamali at mapagalitan ni Sir Mayor. Palagi pa naman na seryoso ang isang 'yon. Kaya hindi malabo na kapag nagkamali ako ay iinit agad ang kan'yang ulo.
Kaya kailangan na mag-ingat ako sa bawat galaw ko sa bahay n'ya.
"Ma'am Jamie,ang mga kasambahay na ang magliligpit n'yan." napatingin ako kay manang Cora. Hindi ko man lang napansin na pumasok na pala ito dito sa dining area.
"Kaya ko naman po Manang,"
"Alam ko,pero sanayin mo ang sarili mo na h'wag maging masyadong mabait Ma'am. Amo
